Mloog Los Lus HLUB

Subject: Mloog Los Lus HLUB Wed Mar 10, 2010 10:30 am

Muaj tej lub sijhawm peb txajmuag qhia thiab hais peb txoj kev hlub. Ntshai tsam ho ua rau tus neeg ntawd ho txajmuag rau peb, los sis ua rau peb txaj muag, ces peb hais los lus “Kuv love koj.” tawm tsis tau los. Ces peb muab hais mus rau lwm yam lus lawm.

Peb hais tias ‘saib koj tus kheej’ los sis ‘txhob tsav tsheb ceev ceev’ los sis ‘mloog lus nawj.’ Tabsis qhov tseeb tiag, cov lus nov nws kuj yog ib cov lus es hais qhia tias ‘kuv hlub koj,’ ‘koj ceem ceeb rau kuv,’ ‘kuv txhawj xeeb txog koj heev yog koj muaj teebmeem.’

Peb tej cov neeg kuj yog neeg coj yam ntxwv txawv txawv thiab. Ib yam peb xav hais thiab ib yam peb yuav hais ces twb yog ib yam peb ho tsis kam hais tawm los.

Thiab vim txoj kev hlub muaj rau nws muaj tiag thiab muaj tseeb ces tsis hais tawm los lub siab tsis kaj, peb thiaj li yuav tau hais. Tabsis thaum peb hais lawm no ces peb ho hais tsis tau los lus hlub. Peb ho siv lwm yam lus los hais rau nws. Ntau lub caij tej lus peb hais rau tus neeg ntawd tsis ua rau nws tau taub ces kuj ua rau tus neeg ntawd xav tias peb tsis muaj txoj kev hlub rau nws thiab nws tsis yog ib tug ceemceeb thiab muaj nqis no.

Yog li ntawd, peb yuav tau ua tib zoo mloog tej lus ua tus neeg ntawd hais seb yog hais dabtsi tiag. Tej zaum tej cov lus nws hais lus yuam kev tag, los sis muaj qee zaus, nws tus yam ntxwv koj pom txawv thaum nws hais lus rau koj kuj yog ib qhov ceemceeb nws ua qhia koj thiab.

Nws tus cwjpwm es txhawj xeeb txog koj kuj yog ib qhov es ua qhia koj tias nws hlub koj thiab no. Tej lub caij nws kuj ua tau tus cwjpwm tsis zoo saib los sis tej zaum kuj ua tau rau yus xav tsis tag. Tej lub caij peb yuav tau ua zoo saib thiab mloog tej yam tus neeg nws hlub koj ntawd ua peb thiaj li pom thiab paub, tabsis tej yam zoo li ntawd nws yeej ua tau qhia peb tabsis peb tsis ua zoo saib ces peb tsis pom xwb.

Qhov teeb meem peb tsis sib nkag siab txog kev hlub yog vim peb tsis nkag siab txoj cov lus hlub uas tus neeg ntawd siv rau peb. Muab ua piv txwv, ib tug hluas nkauj quaj kua muag poob dawb vog hais tsis tau ib los lus tawm tabsis nws tus hlub yeej tsis tau taub nws vim nws tus hlub xav tias nws tus hluas nkauj yuav paub nws txoj kev xav rau nws tus hluas nkauj lawm. Qhov tseeb tiag, peb yuav tsum tau yuam peb tus kheej mloog thiab nug seb ua cas nws ho los kua muag.

Ib qhov teeb meem txiv dua es pom tau yog vim tias ib cov tib neeg lawv tsis mloog lwm tus hais. Lawv hnov cov lus tabsis lawv tsis mloog cov ntsiab lus ceem ceeb nrog cov lus los sis tsis saib tus neeg lub ntsej muag qhov ua tau qhia.

Subject: Re: Mloog Los Lus HLUB Thu Mar 11, 2010 12:49 pm