Lo Lus "Qaug Zog"

Subject: Lo Lus "Qaug Zog" Thu Mar 10, 2016 6:49 pm

First topic message reminder :

Ua ib leej tib neeg dab tsis thiaj ua rau yus qaug qaug zog os cov phoojywg thiab yog koj ne koj yuav taug txoj kev twg?

Rau kuv ntshe kuv yuav tsis taug ib txoj kev twg li vim kuv tsis paub txoj twg yog txoj zoo ces lam nyob li no ntsia 3 txoj kev taug xwb.

Subject: Re: Lo Lus "Qaug Zog" Wed Oct 12, 2016 9:57 am

Nyob zoo os Nkauj DaLa,

Zoo siab rov pom nkauj dala thiab davdub neb rov tuaj es Nkauj DaLa txawm yog koj tuaj phone tuaj xwb los yeej zoo dua li mus ntsiag moo to tsis hnov xov thiab txawm yog tuaj phone es ua tsis tau dab tsi ntau los tsuav pom Nkaujdala tuaj tham 2/3 lo lus xwb ces twb zoo li twb sov tag 1 tog zos lawm mog los Nkaujnagtshia yeej khwv khwv thiab tsis khoom li, tab si tsuas xav tias 2/3 hnub tuaj rauv taws kom pom pa ncho ces twb zoo li lub zej lub zos no no cas tseem muaj neeg nyob tsis tu ncua yom... Qhov 2 kuj yog nkaujnagtshia kho kho siab es lam tuaj nrog tej me phooj ywg sau lus seb lub siab puas yuav tshav me ntsis thaum tuaj zaum ib pliag sau post no xwb na... Nkaujdala thiab tsis tag li xwb, Nkaujnagtshia nco nco txhua tus me phooj ywg uas 1 txwm sib paub uas tuaj nyob peb lb zos nov es ho cia li ploj mus lawm ntsiag moo thiab os lov.

Sib ntsib dua mog Viv ncaus Nkauj DaLa..."

Subject: Re: Lo Lus "Qaug Zog" Fri Oct 28, 2016 8:11 pm


	Nkaujnagtshia, cas peb nyias nim yuav khwv khwv nyias ceb muag zees tag li xwb ces ntshe yuav tsis muaj leej twg kam tuaj nrog peb them teb li thiab tej niag teb no los cas thaum kub du lug lawm kuj zoo li tej me nroj tsuag nim nim txawj pawv tag cas ib pliag ntshis xwb teb twb rov fab teb npaum li qub vim tsis muaj leej twg yuav tuaj nrog peb tu teb li ces kawg cia teb fab teb li os.

Subject: Re: Lo Lus "Qaug Zog" Thu Nov 03, 2016 9:45 am

Nyob zoo os 8tos8nco,

Zam txim os cas es Nkaujdala tsis tuaj ces nagtshia tsis nco qab tuaj ntawm lub topic lus qaug zog no lawm es thiaj li tsis tau tuaj teb nws tsab post lawm yom cas tso tau cov duab zoo nkauj ua luaj li na lov.

8tos8nco, tsis hais rooj teb twg los yeej tsuas zoo 1 yam xwb thiab txawm muab tej me nroj ncaws pov tseg tag los tej me nroj tsuag yuav rov hlav tuaj puv roob puv hav nphau nphwv li qub cas nkaujhnubqub thiab nkaujdala nkawv nim law ntsiag moo to es nim tseg 8tos8nco thiab nkaujnagtshia muab nkawv nroo kho siab ua luaj thiab nco nkawv kawg li ces ntshe yuav qaug qaug zog li lau.

Subject: Re: Lo Lus "Qaug Zog" Wed Nov 16, 2016 5:17 pm

Nyob zoo rau neb os 8tos8nco thiab NkaujNagTshia,

Kuv paub tias nej tos tos kuv kawg li os. Vim tuaj tsis tau lawm cuag li sab tsua tawv tawv yeej tsoo
tsis tau tuaj txog li es thiaj tuaj tsis txog nov li na. Zoo siab hnub no tsoo tau phab tsuas tawg me me haum kuv tuaj lawm ces kuv tuaj txog lawm. Txawm mus ntev zog lawm los neb zam txim nawb. Yeej nco nej sawv daws kawg li vim tuaj sis tau lawm xwb. Neb txhob qaug zog mog. Yog tuaj tau ces yeej xav tuaj txhua lub sijhawm thiaj tau nrog neb tham tas mus li xwb os nawb.

Subject: Re: Lo Lus "Qaug Zog" Thu Nov 17, 2016 7:29 pm

Nkauj_Dala, peb zoo siab koj tsoo tau sab tsua tuaj sib ntsib ib zaug lawm es zoo siab kawg li os.

» Cas ob peb hnub no kuv qaug qaug zog li ne