Zoo siab txais tos koj tuaj koom kev lom zem hauv Hmongheaven no thiab. Vam thiab cia tias nyaj ib hnub tom ntej no peb yuav sib paub zoo tshaj nov ntxiv thiab. Nkaujhmoob tsis txawj hais lus pajhuam lus dho. Txiv leej tub txhob xav li cas es lam nrob peb tham lus laug hnub. Kom lub sijhawm kheev mus ceev es lub xyoo thiaj tsis ntev ntev xwb ma...
ua tsaug rau koj zaj lus hdo nawb nkauj hmoob meskas muaj caij muaj nyoog tuaj sau rau kuv txiv leej tub tau nyeem thiab thov kom peb sib paub zoo tshaj qhov no os nkauj hmoob tus txawj hais lus e...zoo siab tias tau tuaj paub nkauj hmoob hauv no nawb ....li cas los yuav nrhiav sij hawm tuaj mus nrog nkauj hmoob sib raug zoo hauv no os nawb es nkauj hmoob ua siab loj siab dav nawb tsam muaj qee lo hais tau siab nkauj hmoob lawm los zam txim os mog
Subject: Re: Txivleejtub, Welcome To Hmongheaven Sat Apr 19, 2014 8:58 pm
Txivleejtub,
Cas peb ib leeg nim nyias nyob nyias ib sab ntuj los cas peb tseem tau tuaj sib ntsib nov thiab Ntse xyoo no yog ib xyoo zoo rau peb thiaj tau tuaj sib poog. Nkaujhmoob tsis ntshai li mog. Muaj txiv leej tub tuaj nrog peb tham pem luag sijhawm ces twb yog xyoo zoo. Nkauhmoob lub siab yeej dav tau yog Txivleejtub kam nrog nkauj sau lus sib caum ces peb kev phoojywg thiaj yuav zoo txaus mus ntev ntev xwb tiag....hehehehe
Subject: Re: Txivleejtub, Welcome To Hmongheaven Sat Apr 19, 2014 11:17 pm
yog lawm mas nkauj hmoob txawm nyias nyob nyias ib sab ntuj los koj tseem tham thiab sau ntawv hmoob ces zoo siab kawg lawm os nkauj hmoob aw''''ib nyuag tu siab hais tias cas es tsis tau nrog nkauj hmoob tuav tes ncig li yeev rau tej me chaw ua si lawm ib ncua kev xwb os ...tsuas yog pom nkauj hmoob li post xwb twb tsis hnov nkauj hmoob lub suab lus li xwb os ..puas yuav muaj txoj hmoo es tau nrog nkauj hmoob koom ib txoj kev mus ua ke ne yuam ntshe yuav yog zoo caij los zoo nyoog ntuj yuav tshav los yog los nag mas seb puas npau suav pom xwb lauv yom;;;
Subject: Re: Txivleejtub, Welcome To Hmongheaven Sun Apr 20, 2014 8:02 am
Txiv Lee Tub
Kuv tij laug Ntsuj Plig zoo siab muab lub sij hawm no tos txais koj tuaj koom peb tsoom phooj ywg thiab tsoom muam txoj kev lom zem nyob rau Hmong Heaven. Hmong Heaven nws yog ib thaj chaw tuaj sau dab neeg thiab sau paj huam tseg cia, vim tias txoj kev ua neej nws zoo tam li lub hnub uas muab tuav tsis tau cia. Ib hnub dhau lawm zuj zus, ua rau peb txhua leej txhua tus suav hnub suav laus zuj zus tsis muaj hnub yuav rov hluas. Yog li thiaj tsim nyog peb nyias yuav tau tuaj sau nyias zaj dab neeg uas niaj hnub ua hnub ua hmo nco zoo tam li npev peb ceg khuam hauv ntses lub caj pas yuav nqos los nqos tsis tau yuav nti los nti tsis tawm.
Muaj ib hnub twg thaum peb hnub nyoog muaj 70 xyoo hauj lwm los tsis ua lawm kev txij nkawm los yuav hloov mus peb txhua tus thiaj tau rov tuaj zaum nyeem nawb mog.
Dua li ntawd, ib qho ntxiv nyob hauv Hmong Heaven no los kuj muaj tus puav poj ntxoog uas hais lus qab zib tshaj suab thaj thiab yog tias thaum tuaj raug tau cov poj ntxoog no yuj lawm ntshe ua neeb los yuav tsis pab hu plig los yuav tsis los li nawb...hahaaa
yog lawm mas nkauj hmoob txawm nyias nyob nyias ib sab ntuj los koj tseem tham thiab sau ntawv hmoob ces zoo siab kawg lawm os nkauj hmoob aw''''ib nyuag tu siab hais tias cas es tsis tau nrog nkauj hmoob tuav tes ncig li yeev rau tej me chaw ua si lawm ib ncua kev xwb os ...tsuas yog pom nkauj hmoob li post xwb twb tsis hnov nkauj hmoob lub suab lus li xwb os ..puas yuav muaj txoj hmoo es tau nrog nkauj hmoob koom ib txoj kev mus ua ke ne yuam ntshe yuav yog zoo caij los zoo nyoog ntuj yuav tshav los yog los nag mas seb puas npau suav pom xwb lauv yom;;;
Txivleejtub,
Tu siab ua dab tsi ma. Yog kam tuav kuv tes ces txav zog los wb tuav tes ncig ib pliag ma yom. Vim nyias nyob nyias ib sab ntuj ces wb tsis tau ua si ywj siab. Wb tsis tau mus ncig toj roob haus pes saib tej me paj hmab pajntoo tawg nra vog. Los koj txhob xav li cas...txawm tsaus ntuj lawm tau tsuav koj tes ua ke ib pliag li no txog tag kev cia siab. Lwm zaus kuv mam tuav koj tes kom ntev ntev yog wb muaj sijhawm na...hehehehee. Luag kiag ob peb suab rau kuv saib seb....koj puas tseem tu siab ma...heehehehee