Subject: Re: Nej dua twg tag lawm os Hmoob? Wed Jul 08, 2015 6:45 am
Hahahahahaha.....Yajceebtshiab, cas koj yuav txawj hais lus ntaus sab lim rau peb Hmongheaven lub chaw tuaj sib fim, cas koj yuav txawj hais lus ntau dej npau rau peb Hmongheaven lub chaw tuaj sib sau vim txoj niag kev phooj ywg nyob nrog huab nrog cua cas sawv daws nim tuaj sib ntsib li ib vuag dua, vim txoj niag kev phooj ywg nyob tim daim screen nrog txuj cas sawv daws nim tuaj sib ntsib li ib vuag yuj.
Txhua yam lus koj hais yeej yog nkag kis cas peb sawv daws tuaj nyias nim muaj nyias privacy, txhua yam lus koj hais yeej yog zoo cuag txwv laus puaj tiam cas peb sawv daws nim tuaj rag txuj zoo raws li nyias lub siab nyiam es zoo siab rau koj cov lus kawg li os.
Last edited by 8tos8nco on Wed Jul 08, 2015 11:20 pm; edited 1 time in total
Subject: Re: Nej dua twg tag lawm os Hmoob? Wed Jul 08, 2015 9:20 pm
Hajhajhaj..8tos8nco...koj hamtsis txawj tham kawg mas, thiab koj tseem txawj ntaus hluas nkauj ua nws tais kiag lawm koj li mam khawm nws los puag kom zoo siab. Hev... lub ntawv tsis lam povtseg nawb...siv ces tau noj txhua zaus hos hajhajhaj.
Yog tham txog neeg txojkev sib fim hauv huab-cua no yog tseem tsis kam lawm thiab ces thaum sib ntsib kiag thiab sib ntsia qhov muag nrujqoom ntag no ntshai hajyam yuav hais tsis tau lus lawm od.
Thaum ub peb hmoob sib cav sib ceg thiab sib tham mas tej laus hais tias tham suab qhuab-npho nkig-nkuav nrov nkhas cuag khob rhawvdej hlau. Cov siab yau ces suab ntsiag cia li qiv kauv-txhais lawm ploj-qab ntais ces yog tais lawm. cov suab nrov nrov mas txawm hais tsis yog los lwm cov yeej ciali khaws ntshai vim nws heev lub suab hiam cov li tag+nyooj laws cuag txiv yawg tsov. lwm tus ntshai tias tsam nws ho txawj tom cov noj li tsov hajhajhaj. lawv tso nws yeej tiag vim nws xav yeej dhau lawm nov vim ncauj pauv tsis tau ncauj suab pauj tsis tau suab.
Txheej nim no mas luag cav ntsiag-to tsis muaj suab kiag tabsis neeg ntshai tshaj cov laus thauv-ub lawm, leej twg xav hais ntau npaum cas los lwm tus mloog tsis muaj qabhau ces cia li tsis kam nrog nws cav lawm. Luag cia li muab nws saib-dawb thiab tsis yeem nrog nws hais lawm no laiv hajhajhaj.
Ua neeg nyob yog thaum nkees tham lus lawm ces tej laus tias zog-ntaug lawm no nawb phoojywg..
Subject: Re: Nej dua twg tag lawm os Hmoob? Wed Jul 08, 2015 11:32 pm
Yajceebtshiab, yog li koj hais mas vim cov laus neeg mas lawv muaj qhov txawj tso khaj thawj rau neeg kom neeg ntshai thiab ib nrab neeg laus mas lawv tham lus ces lawv yeej luj zus tham ib qho zuj zus li cov neeg ua movie sib tham ces thiaj li ua rau neeg nkees mloog. Tab sis, yog tus ho txawj tham cuag XF mas zaum mloog ib tav su los mloog tsis dhuav li.
Kuv cov niag lus tham pem ces yog lus khwv yees xwb vim qhov tseeb tiag mas yog neeg sib paub mas lawv ho sib tham raws li qhov neeg sib paub nruab thiab ces tus neeg hais lus thiab luag li cas los ob leeg yeej sib paub siab hais tias tus neeg ntawm coj li cas hos qhov kuv saib lawv zaj movie, "Nyob tsis hlub ncaim mam hlub" es kuv nyiam lawv zaj movie ces kuv thiaj li coj lawv 10 seconds (animation) coj los tso ua tas lauv rau peb saib xwb os.