puas muaj ntxiv lawm?

kuv thov ua tsaug rau neb cov me lus zoo qhia os nawb,
twb vim yog kuv ua roj qeeb hneev tuab nws thiaj mus ciaj tag luag cuab,
yeeb vim yog kuv ua roj qeeb hneev lig nws thiaj mus ciaj ua luag yig.
txawm zoo li ntawv lawm los kuv yuav ua nraug xwb nyob ntawm no tos nws mus ib txhis
hnub no rov seev txog nws dua nim rov mob kuv lub siab cuag li kua txob ntsim,
chim kuv lub plawv cuag hluav taws hlawv,

awm yog mas daim duab no yog Khamla wb daim os nws yog lub sij hawm uas kuv kawm nyob University at Vientiane es nws tuaj saib kuv os cia muaj sij hawm tso mam rov tuaj sau dua nawb
ua tsaug uas nej tseem muab lub sij hawm los nyeem os

tom qab li npau suav thiab lub sij hawm ceev cuag dav hlau ya txawm siv txog lub nyoog uas Viyang yuav tau ncaim lawm nim mob Viyang lub siab cuag hluav taws hlawv, los txog rau hnub tim 25th September 2006 yog hnub uas Viyang sawv kev tuaj mus kawm ces Viyang tuaj tos tsheb tim Bus station txog kiag rau lub sij hawm tsheb yuav tawm lawm tiag ua cas tsi pom Khamla tuaj xa nws li lawm ib pliag ntshi xwb lub Bus khiav tswv zws tawm plaws mus lawm tiag2 Viyang thiaj li rho hlo lub Phone coj los hu rau Khamla ces Khamla thiaj hais tias "Viyang a kuv yuav tsi tuaj xa koj os nawb vim kuv tsi xav mob kuv lub siab tshaj qhov no ntxiv lawm thiab tsam kuv yuav cheem tsi tau kuv lub siab nrog rau kuv lub kua muag ib, yog koj mus no thov nco ntsoov tias txawm yuav yog pes tsawg niaj los koj ib leeg thiaj yog kuv nplooj siab, kuv yuav ua kuv niam thiab kuv txiv tus nkauj xwb nyob tos koj mus ib txhiab"
 wb tau sib tham sib hu hauv lub Phone los tau ntau xyoo xyov puas lawm pes tsawg lub Phone thiab Phone card txaus tib neeg ev, los txog rau lub 2 hli ntuj 2010 txawm pom Khamla lub Phone hu nrov ziag tuaj es kuv txawm txais nkaus ua cas yog nws niam xwb ces nws niam txawm tias "Kuv xav nrog koj ua tub tham me ntsis tab si cheem koj lub siab kom tus2 nawb mog, wb tus me ntxhais Khamla tau mus yuav hmoob lawm nawb mog es koj ua ib siab tseg tsi txhob nco thiab txhob seev lawm nawb"
txij thaum nrog nws niam tham tag zoo li kuv lub plawv cia li dhia tsis haum txoj sia yau zuj zus txoj pa tuaj tsi nto li lawm tig ntsia rau hauv av cas zoo li kiv pes lees tsau nti lawm xwb ua cas tom qab li 2hours kuv mam rov nco meej ua cas kuv twb pw tom Hospital lawm,
txij thaum ntawv los kuv nco nws heev li tsi xav mus kawm ntawv mov los tsi xav noj dej los tsi xav haus leej twg hais lus los tsi xav teb ua neeg vwm liaj vwm ntsuav los tau 1 xyoo txwm nkaus tom qab kuv kawm tag, kuv rov los txog peb lub zos nim rov pom tag txhua leej txhua tus los cas kuv lub siab yeej tsi kaj vim tsi muaj Khamla zoo li yav tag, kuv mam li paub tias qhov tseeb tias tsi yog nws tsi xav nyob tos kuv twb vim yog tib neeg siab phem2 es cia li muab nws zij mus ua luag nyab lawm xwb thiab nws tseem sau tau ib daig ntawv khaws tseg rau kuv tias Viyang tus neeg kuv ib txwm hlub zaum no kuv mus lawm os mog koj nyob tom qab koj tsi txhob quaj thiab txhob seev kuv lawm thiaj tsi ua mob ua nkeeg rau koj thiab kom koj nco tias tiam no koj ib leeg thiaj li yog kuv tus me neeg zoo txawm luag yuav tau kuv lawm los luag tsuas tau lub cev xwb kuv yeej tsi kam muab kuv sab tes mus rau luag ncoo txawm yuav yog tsawg xyoo los yog tsawg niaj los Viyang ib leeg thiaj li yog Khamla nplooj siab.
los tom qab kuv kawm tag thiab kuv tiv tsis taus txoj kev mob siab hauv lub zos ntawv vim yuav rov pom wb tej me chaw ncig mus chaw zaum kuv thiaj tau coj peb khiav tawm los nyob rau lwm lub zos lawm los txog rau niaj hnub niam no kuv yeej tseem tsi tau nrog luag muaj nyab yeeb vim kuv tseem tseg tsi tau kuv tus me Khamla!!!!!!!!!!!!!!!!!!!!!!!!!!!!!
 txawm kuv zaj dab neeg yuav muaj pib xwb tsis muaj xaus los thov zam txim nawb
thiab txawm hais tau tsi zoo thiab tsi muaj tshuaj los thov nej lam nyeem thiab txhob luag.
kuv kuj tsi paub tias Viyang zaj dab neeg no puas tseem muaj rau peb nyeem ntxiv lawm vim nws twb tsi muaj ib tug zoo li Paj huab yuav los pab hlub Viyang li Yim Laj lawm os..
Ua tsaug!!!!!!!!!!!!!!!!!!!!!

ncoibsim, koj zaj dab neeg mas neb ob leeg yeej ntxim hlub kawg li os vim neb nim yug los loj hlob nyob koom zej koom zos thiab neb nim tau ua nkauj ua nraug ib zaug ua ntej koj tus hluas nkauj Khamla tso koj tseg ua zaum kawg vim koj tseem mus kawm txuj kawm ci lawm ces thiaj li muaj lwm tus hlub npab ntev tuaj coj nws mus ua luag sev thiab npab ncab tuaj coj nws mus ua luag nyab lawm vim luag hmoov txog ces koj yuav tau ua ib siab mus nrhiav dua tus tshiab.

Ntseeg tau lawm hais tias tsam nov ces me Nkauj Khamla twb mus rau luag tuav tseev ua ntshais ua hmo txaus siab hlo lawm ntau xyoo ces ntshe nws me nyuam twb quaj ib aj lawm ces nws yuav tsis nco koj li qub lawm vim thaum neb tseem hluas neb tsuas yog kev plees nkauj nraum xwb hos tsam no ces nws mus ciaj ua luag xeem thiab luag tus lawm ces tag li ntawm.