Subject: KHAWS TSEG UA DAB NEEG Thu May 08, 2014 10:26 am
First topic message reminder :
CIA KUV MAM KHAWS KOJ TEJ LUS ZOO CIA UA IB ZAJ DAB NEEG
NtsujPLig....Nagtshia Nco tau txhua yam kuv ua npau suav 1 zaug wb mus taug 1 tug dej kuv mus de nplooj ntse los cug dej rau koj haus kuv npleem pob zeb kuv ntog tsoo kuv roob qheb mob heev li, koj tau hlais koj txoj hlab si los qhwv. Koj hais tias Kuv twb kom cia kuv mus de nplooj es koj pheej txeeb mus koj thiaj ntog sab ua luaj. Koj muab kuv nqa mus tso ntawm 1 thaj chaw av xuab zeb kuv pw pheeb lub pob zeb koj puag kuv cia kuv khooj ntawm koj xub ntiag dhau li kuv cia li tsim los lawm.
Puas yog koj puas nco tau lub sij hawm ntawv koj puas muaj zaj dab neeg no nrog koj tiam tag los. Oh....tsis nco lawm koj hais tias koj xav hnov kuv tshuab ncas rau koj mloog. Txhua zaus thaum kuv tshuab ncas koj cia li qe muag tsaug zog ntawm kuv 1 sab. Kuv nco koj heev li os tab sis nws yog tiam tag los hauv npau suav xwb nws yog npau suav na ntsujplig...
Ua tsaug koj zaj ncas zoo kawg li mam kaw cia mloog ntsoov seb puas muaj me kab npauj kab xi quaj. Mam mloog seb koj puas nrog me cua moj lwg ya tuaj
NkaujNagTshia.........
Last edited by Ntsuj_Plig on Thu Mar 31, 2016 2:26 am; edited 29 times in total
Subject: Re: KHAWS TSEG UA DAB NEEG Tue Oct 20, 2015 1:35 pm
NtsujPlig zoo siab rov los teb koj dua 1 zaug ntxiv" NkaujNagTshia twb tu kua muag lawm"Vim lub siab to twb pib nqawm"txoj kev taug dhau los twb vim Yog nkaujnagtshia paub tsis txog xav tias yog 1 zaj npau suav tej lus poj saub hais ces nws yog hais cuav "ntshe yuav txhob muab los xav ntau lub siab chim thiaj yuav ntaug tau xwb mog ntsujplig
Ntsujplig koj tawm los kuv yeej paub mas xthua xyoo lub caij no kuv yeej tau mob tau ntxhia es tsawg xyoo los koj yeej yuav ploj li no mus es cia ploj zaum no yog zaum kawg nco ntsoov txhob ua kuv pm tsam koj tej hlub ho ntxhov siab txawm yog kuv ho paub koj nyob twg los kuv mam zam kev txhob los phoom koj dua xwb es lwm tus thiaj nyob kaj siab lug tsis muaj mob muaj nkeeg nawb mog
haha NtsujPlig lam tham ua si kom kuv muaj chaw sau ntawv xwb es txhob xav li cas nawb mog
Subject: Re: KHAWS TSEG UA DAB NEEG Wed Oct 21, 2015 10:49 am
NkaujNagTshia.....
Zoo siab ntsib koj os, txawm yuav yog li cas los cia kuv mam zaum ntawm thaj chaw no tos koj lawm xwb. Koj txawm ntxub thiab tsis xav pom los yuav tsis khiav tawm thaj chaw no mus, tab sis yog hnub twg koj qhia tias koj tsis xav pom lawm no kuv mam mus tsis tuaj lawm thiab.
Tej lus saub txawm yuav yog tseeb los yog koj lub siab cuav ces txoj kev hlub uas tau muaj los tau ntau xyoo nws yuav dhau mus ua lub dej lub lwg yaj mus ntxaum av lawm xwb tiag. Cia siab tias yuav ntsib koj ntau zaus ntxiv, tsis txhob hais tias "Ib zaug xwb no nawb".....hahaaa...
Cia txhob hais tias "Tsis hlub thaum laus lawm" tab sis cia "Tag kis kuv mam hlub koj dua qub" ...mog.
Subject: Re: KHAWS TSEG UA DAB NEEG Fri Oct 23, 2015 1:33 pm
NtsujPlig zoo siab tau rov los nrog koj mloog nkauj thiab nyeem nws cov lus sau cia "Paub tias nws nyob rau sab ntuj kaj nrig nws tsis muaj lub kua muag si' Tab si muaj 1 tug. nws tus ntsuj tseem nyob lub ntuj tsaus nti.maub nuj nuag taug wb tej qub kev.Nws tus ntsuj plig tseem zov wb lub qub tsev.
Nws txawm thaiv thiab teev tsis pub lub kua muag nrog"tab sis hauv nws lub siab muaj dej kub kej npau hlab npog nws lub plawv yuav to.Thiaj tauv tsis tai kom nws lub me siab txhob nco,
Pab koj zoo siab ua tau taug txoj kev tshiab tshav koj ntuj nrig'Ho nco txog leej twg tus nyob rau sab ntuj tsis ci nrog nag huav zig os mog .NagTshia teb koj 2/3 lo lus sau saum toj sauv"nagTshia tsis tau hais tias ntxub ntsujplig tsis xav pom ntsujplig nov yog ntsujplig xav thiab hais xwb
Nov yog thaj chaw kawg lawm xwb txawm ntsujplig tsis kam tuaj thiab yuav khiav mus nyob nws lub ntiaj teb xwb los nagtshia yuav thov nws caw kom nyob tuaj saib nagtshia ntawm lub zos qaum ntuj no txawm tias kev yuav fab yuav ntxhov npaum cas los .NagTshia yuav thov . Thov kom nws ...cia nyob li no sib pom li no ces zoo nagtshia siab lawm nawb mog sib ntsib dua. NtsujPlig leej nus 1 txwm hlub tshua.........
Subject: Re: KHAWS TSEG UA DAB NEEG Sat Oct 24, 2015 9:50 am
Nyob zoo NkaujNagTshia
Zoo siab rov ntsib koj dua ib zaug ntxiv os. Nagtshia kuv yeej paub zoo tias tej lus kuv hais yeej tsis yog qhov tseeb tej lus koj xav yeej tsis yog qhov tiag. Qhov tseeb tiag txoj kev koj mob nws yeej qhia tias yog txoj kev hlub, txoj kev kuv chim nws yeej qhia tau tias yog txoj kev nco. Vim li ntawd wb thiaj yuav tau nyob ua ke li no mus ib sim los mas.
Kuv los yeej to taub tias thaj chaw no ntshe yuav yog thaj chaw kawg ntawm wb txoj kev sib ntsib sib cuag lawm xwb. Yog koj tseem tsis ntxub kuv, kuv yuav nrog koj nyob thaj chaw no kom ntev li ntev tau os mog.
Cia kuv teb koj lo lus tias " Pab koj zoo siab ua tau taug txoj kev tshiab tshav koj ntuj nrig" los lus no tsuas yog koj xav xwb, tab sis nyob hauv ntsuj plig txoj kev nws yeej tseem yog txoj qub uas pos huab niab me kab me noog quaj kho siab zim. Los nag xuj xuav rau nruab siab txoj kev hlub kev nco Nagtshia twb laj tos tau rov mus thawj thiab lawm xwb os.
Kawg no, cia siab tias yuav ntsib nagtshia ntxiv thiab yuav tau nyob ua ke li no mus ib txhis ntawm txoj kev "NCO TXOG HNUB TUAG KIAG", thiab ua tsaug rau koj zaj nkauj os mog.