Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.
Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no.
Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.
Koj sim muab coj mus xav seb koj ho yuav ntaus nqi li cas thiab no???
Last edited by Ntsuj_Plig on Thu Mar 31, 2016 11:31 am; edited 3 times in total
Ntsuj_Plig, tej zaum thaum koj hlob tiav hluas lawm ces lawv pheej pom koj nyob tau tus me ham ham thiab ntxim ntxim ua lawv vauv ces yeej yog kawv tsuas tos kom neb sib ntsib xwb ces kev ywj siab yog neb tug tag nrho lawm xwb es ua li koj puas tau koj tij laug thiab niam tij nkawv tus niam hluas los ua txij ua nkawm thiab los yog neb sib plam txij thaum koj xeev xwm li cas los lawm xwb os?
Hahahahaha......, koj hais rau kuv tias koj yog tus sau zaj dab neeg es yog kuv txawj tso duab thiab tso nkauj los kuv tso tau ces kuv thiaj li ua li ntawm rau koj cov posts rau tej ntu uas kuv pom nyob hauv lub zeem muag rau koj saib seb neb zaj dab neeg yog zoo li cas xwb.
Last edited by 8tos8nco on Sat Jan 09, 2016 12:04 pm; edited 1 time in total
Ntawm kuv lub zeem muag kuv tsis npaj siab tias yuav yuav nkawd tus niam hluas vim lub sij hawm ntawd kuv twb muaj ob tug hluas nkauj uas kuv tseem txiav txim siab tsis tau tias kuv yuav yuav tus twg ces tom qab zaj dab neeg ntawd dhau mus tau li 3 lub hlis xwb kuv ua siab mus yuav ib tug ntawm kuv ob tug hluas nkauj ntawd lawm txhais tau tias nkawd tus niam hluas thiab kuv tsuas zoo tam li nthwv cua ib vuag dua xwb os.....
Ntsuj_Plig, koj mas yeej tsim nyog yug los ua ib zaug tub hluas loj hlob kawg li os vim koj tseem tau nrog koj tij laug thiab niam tij nkawv tus niam hluas ua ib nthwv cua ib vuag dua ib zaug ua ke tag ua txoj kev rau neb sib paub xwb hos koj tseem mus yuav koj ib tug hluas nkauj lawm xwb mas cas yuav hlub koj tij laug thiab niam tij tus me niam hluas ua luaj li vim tsis xav kom nws muaj qhov tseem tshua tshua txog koj ua zaum kawg li os.
Last edited by 8tos8nco on Sun Jan 10, 2016 8:15 am; edited 1 time in total
Kuv los kuj xav tsis tag li thiab vim yog tam sim no mas ntshe kuv yuav hais tias cia wb mam mus nrhiav chaw lwm qhov wb xav mus pw no thiab Kuv ib txwm siab zoo thiab hos. Muaj ib zaug peb muaj 4-5 tug phooj ywg mus tham hluas nkauj pem teb ces muaj ib tug hluas nkauj txawm thov kom kuv ua nws luag pw hauv lub tsev pheeb suab vim tias lawv cov coob ho pw rau ib lub tsev kem ib tug me nyuam dej ntws sis rau sab tim ncauj ke lawm ces kuv tseem tsis kam ua nws luagt pw thiab vim kuv xav tias twb muaj 2 tug pog laus nyob ze nws lub tsev lawm tsam tag kis ces lawv lam mus qhia rau nws niam thiab txiv ntshe nws niam yuav cem nws li ub li no ces kuv tseem xum mus pw tom ib ya cav hauv ib tsob qab tsawb kom los nag los txhob ntub.
Tab sis, zaum ntawm mass ho yog tau cai los ntawm tus tswv tsev lawm thiab nws tus niam hluas los cia li los muab kuv rub kiag tias tig los ntawm no mas li ntawm ces kuv cia li feeb tsis meej tsis pem ua tug niag nyob tsis tus lawm xwb os....hahaa..
Cia muab xam tias nws yog npau suav xwb tsis muaj tseeb no xwb mas 8tos8nco...hahaha
Ntsuj_Plig, koj zaj dab neeg hauv tus npau suav mas koj yeej muaj coob tus hluas nkauj kawg li vim tus twg los yeej ntsia ntsoov koj seb koj puas yuav nrog leej twg hais lus hluas ntxhi es ntshe koj cov hluas nkauj yeej tos koj kawg li ces tsim nyog koj yug los ua ib zaug tub hluas ua ntej koj ua siab yuav kiag koj ib tug hluas nkauj los hlub rau tiam no lawm ces zoo kawg li os. Tab sis, tu siab rau tus koj tau nws lub cev tsis tau yuav nws mas tsam nws ho quaj quaj thiab yuav nco nco koj ib ntu kawg li os.
Home 
Calendar
Cov phooj ywg,
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
8tos8nco....,