Tsis ntev pej xeem yuav tsis muaj av ua noj

Ntsuj_Plig, kuv xav hais tias lub teb chaws Nplog yuav muaj kev vam meej nto hmoo lug yuav tsum yog Nplog cov pej xeem yuav tsum muaj kev nce qib kom mus txog rau kaum lab rov saum mas Nplog thiaj li muaj kev vam meej tiag tiag.

Hais txog neeg txawv teb chaws mus yuav av hauv Nplog teb los tshuav txhob yog lawm mus mom kiag tej thaj roob thaj hav yuav ces yuav tsis luaj twg.

8tos8nco...

Qhov tsis zoo mas yog li no: Nom tswv txwv tsis pub neeg txawv teb chaws yuav av ntawm pej xeem nplog tab sis yuav tsum kom yuav ntawm tsoom hwv xwb. Txhais tau tias tsoom hwv yuav muab tej av muag kom lawv tau nyiaj tab sis pej xeem yuav plam txhua yam. Nyiaj los pej xeem tsis tau, av los poob mus ua luag tug pej xeem yuav tshuav dab tsi no.

Ib qho xov xwm hais ntxiv tias suav tau tuaj ua kev cog lus nrog tsoom hwv nplog rau ib thaj av nyob sab qaum teb puab rau suav ciam teb 99 xyoos. Suav tuaj xoj coj qoob loo xa mus muag rau suav teb. Muab saib li no ces lo lus xoj yog los lam hais ntis ntsej muag lawm xwb qhov tseeb tsoom hwv yeej muab thaj av no muag rau suav lawm.

Yeej yog li koj hais vim hais tias ib lub teb chaws txom nyem tsis yog muag vaj muag tsev rau neeg txawv teb chaws tuaj nyob hauv Nplog teb xwb hos yog muag av lawm ces Nplog tsuas tau mus ua tus qhev pab tu luag tej qoob loo xwb ces thaum kawg yog Nplog tso cai rau ib tug tswv txawv teb chaws tuaj yuav ib koog av ces thaum luag muaj coob tus tswv yuav tuaj yuav Nplog av ua qoob ua loo ces thaum kawg Nplog av tag ces kawg plhws tes.