Subject: Re: DavDub Mus Blog Tebchaws Part One Tue Oct 27, 2015 12:39 am
Nkauj Dala thiab 8tos8nco,
Hais txog Hmoob Ancient tej niag kev ntseeg qub qub ntawd kuv twb tsis tshua nyiam thiab tsis raug hnav rau lawm es kuv thiaj li tsis kawm vim yam niag saub neeb ntawd nws qub dhau thiab pheej muaj cov niag txiv neeb homm dag kom tus neeg ntawd ua li tus txiv neeb hais ces thiaj li ua xwb ces kuv tus kheej mas tsis tshua ntseeg lawv tej niag kev cai qub qub ntawm ces kuv thiaj li tsis kawm thiab tsis paub zoo xwb. Tab sis, hnub Saturday tag los nov ces kuv mus nrog kwv tij ua ib qhov thiab hos Sunday los kuv kuj ua ib qho thiab mas kuv tsis tau so kiag os. Tsis tag li ntawm xwb, kuv tsis xav tua nyuj lawm na vim nyuj los yog bua mas kuv yeej tsis xav tua lawv coj los ua kua nqaij soup thiab noj nqaij vim kuv saib saib neeg raug tua hauv facebook ces kuv txawm cia li noj tsis tau tej niag nqaij li kuv hais ntawm lawm ces kuv tsis xav muab ib yam tsiaj txoj sia txov li thiab peb Ua neeb mas kuv tseeg tej yam thiab tab sis tej yam kuv kuj tsis ntseeg.
NKauj Dala.., koj yeej hais yog lus kawg lawm os, cov neeg tsis paub qab hau li kuv ces kuv thiaj li tham tau yam niag tsis yog lus pes tsawg xwb hos Luag lwm cov neeg uas txawj je paub qab hau ces luag tsis hai cov lus ruam ruam li kuv hais nov thiab txawm li cas los kuv tsuas hais txij ntawm kuv ntiag tug xwb es kom txhob raug rau cov neeg je (smarter) vim kuv tsis ntseeg yam twg los yog kuv tus kheej xwb es luag tej ntseeg yam twg los yam ntawm yog luag ntiag tug os.
Subject: Re: DavDub Mus Blog Tebchaws Part One Fri Oct 30, 2015 11:00 am
davdub wrote:
Nkaujnagtshia,
Koj nyob rau Roob Kub Twm xyoo twg txog Xyoo twg cas kuv xav hais tias koj tseem nco tau zoo kawg li os. Lub sij hawm tawm ces kuv lo rau ntawm lub zos ntawd yog xyoo 1976 thaum lub 2 hli ntuj os thiab thaum ntawm ces kuv yeej tiav me nyuam tub hlua lawm tsuas yog tsi tau kab ham tham hluas nkauj xwb mas hluas nkauj muab yus khawm los yus tseem muab hluas nkauj thawb ntiag ua nws tshuav ntog xwb tiag vim qhov ntawd mas twb yog tim yus ruam heev xwb ne cas yuav khuv xim ua luaj es lam yog laus li tam sim nov mas ntshe kuv yuav zoo siab tshaj thiab ua tsaug rau hluas nkauj xwb lau thiab kuv xav hais tias lub sij hawm ntawm mas kuv los nyob rau lub zos ntawd tsis muaj koj xeem nyob rau hauv li nawb ces tej zaum nej yeej tsiv ntev xyoo ua ntej kuv los nyob rau hauv lawm.
Hais txog cov paj qhaus hav nras li koj hais ntawd yeej muaj kawg vim ntawm ncauj kev yuav los mus rau tom lawv lub nra thong pheng (thoob Pheem) mas thaum lawv muab cov hav puam khab hlawv kub nyhiab tag kom ntev li ib van thiv tej xwb ces koj yeej pom cov paj liab paj dawb tawm cuag cas tuaj rau saum daim npoo av mas cas yuav kho siab kawg li thiab cua tuaj lam lug txias zias mas cov thuv cua hlob tuaj mas koj hnov lub suab quaj nrhov vwv xwb mas tseem ua rau yus kho siab tshaj plaws ntxiv uas tsis muaj thaj chaw twg yuav zoo npaum li ntawm kiag li es kuv tham li nov xwb es cia kuv lub hwb tig rau lub sij hawm ntawd mas kho kuv siab kawg tshuav tuag xwb os. Tab sis cas ho xav txog rau thaum kuv rov mus Los Tsuas teb ntawm cas kuv twb tsis los ib lub kua muag lawm vim luag muab tej thuv loj loj thaum ub ntov tag mus muag rau nyab laj lawm ces tej hav zoov ntsuab xiab los tsis muaj tag li lawm ces Roob dos dus lawm xwb mas Nkaujnagtshia vim tsis muaj hav zoov tsaus nti li thaum ub lawm thiab tam sim nov ces pom roob do dus li thej pob zeb roob tsuas lawm xwb mas yus tus plig yeej tsis xav nyob tim li lawm thiab yeej xav rov los nrog Nai Phoo Vaj Pov nyob rau rooj teb no lawm xwb.
Kuv lus rov teb txog rau ntawm cov paj qhaus hav nras ces thaum ub kuv nyob muaj ntau kawg. Tab si, tom qab nov xyov puas muaj lawm nawb.
DavDub ...aw, Nkaujnagtshia yuav paub tias xyoo twg nas haha tej laus muab ncej puab qaib rau Nkaujnagtshia es Dev los ntsia ntsia Nkaujnagtshia noj ncej puab qaib es Nkaujnagtshia tseem muab zais nraum pob twg to nco dev twb chua nqa mus noj lawm es Tseem sia daim sev tsis hnav ris li os haha yuav ua cas nco tau mas vim Nagtshia twb qhia koj tom tsev 2-3 zaug lawm sub nas thiab zoo siab tau hnov txhua tus me neeg tej me lus tham lom zem thiab txaus txaus luag es nim ua rau tsev Mas sov so xwb es tsis nco qab tsam tsev kub nyhiab tsis hnov na haha sib ntsib dua os viv ncaus Nkaujdala thiab 8tos8nco thiab DavDub..........
Zoo siab tseem muaj peb txhua tus tseem tuaj ua si kom sov zos thiab os.
Davdub, Hmoob-Nplog cov ntses daj tav ntawm ntshe tsis zoo noj li pob vim tus ntses ntxim muaj pob txha heev li os.
Nkaujnagtshia, koj zaj dab neeg mas cas yuav tham tau ntxim tseem mos mos kawg li os vim lub sij ntawm ntshe koj tseem tsis tau paub tab li cas ho yom.
Subject: Re: DavDub Mus Blog Tebchaws Part One Fri Nov 06, 2015 7:02 pm
Nyob zoo Friday night rau sawv daws,
Tau 2-3 hnub nov mas zoo li kuv hauj lwm ntau zog tuaj lawm ces tsis tau muaj sij hawm yuav tuaj saib kuv cov me zoo phooj ywg sawv daws li lawm ces thaum tsis tau tuaj mas lub siab yeej ua loj ua lug yuav tuaj sau me ntsis lus tso tseg rau sawv daws tau tuaj nyeem mas lub siab thiaj li nyob tus.
Cov phooj ywg, nej yuav mus dab tsi rau lub Saturday no xwb? Ntawm Kuv tus kheej ces kuv yuav mus saib niam tais thiab tus dab laug hlob poj niam nyob rau Yuba Marysville, CA thiab Kuv yuav thauj li 7 leej neeg nrog kuv mus mas sawv daws yeej yog tib co neeg laus xwb laiv ntshe kuv lub niag Sienna Van yuav tog vias heev ntag thiab kuv lub niag Van ntawd los kuj qub qub lawm vim kuv twb yuav puag lub xyoo 2001 lawm, tab sis kuv hloov timing, spoke, thiab log tshiab tag rau lawm hos cov new shock ces tseem tsav tau khiav ntaug leev li lub tsheb tshiab thiab kuv tuaj nyob rau USA ces kuv twb yuav tau tsheb ntau thaj tsam li ntawm 12 lub tsheb, 9 lub tsheb ces yog cov brain new tsheb hos 3 lub ces yog cov used cars xwb, thiab kuv cov tsheb tseem yog low Mileage thiab xwb.
Luag tej txawj khwv tau nyiaj ntau ces luag yuav tau tsheb ntau heev hos kuv ces toob nkeeg heev li vim tsis nyiam mus ua teb ces lam mus tus tsev viv xwb ces lam yus tau me me nyiaj xwb thiab luag them li cas siv li ntawd hos kuv rhais chaw los yog tsiv tsev rau ub rau no mas yog 4 lub xwb xws li 2 lub tsev ces yog kuv rent an apartment thiab 2 lub ces yog home buyer ces ho muab ib lub niag home foreclosure lawm thiab ces tshuav ib lub lawm xwb.
Muab hais los mus ces kuv twb tsis moved around ntau qhov chaw kiag li nawb vim kuv nyob qhov twg ces kuv yeej yog nyob thaj chaw ntawm permanent ntau xwb hos luag tej mas khiav qab teb nto qaum teb thiab rov qab los txog los kuv tseem nyob kuv qhov qub chaw tsis khiav li vim kuv paub zoo lawm hais tias nyob rau lub teb chaws USA nov ces txawm yuav tsiv mus nyob tsawg lub zos los nws yeej tsis sib txawv deb npaum li cas vim nyob qhov twg xis yus lawm ces nyob qhov ntawd xwb.
Ok, kuv piav kuv li personal ntau zog rau nej lawm los lam nyeem nawb.