Lub neej thaum ntxov kuj xws li nim no, Hmoob tsuas pab tus neeg txawj ntse thiab muaj koob nto npe kom nws tau ntsej muag, hos ntawm cov neeg ruamm thiab neeg txom nyem tsis muaj tus xav xyijxeeb pab thiab hlub txog. Hmoob kev sib pab tsis yog hlub pab, tabsis yog pab raws li Hmoob cov nqi lus hais tias "pauv zog" thiab "pab tus uas tom ntej yuav vam tau thiab pab tau yus" no xwb nawb.
Lwm haiv neeg txoj kev sib pab hauv society mas yog pab los ntawm txoj kev hlub, thiab luag tsuas pab tus nws pab tsis tau tus kheej. Lwm haiv neeg vam meej txoj kev sib hlub sib pab, luag txoj kev sib pab yog kev tsis xam txiaj ntsig nawb, thiab thaum luag tau pab lwm tus timtsum kev pab lawm, luag tsis tos kom tus luag tau pab ho pab luag rau tom ntej.
Hauv Hmoob cov lus ua tsaug hauv lub ntees tuag, thaib cov lus ua tsaug tshoob yeej qhia tseeb kawg kiag txog Hmoob tus cwjpwm thiab xeeb ceem ntawm kev ua neej tseeb. Tsuas yog tus neeg tsis ntse tob xwb thiaj qhuas tias Hmoob coj cai zoo, tus paub tiag/ntse tiag ces yeej pom tias Hmoob tsuas yog "nyias hus nyias kwj tse".
Qhov Hmoob mus tsa ntau ntau lub koomhaum cuab xeem, thiab Hmoob koom tsis tau los noj Hmoob lub 30 caug ua ib hnub/los sis koom ib lub chaw rag qaum paj nruag los yeej yog lub hlwb ntawv. Tshwjxeeb tshaj yog cov koomhaum/koomtxoos “organizations” uas xav coj Hmoob ua politic thiab daws tso Hmoob kev raug tsim txom+txom nyem lod yeej coj tib tug cwj pwm+xeebceem+hlwb kev txawj ntse kiag thiab xwb. Tus xeebceem twmxeeb no yeej koom tsis tau ua ke thiaj ua rau Hmoob tseem tsis tau kam sib koom siab koom zog los daws Hmoob tej teeb meem ntxhov niab niaj hnub no.
Subject: Re: Hmoob txoj kev sib hlub nyob qhov twg...??? Fri Oct 24, 2014 7:16 am
Yajceebtshiab,
Koj mas ntshe yog ib tug neeg tseem ceeb lawm lau vim koj txawj piav txhua yam lus Hmoob raug siab hais txog Hmoob txoj kev sib hlub nyob qhov twg thiab koj muaj ib co lus Hmoob mas kuv tseem tsis tau paub txog kiag li thiab es cia kuv mam li nyeem mus seb txhais li cas.
Kuv xav hais tias peb Hmoob txoj kev sib hlub nyob rau lub teb chaws vam meej ces yeej kawg nyiaj txiag thiab lub dag zog ntawm nyias lub zos txoj kev sib haum xeeb, koom siab, thiab kev neej kev tsav yog qhov tseeb.
Hais txog peb Hmoob txoj kev hlub yuav loj hlob mus thoob lub ntiaj teb los yuav tsum yog cov nyob rau Meskas teb txawj sib hlub peb thiaj li yuav mus hlub tau peb tsav neeg Hmoob nyob lwm teb chaws thiab qhia lawv kom txawj nrog luag sib tw ua lub neej nyob ntiaj teb ces yog txhais tau hais tias tus nyob lub teb chaws twg los yuav tsum hlub nyias lub teb chaws thiab cov neeg mas peb thiaj li yuav nrog luag muaj kwv tij neej tsa coob npaum li tej laus ib txhis coj noj coj ua lub neej tag los.
Hais txog kev cia siab ces yog peb cov neeg laus yuav tsum txawj qhuab qhia me nyuam kom lawv loj hlob los txawj nrog luag ua neeg zoo thiab txawj nrhiav neej nrhiav tsav es peb tsev neeg Hmoob txoj kev sib hlub thiaj li tsis tu ncua tsam dhau tej laus tag lawm ces peb tsis nrog luag muaj neej muaj tsav ntxiv lawm.
Last edited by 8tos8nco on Tue Nov 11, 2014 11:45 am; edited 2 times in total
Tusiab tias Hmoob tsis muaj povtawj mojkabsim (documentary witness) qhia txog tias Hmoob tshwmsim los licas, thiab 3 Hmoob yog sib nqe los li cas tiag thiaj ciaj tsheej lub npe haiv Hmoob..?
Ntawm peb Hmoob cagku meejxeebkeeb(social behavior) ned, peb tsav neeg coj li cas tiag, thiab peb txoj kev sibhlub, sibpab, sibhaumxeeb dhau los lawm yog Hmoob coj txoj cai zoo li cas..???
Qaub zuag raws kev tshawbfawb thiab kev pon Hmoob txoj kev ua neej niaj hnub no xwb, kuv yeej tusiab twjywm tias yug los yog Hmoob ib zaug yeebvim 3 Hmoob txoj kev yuav dho tau lub npe tias 1 haiv neeg/1 nywjkeeb neeg (ethnic) no tsis muaj yam txheeb tau los ua puavpheej qhia tseeb sibnqe hauv keebkwm thiab mojyoog qauvchiv ntawm txoj kev sibhlub koom lub npe Haiv/nywjkeeb.
Kuab lus los peb yeej sibtxawv, hauv nruab siab(lub hlwb) los peb yeej tsis sib hwm,tsis sibhlub li yog ibhaiv neeg, thiab peb txoj kev sibciasiab, sibhaumxeeb los yeej tsis muaj hauv peb cuabzeej tsav neeg koom lub npe "HMOOB" kom ua chaw ntseeg rau txhua tus Hmoob khuam nyias txoj sia.
Txoj haulwm yuav sawv los txheeb daws txhua yam teebmeem ntawm lub npe Hmoob pib txij kiag meejxeebkeeb(attitude), kev cai xauvxeeb(yug), tshoob,nruamsim(tuag), koobtsheej(xyoo tshiab) thiab cagku kuxeeb thawjsim(social political leadership), ua kom 3 Hmoob tuav tau lub npe "HMOOB" ua puavpheej xeebtshwm ciaj tseg "the Hmong existing" raws txwmsim(rights) lujsimkeeb(the source of nature) tau rhawvtsim(creations) ciaj nyob ntiajteb no yog peb txhua tus Hmoob tseem muaj txoj sia yuav tau feeb nto thiab kajdaws.
Yog tias peb yuav ua ntsejlag muagdig tsisras,tsisfeeb thiab cia ywj raws txheejxwm lujsim kev pauv-hloov ntawm phoojkum haiv thoob ntiajteb xwb ces, peb Hmoob tsuas muaj yuav ploj kev yog hmoob "vanishing the nature of being Hmong".
Last edited by Yajceebtshiab on Fri Oct 24, 2014 1:14 pm; edited 2 times in total
Raws li qhov sawv daws paub thiab hnov nyob rau hauv Yus Thus mas peb Hmoob kev sib hlub los ntawm koom haum seb ib lub koom haum Hmoob twg ua tau pes tsawg yam dab tsi rau nyias lub zos mas yeej muaj ib nrab zos muaj zoo tus thawj coj thiab kev sib haum xeeb kawg li lawm.
Hais txog Hmoob txoj kev mus los sib cuag hauv peb haiv neeg Hmoob nyob rau yav ntuj qub qab mas nyias tus kheej yeej peem nyias tus kheej thiab nyias mus pab tau nyias tus hlub ces yeej yog coob leej ntau tus kawg li lawm thiab.
Hais txog qhov hais tias Hmoob tsis hu ua Meo li yav ntuj thaum ub tej laus tseem nyob Nplog teb lawm mas vim muaj peb cov tub Hmoob kawm ntawv qib siab li Dr. Yang Dao lawv yog cov tham qhia lub ntiaj teb nyob rau ntaub ntawv hais tias peb Hmoob tsis yog hu ua Meo. Peb tsav neeg Hmoob lub npe yog hu ua Hmoob ces txij thaum ntawm los mus peb cov neeg Hmoob txawj ntse thiaj li siv lo lus, "Hmong" lawm xwb ces lub npe, "Meo" peb tsis siv li yav ntuj thaum ub neeg Nplog hu peb lawm.
Hehehehehehe.....kuv tsis paub lub Hmoob zoo ces kuv tham cov lus yooj yim xwb es thov nej cov tuaj nyeem ua siab ntev.
Last edited by 8tos8nco on Sat Oct 25, 2014 11:44 pm; edited 1 time in total
Subject: Re: Hmoob txoj kev sib hlub nyob qhov twg...??? Sat Oct 25, 2014 11:40 pm
"Miao/Meo" lub npe no mas tsis yog nplog tis rau Hmoob od. Lub Meio no yog Suav tis hu Hmoob xwb. Cov kam lees lub npe Meio no ces thiaj tseem nyob Suav teb/tamsim no Hmoob Tuamtshoj yeej rov hu lawv tias "Miao Tzue"="Neeg Miao" no ned. Cov tsis kam lees lub npe Miao thiaj khiav hla Tuamtshoj rau sab Xovtshoj thiaj li cog tau lub Npe Hmoob "HMONG" no rau ntiajteb hu kom raws li nywjkeeb Hmoob rov hu peb cov neeg tis yog neeg HMOOB no lawm.
Home 
Calendar
