Subject: KHAWS TSEG UA DAB NEEG Thu May 08, 2014 10:26 am
First topic message reminder :
CIA KUV MAM KHAWS KOJ TEJ LUS ZOO CIA UA IB ZAJ DAB NEEG
NtsujPLig....Nagtshia Nco tau txhua yam kuv ua npau suav 1 zaug wb mus taug 1 tug dej kuv mus de nplooj ntse los cug dej rau koj haus kuv npleem pob zeb kuv ntog tsoo kuv roob qheb mob heev li, koj tau hlais koj txoj hlab si los qhwv. Koj hais tias Kuv twb kom cia kuv mus de nplooj es koj pheej txeeb mus koj thiaj ntog sab ua luaj. Koj muab kuv nqa mus tso ntawm 1 thaj chaw av xuab zeb kuv pw pheeb lub pob zeb koj puag kuv cia kuv khooj ntawm koj xub ntiag dhau li kuv cia li tsim los lawm.
Puas yog koj puas nco tau lub sij hawm ntawv koj puas muaj zaj dab neeg no nrog koj tiam tag los. Oh....tsis nco lawm koj hais tias koj xav hnov kuv tshuab ncas rau koj mloog. Txhua zaus thaum kuv tshuab ncas koj cia li qe muag tsaug zog ntawm kuv 1 sab. Kuv nco koj heev li os tab sis nws yog tiam tag los hauv npau suav xwb nws yog npau suav na ntsujplig...
Ua tsaug koj zaj ncas zoo kawg li mam kaw cia mloog ntsoov seb puas muaj me kab npauj kab xi quaj. Mam mloog seb koj puas nrog me cua moj lwg ya tuaj
NkaujNagTshia.........
Last edited by Ntsuj_Plig on Thu Mar 31, 2016 2:26 am; edited 29 times in total
Subject: Re: KHAWS TSEG UA DAB NEEG Wed Jul 20, 2022 12:14 am
Ntsuj_Plig wrote:
Nyob zoo Nkaujhnubqub
Cas ntev heev tsis hnov koj moo li lawm os? Tso duab nej teb chaws rau peb saib ma.
Nyob zoo hnub no rau koj os tib laug ntsuj_plig. Kuv siv xovtooj xwb es kuv tso tsis tau duab os es koj tso tau ces tso koj li pub peb saib os nawb. Zoo siab ntsib koj mog.
Subject: Re: KHAWS TSEG UA DAB NEEG Wed Jul 20, 2022 2:02 pm
Nyob zoo Nkaujhnubqub.
Zoo siab ntsib koj dua os, ntawm no yog lub sij hawm kuv mus ncig ua si thaib teb mus saib Vaj Ntxwv thaib lub VAJ PAJ. Qhov chaw ntawm no yog ib qho chaw zoo kawg thiab os. Ncig ib tav su tsis thoob tsaus ntuj lawm ces cia li mus lawm xwb.
Subject: Re: KHAWS TSEG UA DAB NEEG Wed Jul 20, 2022 2:09 pm
Ntawm no yog Chieng Saen ciam teb thaib thiab phab mab. Qhov kuv sawv ntawm no yog thaib tab sis lub nroog koj pom tsev dawb vog sab tid ces yog Phab Mab lawm. Khoom no mus ncig ua si saib teb chaws nawb peb laus tag lawm paub hnub no los tsis pom tag kis os.
Subject: Re: KHAWS TSEG UA DAB NEEG Tue Jan 31, 2023 1:24 pm
Rov npau suav pom koj.
Nyob zoo os Nkauj Dab Ntub
Suav txij thaum wb sib paub los tsuas yog koj thiaj li niaj hnub tham qhia kuv tias koj ua hnub ua hmo npau suav pom kuv xwb. Cas hmo no kuv ho lam ua npau suav pom koj, thiab zaj npau suav ntawm no tsis yog lam npau suav xwb hnov los lawm cia ces li yuav tas li ntawd. Thaum hnov lawm rov qi muag tsuag zog dua los tseem rov npau suav pom koj dua, ua koj puas noj qab nyob zoo lub sij hawm no.?
Tag kis no thaum twb yuav kaj ntug kuv txawm npau suav tias kuv ua hauj lwm nyob rau ib lub company koj txawm tuaj hais rau kuv tias yog lawb hauj lwm no koj kuv txhob mus tsev es los nram koj tsev nej yuav npaj ua ib pluag mov noj. Lub sij hawm kuv lawb hauj lwm kuv thiaj tau los txog nram koj tsev, pom ib tug txiv neeg thaj tsam li 60 tawm xyoo ntsej muaj loj nteev zoo li tab tom hov riam los xyov yog ua dab tsi zaum nrau qhov rooj. Koj qhia kuv tias tus ntawd yog koj txiv, kuv txawm pom koj thiab 2-3 tug viv ncaus poj niam ua hauj lwm zom zaws. Koj muaj ib tug me nyuam tub muaj thaj tsam li 4-5 xyoos, kuv saib kuv tsis muaj dab tsi ua kuv thiaj tau coj koj tus me nyuam mus ua si taum kev ntawm nej qab tsib taug. Nyob hauv nej lub tsev zoo li yog ib lub tsev ua tshiab pua ntoo liab ploog, thiab khoob lug tsis pom muaj hoob pw.
Ua cas thaum kuv coj koj tus me nyuam mus taug kev los txog tsis pom koj lawm, kuv los kuj tsis zoo nug leej twg. Pom 2 tug txiv neej ib tug mas muaj thaj tsam li 35 xyoo hos ib tug tseem hluas ntxim li 18 - 20 xyoo ua hauj lwm ncig yeev hauv tsev. Kuv xav tias 2 tug ntawd tej zaum yog koj 2 tug nus, pom ib co poj niam hmoob zaum ib lub rooj sib tham zom zaws. Lawv txawm ntsia ntsia kuv tas lawv txawm sib tag tias ua cas nws twb kom nws tus phooj ywg los es nws ho mus twg lawm ho cia nws tus phooj ywg los nyob khum khuav tsis paub nyob li no. Kuv txawm xav tias aub!... ntshe lawv hais kuv ntag lau, cas nws mus dab tsi lawm ne. Xav tau li no los kuj tsis muaj peev xwm nug leej twg. Kuv txawm xav tias tsis pom koj lawm ces kuv twb coj koj tus me tub rov los txog tsev lawm ces ntshe kuv yuav mus tsev, ces kuv cia li hnov dhee lawm.
Thaum hnov los muab xav tias ua cas ib txwm kuv twb tsis npau suav pom koj cas hmo no kuv ho lam npau suav pom koj ne. Ib pliag txawm rov tsaug zog dua lawm cas kuv txawm rov npau suav tias cas kuv zaum ntawm ib qho chaw zoo li nyob ntawm peb lub qhov rooj sab nraum zoov, txawm pom koj ncaj qha los zaum kiag ntawm kuv ib xub ntiag thiab koj txawm hais rau kuv tias thov txim os twb yog puas ta muaj ib tug niam tsev tsis xis neej kom kuv coj nws mus hoo maum no kuv thiaj tau mus lawm. Kuv teb tias tsis ua cas mas, koj twb yuav kom kuv los no tab sis kuv los koj ho khiav mus lawm koj twb tsis qhia kuv, kuv tsis paub nyob kuv thiaj los tsev lawm. Txawm cia li ua rau kuv lub moo nrov kouv hnov dheev no twb yog 7:30am lawm.
Kuv thiaj thov muab saum rau ntawm no nug koj moo tias koj puas noj qab nyob zoo xwb mog, yog koj tuaj pom no thov teb rau kuv paub kom kuv ho kaj siab os.
Home 
Calendar
