Cas kuv nco nej tag npaum li os cov vivncaus aw

First topic message reminder :

Nco nej kho siab khuav xwb
Tej me hlwb puas tsus
Xav mus ya nrog huab cua
qhib ncauj xua kuj kaub
Nej puas paub tias kuv nco
Txhua hnub hmo kuv tuaj xauj nej nov
Kuv siab tsis sov vim tsis muaj nej tos
Kuv rov los nyob kho siab tiag li os cov phooj ywg aw........!

Nkauj Hnub Qub tij laug yeej paub

tej lus saub uas koj tau hais

nws yeej txhais tias koj muaj tsw

kev phooj ywg tsuas los ib vuag

lub suab luag tsuav nrov ib zaug

caij ntuj tsaug nkauj hnub ncaim mus

kuv leej nus tseem mus nrhiav nyab

ntuj qub qab los nrhiav tsis tau

zaum tsaws npau tsis muaj muam pab

tej me nyab uas yog nyab yau

los ho dhau mus ua luag tug

thaum sib nrug nws mus muaj txiv

tham ntxhi chiv txoj kev yug tub

tsis nco hlub tij laug lawm os

tij laug tos nws me nyab yau

twb yuav dhau ob tiam neeg lawm

kev txij nkawm yeej los tsis txog

nws puas yog lub ntuj rau txim

thiaj tau lim leeg rau sab ntuj

tso tus ntsuj tuaj sib ntsib xwb

hauv lub hlwb ua lub chaw nco

kuv hais no koj puas ntseeg thiab

mus kav kiab thaum tau nyiaj ntau

xa euro mus rau tij laug

yuav nyab yau tos koj lwm zaus naw....hahaa

hahahaha, tijlaug koj mas...

Me muam yau tsis muaj suav suav
Lawv twb dhuav tsis xav nyiam
Tsis xav tiam tsis xav hlub lawm
Los tsis tawm tseem nyob nrog luag
Tsis tau puag los tau chaw nyob
Lub plhu nphob muag txaj tas
Xyov li cas thiaj yuav pab tau
Nws txhob npau cia khwv tso
Yeej yuav nco txog kuv leej nus
Maj mam mus xauj ua ntej
Yog tim nej kuv nyab hlob
Nws tsis nyob tsis zov lawm
Maj mam kawm kom tau num zoo
Es mam nroo txoj kev yuav nyab yau
Thiaj li tau tus yuav tsis puas koj cuab
Ua zoo qhuab thiaj li mloog koj
Thiaj tau noj li koj siab nyiam
Ces thiaj tiam tus yau tus hlob
Thiaj nrog koj nyob ntev
Koj vaj tsev nws thiaj tus mog
Kua muag nrog thiaj tsis muaj ntxiv

ua tsaug rau koj zaj paj huam os tijlaug a

Zoo kawg lawm mas Nkauj Hnub Qub
yav nruab hnub peb tawm tuaj ncig
caij qaim hli koj tseem tsaug zog
ib tag hmo peb mus pw tag
koj mam nkag ua poj ntxoog tuaj
thiaj tsis muaj leej twg tos txais
koj dua ntais peb tshwm zom zaws
pom hneev taw tseem tsuj tshiab khiv
seev awv iv ploj ntais tom roob
hnov me xyoob dam nrov nkij nkuaj
peb ho tuaj caum qab ib vuag
caum tsis cuag thiaj rov ntshaus ntsho
tham li no lwm hmo mam hais dua tshiab...mog!!

koj nco peb es nco npaum li cas
kuv nco koj ces nco nco vwm tag ua dab tsi los ua tsis tsheej os me niamhluas,

nyob zoo niam laus Nkaujhmoob, kuv los nco koj heev thiab mas mog
mus txog qhov twg los yeej tsis muaj tus hais lus zoo li koj li os me niam laus a
kuv ces yeej nco ntsoov koj tsis ploj li os
kuv xav ntsoov hais tias tuaj hauv no ces ib hnub twg kuv yeej yuav ntsib koj xwb os tiag os nawb
Thov kom koj noj qab nyob zoo mog

» tsis tau pom dua tus nab loj npaum li no li os