Kev hmov tshua ntxiv lub kuamuag

Subject: Re: Kev hmov tshua ntxiv lub kuamuag Fri Nov 14, 2014 4:47 pm

Tawm rooj plaws fajsuab iab-oo ya sib ntsig.......ntujtshav me toj roob hauv hav kaj huvsi

Tig saib sab ntuj twg me ntuj tshav li nrig.........hauv nruabsiab xav yaum koj mus ncig uasi

Tuav koj tes-qaim koj npab tham luag ntxhi........lub neej no thiaj tsim nyog ua neej ibsim

Tiaj nrag me paj hmab tawg tos duab hnub ci......toj siab me paj ntoo dauv niab nrog cua hliv

Tiam no tshuav koj tus duab luag tsis paub chi.....Kho kuv siab ua luaj thiaj seev lus ntxhi

Muaj hnub no yeej muaj tagkis rau lub ntiajteb ntsig.....koj nyob qhov twg- kuv nco koj ua luaj li

Muab koj nco ib hnub mus xeeb tshwm ua hli......Kho kuv siab tiag lub ntiajteb tsis xib kuv nyob

Mus txog twg los koj tej me kev pib nphob.......Kuv lub siab mob li lub ntiajteb tsis tshuav neeg

Me hnub tuaj-hnub poob tsuas muaj koj ib leeg.......Kuv tshua koj txog ncua tsis paub tus kheej

Mov tsis xav noj vim tsis muaj koj hauv lub neej.......kuv tsis muaj koj mam tos koj rov lwm txheej

Subject: Re: Kev hmov tshua ntxiv lub kuamuag Sun Nov 16, 2014 10:08 pm

Kev hmov tshua ntxiv lub kuamuag Loves_10

Ntawm no yog pajhuam....hais mus txuam txoj kev hlub

Niam leejntxhais/txiv leejtub....pib txoj kev hlub ib zaug

Thaum koj yau/kuv hluas....wb hlub tsis tau txhij txhua

Kev hlub plam ua chaw tshua...nco nco txoj sia yuav tu

Nco thaum muaj koj thiab kuv..sibhlub cuag yuav sibnoj

Nco dhuj dheev tsis txawj ploj....muab xav zoj khuv xim

Tus hlub zoo ces yog tus dim.....mam tig chim thaum lig

Plam tag tiam nrhiav tsis sib ntsib..zoo caij rov nco txog

Koj tej lus zoo lus mos...hais seev yees tias hlub kuv xwb

Rov mus ncig wb tej qub lw.....qub chaw pw nphob tsus

Ua sab ntsej hnov koj lub suab hu...nrov ntxhe ploj loog

Tej me chaw thiab xyoob ntoo....hlob ntxoov ntxoo luas

Ob sab nplu rov ntub kuamuag....txoj kev hlub dhau mus

Tseem zoo li rwj-aws ncus......kev hlub tuag siav tsis tu

Tus neeg zoo ntxim hlub.....dhau mus tsis muaj hnub rov

Kev hlub zoo li choj ob tog lov...ploj ibsim tsis muaj ntxiv

Mam nco ntsoov fab lwmsim...thov los khee kev hlub dua

Thiab nco ntsoov tuav koj ruaj....puag cia rau xub ntiag

Txhob cia plam ibpliag......muab khi kiag kom yog ib tug
Mam rov ua tib lis zoo hlub....kom kawg siab ntsws kiag
Khee siab ntsws hlub tiag...hlub ibleeg kom kawg txoj sia
Pajhuam kev hlub xaus cia.......ua nriav lus qhia xwb tiag

Subject: Re: Kev hmov tshua ntxiv lub kuamuag Mon Nov 24, 2014 6:59 am

Nyob zoo os YajCeebTshiab "Zoo siab los ncig nyeem nws tej me paj huam lus kho siab ntawm no"Nws sau tau zoo heev thiab chob siab kawg li os me leej nus txawj tham"Cas nagtshia los nyeem nws me lus seev Nim ua rau nagtshia nplooj siab ntxho nplooj plawv ntxeev"nws saiv zaj twg los khuam siab se hais zeeg twg los khuam plaw"av kheev lam nkaujnagtshia lam yog 1 tug uas nws ntshaw nyob hauv nws nraub plaw mab me leej nus qab zib "YajCeebTshia kav tsij sau nagtshia yeej niaj hnub los nyeem os mog sib ntsib dua yajceebtshia ...........

ua tsaug koj los ncig nyeem tej lus sau tseg os leej muam khuam siab

Subject: Re: Kev hmov tshua ntxiv lub kuamuag Tue Nov 25, 2014 9:41 pm

Kev hmov tshua ntxiv lub kuamuag Images?q=tbn:ANd9GcTgoAIvedodjJI1HMQk7zEGd5qzVdbNiVlkdUxacqCcR9JLbmUK

hais txog neeg txoj kev hlub - kev tshua.....uas ciaj xeeb mus yog teev kuamuag

vim yog koj tus yam ntxwv lubsuab luag....ua rau kuv lub neej kaj nrig lub siab tus

neej sov siab txhua hmo rau koj tej lus....tsis xav ncaim tus me neeg kuv hlub nco

caij ntuj no koj ncooj kuv xub ntiag sov....lub siab tsis ntxhov lub plawv tsis mluas

Koj tso kuv ua neej nrog kuamuag.....noj pluas qab pluas tshug nco koj nruab siab

siab quaj dhi tsis xav nrhiav tus tshiab....kuamuag ntws cab niab rau tej npooncoo

Kuv tus neeg zoo tsis hnov koj moo....xyoo dhau xyoo lub cev laus zuj zus od mog

neej tiam no khaws koj ua chaw nco....hauv kuv nruab siab hlub nco koj tshaj qub

koj ciaj keeb kwm hauv txoj kev hlub......kuv tsem tsis tau koj tawm hauv lub neej

ntuj kaj ntuj tsaus nco koj ib leeg....ntuj tshav ntuj nag los nco txhua lub sij hawm

vim nrauj tsis ploj tshem tsis tawm......txoj kev nco kev hlub koj hauv kuv lub hlwb

kuv thiaj tseem khaws hlub koj twj ywm...dhau mus yog teev kuamuag hlub od mog

Subject: Re: Kev hmov tshua ntxiv lub kuamuag Wed Nov 26, 2014 11:16 am

Ab YajCeebTshiab cas yuav txawj seev ua luaj"
Me leej nus siab zooCas tsis zoo li me paj hmab paj nto "
Zeeg tag los rov hlav tuaj cas nim yog "
Ntiaj teb tib neeg plis tsis tau"

Yog txawj plhis cia wb rov qab mus nyob
lub neej neej puag thaum yau os me leej nus hmoob "
Lam yog tsob qoob es muab tav kom ho hlav dua"
Tsis txawj plhis ces yuav hlub los ua lub chaw tshua mog"

Txoj kev hlub yog tsis tau ces yog 1 txoj me kev lwj siab

Tiam no tsis tau lawm ces mam npaj dua ntaub
Thov dua ntawv mus thawj dua thiab rov los yug tshiab mog"
Leej nus hmoob tus txawj seev"tsis hlub txhob dag

NkaujNagTshia lub me kua muag teev"

Kho nagtshia siab tshav ntuj nrig tsis xav mus ua hnav ua noj"
Tsam ho laj laj ua neej nyob mus txob hnub ploj "
YajCeebTshiab nagtshia tuaj hais nyob zoo xyoo tshiab "

Thiab hais Happy Thanksgiving rau koj os mog "

Thov kom nws nyob zoo nrog lub xyoo tshiab yuav tuaj no '
Kom tau tus hlub hlub nws li nws txoj kev ntshaw nawb leej nus"
sib ntsib dua mog YajCeebTshia tus nraug hmoob siab zoo"

NkaujNagTshia.................

» puas muaj ntxiv lawm?
» Tsis Xav Muaj Phoojywg Ntxiv Lawm
» thaj chaw mloog nkauj
» Vib Nais Lub Chaw Tshua
» Looj Ceeb Chaw Tshua