Xav ua sponsor tos ib tug ntxhais

Ntsuj_Nplig,  yog koj xav tos cov ntxhais mos mos los yog ntxhais ntsuag txawv teb chaws ces kawg koj yuav tau hu nrog peb cov niam nkauj ntsuab nyob teb chaws no los yog sab Thaib teb seb lawv puas paub txog cov ntxhais ntsuag koj xav tos ces koj yeej tos tau.  Tab sis, yuav tsum yog peb lub teb chaws nov tso cai rau koj tos cov laus zog mas thaum tuaj txog teb chaws no lawm ces koj thiaj li pab tau lawv yooj yim kom tsheej neeg.  Txhais tau hais tias tus me nyuam ntawm tsis tau muaj hnub nyoog 18 xyoo ces koj yuav tau tu lawv thiab coj lawv mus kawm ntaub ntawv kom tag high school thiab yog tus tshaj lij los koj yuav tau pab lawv mus kawm ntawv qib siab kom tag plaub xyoos ces lawv yeej ua tau lawv neej lawm ces koj thiaj li dim tes.

Tab sis, yog koj xav ua sponsor tos cov nyob teb chaws nov los yeej muaj cov txom nyem thiab ua li koj puas yuav txais tos cov nyob teb chaws nov thiab vim lawv twb xav muaj cov niam qhuav txiv qhuav hlub lawv thiab ne.

Ntxuj_Plig,  Koj tsis noog peb cov koom haum loj nyob rau hauv peb ob lub Nroog ntxaib los yog nyob rau peb sab CA seb puas muaj cov me nyuam ntsuag pw qab choj txom nyem ces yog koj yuav tos leej twg tsawg leej los tej zaum mas nyob rooj teb no koj yuav tau mus noog kws cai lij choj sib cog lus seb luag hais li cas ces thaum koj tos tau ib co me nyuam ntsuag los hlub los tu los koj yeej yuav tau tu kom luag loj tiav niam tiav txiv tag tus mas koj thiaj li dim tes vim yog txoj cai koj lam tos xwb koj tsis tu lawv kom loj ces yog koj hais lawv tsis mloog lus ces qhov ntawm yuav nyuab rau koj.  Qhov koj txoj cai yuav tu kom ib co me nyuam ntsuag loj tag tus yog tu kom lawv loj ua taus lawv neej ces yog dhau 18 xyoo thiab lawv muaj ntaub ntawv lai xee tsav tsheb mus khwv tau lawv nyiaj siv thiab lawv kawm ntaub ntawv tiav qib siab thiab lawv tawm tsev lawm ces ntshe koj thiaj li yuav dim tes ces koj txawm ua koj cov nyiaj ees khas thev los koj thiaj li muaj cai ntxiv lawv npe rau hauv koj tej ntaub ntawv thaum lawv tseem nrog koj nyob ib tse kom Nom Tswv thiaj li muab nyiaj ntau zog rau koj los yog txhob tsub kom koj them nyiaj ntau rau nom tswv vim koj yog neeg nplua nuj.

Tsis tag li ntawm, thaum koj cov me nyuam ntsuag yuav rais mus tsim ib lub neej tshiab los koj yuav tau nta lawv cuab lawv yim kom lawv thiaj li hlub hlub koj tias koj yog ib tug zoo txiv tau txhawb lawv lub neej ib zaug rau tiam no.


Kuv ces lam nrog koj tham pem xwb es zoo siab tias koj tej me nyuam loj tag tus lawm ces yog koj tsis mus tos cov mos mos tuaj nrog koj nyob los koj ho mus tos cov ntxhais txom nyem tuaj nrog pab tu lawv kom tsheej neeg ces yeej yog koj siab zoo kawg li os.