~ZOONKAUJ HAUV LUB SIAB~

Ntsuj_Plig wrote:

Npauj Npaim wrote:

Ntsuj_Plig wrote:

Zoo nkauj hauv lub siab puas yog lub neej kua muag iab
Zoo nkauj hauv lub ntsws puas yog lub neej kua muag ntws
Lam yuav tus cev phem los tsuav siab zoo thiaj ua lub neej mus nto moo
lam yuav tus tawm lem los tsuav siab ncaj thiaj ua lub neej kaj....os mog

Me Ntsuj Plig,

Koj mas txawj hais txog tus neeg zoo nkauj hauv lub siab kawg li os. Ua rau kuv lub siab nyob luag ntxhi xwb tiag, es thiaj rovqab tuaj qhia rau koj paub li mas mog.

Yeej yog li koj hais no mas, tus neeg zoo nkauj hauv lub siab ces nws ua lub neej nyob nrog lub kua muag iab xwb, tus neeg zoo nkauj hauv lub ntsws ces nws ua neej nrog lub kua muag ntws xwb tiag. Sim neej no kuv yeej xav tias ntshe yuav tsis muaj leej twg paub txog tias tus neeg ua neej nrog lub kua muag siab es nws lub neej puas muaj kev kajsiab li no os. Raws li kuv hnov koj tej lus no mas ntxim tias koj paub me me lawm thiab no puas yog nad?

Npauj Npaim......

Yog muab xav no kuv yeej paub poj niam lub siab me me thiab mas
vim kuv ib txwm nrog poj niam nyob loj hlob los xwb na thiab kuv
ib txwm hlub cov me nyuam ntxhais heev li lawv thiaj qhia poj niam
txoj kev zoo nkauj hauv nruab siab rau kuv lawm ntag....hahaha

Muaj tiag lod?
Ntsuj Plig, puas yog kuv hais lus siab koj lawm os? Tos kuv hais li los kuv tsuas yog hais tias koj paub txog pojniam lub siab ntshaw thiab koj paub nplij pojniam lub siab thaum nws chim lawm no na.

Muaj ntau tus pojniam lub siab yeej phem heev thiab siab ceev heev li. Thiab ntau tus pojniam yeej coj ncauj lus tsiv heev li thiab es kuv yeej tsis tau qhua tias pojniam zoo tshaj txivneej no mog. Tus neeg zoo ces nyob ntawm nws lub siab xwb, yog tus lub siab tsis zoo ces txawm nws yuav zoonkauj npaum licas los yeej tsis zoo qhovtwg li os.

Ntsuj Plig, tabsis cov pojniam uas zoonkauj hauv lub siab sais nws lub neej yeej txom nyem dua thiab nws poob kua muag dua es yog li koj twb paub pojniam lub siab lawm, koj nrog tus neeg tham kiag xwb koj puas paub tau tias nws yog hom neeg zoonkauj hauv lub siab los nws tsis yog no mas lod?

Npauj Npaim........

Koj pheej xav tias hais lus siab dab tsi na? Tej no ces yog kev tso daj tso luag xwb mas
txhob muab xav ntau mog kuv yog ib tug neeg yooj yim hais lus xwb os.

Npauj Npaim....Muaj tseeb mas vim lawv xav tias lawv txawj hais lus qabzib thiab zoo
nkauj txaus lawm ces ua li cas los tau, tab sis lawv tsis xav txog ib lo lus tias " Lub neej yooj yim
tshaj tev qe noj tab sis ho nyuaj tshaj dov pob zeb nce toj" lawm na...Leej muam.

Ntsuj_Plig wrote:

Npauj Npaim wrote:

Ntsuj_Plig wrote:

Npauj Npaim.........


Tau ntau hnub lawm nco nco koj tsis muaj dab tsi ces
cia muab lub paj no ua khoom plig rau koj os, tab sis
txhob sib ntaus nawb......hahaaa

Hahahahaa, zoo siab tshaj li os. Npauj Npaim zoo siab txais koj lub paj, tabsis ntshai tsam ces koj tus me hlub ho khib thiab ntaus koj xwb laud....,

Kuv twb xav tias tsis tuaj tabsis vim nco koj ua rau kuv nploojsiab quaj,
Kuv twb xav tias tsis tuaj lawm no tiag, tabsis vim koj ua rau kuv lub plawv dhia,

Kuv twb xav tias ntshe yuav tsis ntsib koj ntxiv lawm no, tabsis vim koj ua rau kuv muab koj nco,
Kuv twb xav tias ntshe yuav tsis pom koj lawm no na, tabsis vim koj kuv lub siab thiaj tsis kaj,

Kuv twb xav tias cia kuv ua ib siab tsis tuaj ntxiv, tabsis kuv lub siab pheej tsis zoo li,
Kuv twb xav tias cia kuv ua ib siab tsis tuaj kiag, tabsis kuv lub siab pheej mob mob li thiab,

Vim li ntawd kuv thiaj rovqab tuaj lawm mas, kuv cov me phoojywg zoo,
Ua tsaug ntau uas nej tseem rovqab tuaj nug kuv lub moo,

Npauj Npaim......

Ntawm kuv txhob poob siab os qhov kuv txhawj tsuas yog
ntshai tsam leej npawg neb sib ntaus xwb na....hahaa

Tab sis txhob sib ceg nawb kuv tsuas muab ua phooj ywg xwb os
tsis yog muab qhiab ua tus hlub na....

Oiy..., Ntsuj Plig, koj hais li es txhais tau licas ne?
Koj hais leej npawg wb no es nws yog leejtwg?
Hahahhaa, tsis yog tias kuv nyiag nyiam koj lawm, tabsis kuv twb tsis nkag siab koj lawm xwb os.
Licas los yeej zoo siab thiab ua tsaug ntau rau koj lub paj zoonkauj lawm os mog.

Ntsuj_Plig wrote:

Npauj Npaim........

Kuv xav tias ua siab mus tsis tuaj los cas nco koj ua luaj
Kuv xav tias ua siab mus kom ploj kiag los cas yuav nco koj tiag tiag

Kuv xav tias nco ua luaj cia tuaj seb puas tau los cas tsis pom lub cev tsuas pom txoj lw dhau
Kuv xav tias nco ua luaj cia tuaj seb puas ntsib los cas tseem pom txoj lw ua rau kuv khib

Xav tias ntshe tuag yuav zoo dua los ho xav tias tsam tshuav tus hlub yuav tshua tshua
xav tias cia tuag kiag ntshe yuav zoo tshaj los ho ntshai tsam tsis muaj tus puag tus hlub rau saum lub txaj...thiab na

Ntsuj Plig,

Yog tias paub khuvxim lub neej txojsia npaum li koj hais,
Kuv yuav thov pab cheem koj cia thov tsis txhob pais,
Yog tias paub khuvxim lub neej txojsia npaum li koj hais no,
Kuv yuav thov pab cheem koj cia thov tsis txhob mus os mog,

Txawm licas los twb tseem muaj kuv thiab lwmtus tshua koj,
Yog twb xav zoo li ntawd lawm ces thov nrog peb nyob mog,
Txawm licas los twb tseem muaj kuv thiab lwmtus nco koj ne,
Yog twb xav zoo li ntawd lawm ces thov nrog peb nyob uake,

Koj yog ibtug nus txawj tham thiab seev tau kho siab ua luaj,
Thov nrog peb nyob thiab lam nrog peb sib ua luag,
Koj yog ib leej nus uas kheev tham thiab txawj seev kawg li,
Thov nrog peb nyob thiab tham rau peb mloog daws peb kev chis mog.