Thaj chaw no muaj kev hlub tshwjxeeb vim nws yog ib txojkev hlub muaj tseeb los ntawm ib nkawm zoo neeg txoj kev sib ntsib lub neej nkawv tseem muaj sia nyob yajceeb. Nkawv lub neej los sib hlub zoo li yog ib zaj npausuav nyob nruabyeeb thiab nkawv sib swm los ntawm tej lus sib tawb sib nqee. Ib tug ntawm nkawv 2 leeg thiaj khaws cia txojkev hlub ua keebkwm zwm tseg rau nws lub neej. Txij thaum tau sib ncaim mus lawm , nkawv cov lus zoo li muaj ntxhiab sawv tau ua xyw, thaum lub caij pw ib tug ntawv thiaj hnov nws tus hlub lub suab lus thiab txojpa tsw ntawm hauv ncoo. Nws ua zoo tig ntsej mloog ntuj teb tag hmo ntsiag li to tsis muaj leej twg lub suab nroo. Nws ntseeg tias tsis yog dab tsis yog ntxoog, tabsis yog txojkev tshua uas tseem nco tej lus zoo tau zwmtseg nruabsiab nyob nrog nraim lub niaj thawm lub xyoo.
Thaj chaw no nws zoo li koj tus neev tes suav hnub suav nyoog nphob, thiab koj tus lw ua hnub ua hli yuav ploj. Kuv tseem tos koj li thaum ub koj tos kuv, thiab kuv tseem ntoj thiab tseem thuv wb tej lw li tus xyw tseem nco ntsoov lub cev ntajntsug tus yeebyam - yamntxwv. Koj mus nyob rau qhovtwg cas thiaj zais roj muag neev kuv tsis pom koj lw. Koj puas paub tias koj tej lus ua rau kuv nco thiab saib koj daimduab ua rau kuv ob lub qhov muag txhawv dej ntws. Nws zoo li yog muaj xyw tshoov kuv lub plawv kom mob thiab tshoj yuj kuv lub siab kom nco txog koj tsis muaj caij ploj. Tiam no kuv muaj kev nco vim kuv tsis tau koj, thiab kuv yuav nco ib tug neeg kuv hlub rau ntiajteb ciaj ib tug xyw hlub tseg hem neeg ntiajteb mus ntau txheej tshoj saib puas muaj ib hnub lossis ib tiam twg tau hem koj.
Last edited by Yajceebtshiab on Fri Apr 08, 2016 11:09 pm; edited 2 times in total
hnub koj khosiab koj nim muaj zoo chaws mus seev mus ncig hais qhia hnub kuv khosiab kuv lub kuammuag teevyees nrog lub suab ncia kuv xam saumntuj los yog huab kuv saib toj roob hauv hav tsuas yog nroj-tsuag zoov ntsuab
kuv ho mus thuv dej ntws dej mus lawm ntsiag tos dej tsis txawj nrog kuv hais ib lo nroo ib suab
ntshai yog kuv nco koj dhau txhua tsav yam thiaj txawv tsis zoo li qub kuv thiaj saib qhovtwg los pom zimzuag xws yog koj tus duab kuv tso nkauj seev suab mloog pestsawg zaj nkauj los nruab plawv tsis huv tej me suab nkauj nriavlus haj yam coj kuv mus deb zujzus rau hauv wb txoj kev hlub kev tshua
lub caijnyoog twg los tsuas tshuav tus me xyw hlub nrog nraim kuv thiab ua kuv luag lub me neej no cas yuav khosiab ualuaj kuv ua lub neej raws xyw hlub nruabsiab mluas tus xyw hlub coj kev nco ntshaus ntsho ntxiv lub kuamuag lawm xwb lod tus neeg kuv hmov thiab tshua