Subject: Re: Lus Nco Thiab Lus Dai Siab Mon Nov 24, 2014 12:51 pm
Nyob zoo leej nus Dabpobtawb
Tus zoo lus hais tau qab zib Koj yog ib tug txawj hais tshaj Tuaj pom ib vuag cav caum ncuj nciav Xav thab xav hais kom muaj ib lo tseeb cia Los nshai tsam koj ntxub ces thiaj tuaj zaum ob cag ntsia
Luag xav kuv lub moo tshaj ntuj nrig Koj tsis paub hauv kuv lub siab kuv nyob tsau ntuj nti Thiaj tawm tuaj ncig seb puas ntsib tus neeg zoo lus li koj Thaum ntsib lawm los twb tsis paub hais lus nplij
Tiam no ntse yuav tag ib sim Vi yus tsis txawj hais lus zoo los phim nej Tiam no ntse yuav tsis ntsib dua lawm Vim yus tsis txawj hais lus tawb nej kom lub siab kaj
Subject: Re: Lus Nco Thiab Lus Dai Siab Mon Nov 24, 2014 1:15 pm
Thaum kuv hnov lub xov tooj nrov Cas tsis yog koj lub suab qab zib ua ib txwm hu rau kuv Ho yog lwm tus tias koj noj tsis qab nyob tsis zoo Kuv lub siab poob ntav yaj lub ntuj tsaus ntais
Haub lub ntiaj teb no koj xwb thiaj yog tus hlub kuv tshaj Xav zoj lawm tias cas tsis cia yog kuv es txhob yog koj Txhob cia koj ua tus mob es cia kuv ua tus mob xwb Koj thiaj paub tuaj cuag kuv vim kuv tsis paub kev yuav tuaj cuag koj
Txawn koj yuav nyob deb thiab thaj chaw ua kuv tsis tau paub thiab tsis tau pom Los kuv yuav nrhiav tiag kom tau txoj kev tuaj ntsib thiab cuag koj xwb Kuv nplooj siab tus kuv hlub.....tswj lub siab tos kuv thiab Yog tsis muaj koj ces kuv xyum tsis ua neeg lawm thiab
Subject: Re: Lus Nco Thiab Lus Dai Siab Tue Nov 25, 2014 6:34 pm
PajZaubKig wrote:
Hnub no tshav ntuj nrig Lub hnub tuaj ci vov txhua lub toj roob hav Koj mus dua twg cas tsis pom rov tuaj Nyob ib leeg kho siab khuav Nco txog thaum ub wb nyob tham luag ntxhi Koj ncaim lawm tav no puas nco kuv me me thiab Qhia rau koj tias kuv nco koj kawg kiag Tsis paub yuav tham qhia leej twg Thiaj tuaj muab kuv txoj kev nco sau cia nov Seb puas muaj hnub koj tuaj pom koj puas yuav rov nco txog kuv
Pajzaubkig tus neeg peb nyiag nyiam, yuav yog tshawg tiam los ntshe yuav nco, tsis xav tso mus lawm ib plaig, xav kom yog kiag thaum xav rau nruab siab, tsis xav ntiab lub me siab kom tsum, thaum ua num los xav ntsoov txog, ua txog tog los xav tuaj nruab siab, thiaj li tsis ntiab txoj me kev xav, thov kom txav los nyob ze koj, seb kev paub koj puas yuav loj raws li siab xav.
Home 
Calendar
