Yuam Kev Nyob Hauv Koj Nruab Siab

Subject: Yuam Kev Nyob Hauv Koj Nruab Siab Wed Aug 31, 2016 12:11 am

First topic message reminder :

Yuam Kev Nyob Hauv Koj Nruab Siab

Vim yog kuv yuam kev mus nyob hauv koj siab thiaj ua rau kuv xav tias yog txhua hnub tshiab koj yuav hlub kuv 1 leeg, cas kuv lam ntseeg koj me lus cuav hauv tus npau suav uas kuv niaj hnub ntseeg zoo tam nplooj zeeg dhaul 1 vuag ntshe yuav ncav tsis cuag muab tsis tau vim 1 vuag dhau nrog me cua tshuab cua nplawm ntshe yog hmoov yeej tsis sawm thiaj los yuam kev ntshe tsis ntev wb yuav ploj mus.

Koj tej lus mam tsis khaws ntxiv, mam li tsis siv, thiab mam li tsis taug lawm es cia nws dhau mus raws sij hawm vim seev tsis tawm kuv siab muag thiaj raug luag hais lus tsis tiag es cia mam ua ib siab ntsiag txoj kev siab muag ntshe tsis cuag tus luag 1 txwm hlub ntshe yuav tsis pub koj pom kuv quaj es mam li nrhiav tshuaj los cawm lub plawv ntoog kom pawv txoj kev nco koj es mam li uv kom ploj txoj kev nyiag hlub koj thiab mam tsis pub quaj ncia koj hnov ntshe yuav thov ncaim koj mus zoo dua.........

Eb... laj pw tsaug zog lam tuaj qaug 2/3 lo lus seev xwb es sib ntsib dua .....

NkaujNagTshia,

Subject: Re: Yuam Kev Nyob Hauv Koj Nruab Siab Wed Nov 16, 2016 11:19 am

Txoj Kev Hlub Uas Ib Txwm Muaj

Txoj kev hlub uas ib txwm muaj
Thiab nyob ruaj rau thaj chaw no
Koj puas nco tias tshuav leej twg
Qub phooj ywg yav ntuj dhau los
Kuv tseem tos koj thaj qub chaw
Tus hneev taw uas koj tsuj cia
Yuav khaws qhia txhua leej txhua tus
Kuv leej nus ua neej dai siav
Thiaj muab piav coj los qhia koj
Tias ho ploj mus dua twg lawm
Tsis pom tawm hauv tus npau suav
Los kuv tuav koj tes wb mus
Ze zuj zus lub caij snow
Kev hlub faus tuaj rau nruab siab
Lub neej tshiab nco koj ib leeg
Txhob mus ntseeg tus ub tus no
Txhob lam tso kuv li tiam tas
Tsam rov plam dua ib tiam tshiab nawb..mog!!

Subject: Re: Yuam Kev Nyob Hauv Koj Nruab Siab Wed Nov 16, 2016 5:12 pm

Nyob zoo rau neb os NkaujNagTshiab thiab Ntsuj_Plig,

Cas neb yuav txawj seev ua luaj es cia kuv seev ob ob los thiab seb
Txawm txawj es hais me me xwb lam mloog nawb

Koj tsis nyob yuam kev hauv kuv siab
Koj yog tus me ntxhiab kuv ib txawm nyiam
Txawm koj nyiam tsis nyiam los kuv yuav tsis khiav
Vim koj xwb yog tus kuv xav hnia....hahahaha.

Subject: Re: Yuam Kev Nyob Hauv Koj Nruab Siab Sat Nov 19, 2016 8:05 pm

Nkaujnagtshia wrote:

Vwm Rau Txoj Kev Nco

Me leej nus hmoob koj xwb thiaj txawj hais lus khawv koob"me leej nus hmoob mis kas koj xwb thiaj hais lus haum kuv siab tas tas"ntuj nis me nraug hmoob tus txawj hais lus zoo"leej twg qhia koj saub see kom kuv lub siab noo.me leej nus hmoob tus hais lus zoo tshaj"Leej twg qhia koj thiaj txawj hais lus saub lus seev deev tau nkaujnagtshia lub me siab kaj.

Lam yog nkaujnagtshia txawj yaj los txawj plhis.Ntshe yuav plhis zog ua tus me kab npauj npaim ya plho tuaj nrog koj nyob 1 me ntsis"lam yog nkaujnagtshia txawj plhis los txawj txia "Nkaujnagtshia yuav txhia ua tus me kab npaujnpaim tuaj nrog koj nyob lawm ib pliag"me leej nus qab zib.tiam no tsis tau lawm ces cia fab lwm tiam li thov ntaub thov ntawv kom zoo los nroj koj nyob ua 1 ke sawv nrog koj sawv sib ib" ua tsaug os yajceebtshiab nws me lus qab zib lus npliag.tiam no yog muaj txoj hmoo ntshe yuav zoo siab hlo pw ko nws lub me xub ntiag na los .

Nkaujnagtshia tus me neeg daisiab koj tej me lus seev cas yuav hais tau haum siab tiag tiag. Kheev lam Nkaujnagtshia lub me siab mus nrog nws tej lus Yajceebtshiab twb yog Nagtshia tus. Kheevlam Yajceebtshiab yog tus txawj hais txawj seev Nagtshia ntshaw Nagtshia yeej puag Yajceebtshiab rau xubntiag koom ib txaj pw ib chaw. Tiam neej no puas yog tim wb txojhmoo tsis muaj los yog tim nkaujnagtshia tsis tau xyivxeeb hlo nrog Yajceebtshiab tis txojkev hlub kom ruaj. Tiam neej no puas yog lub ntuj daim av tsis tiam wb los sib sau los vim yog Nkaujnagtshia yeej hlub Yajceebtshiab tsis tau txaus.

Nkaujnagtshia tus khuamsiab, yog tibneeg txawj yaj los txawj txia ces tos nws hnov xwb Yajceebtshiab yeej muab nws puag zuaj zog rau hauv xubntiag thiab yeej tsis yog kab npauj kab xi kiag tabsis yog tus Hmoob hlub nws nyob ntuj sua teb-toj dausxib teb-toj daus txias me zoovnujtxeeg kaj sib liag tsis muaj nplooj tsuas muaj qia. Yog leej tibneeg txawj txia txawj plhis ces tos nws ras xwb Yajceebtshiab yeej nrog nws zaum ib pawg sawv ib txig thiab yeej tsis yog kab lujyem kab xivxi tabsis yog tus hmoob hlub nws nyob ntuj sua yeev toj dausnpug teb dausxib me zoovnujtxeeg tsis muaj nplooj tsuas tshuav ceg koblamntshuas rau cua mojlwg txias hliv.

Cas nim xav tsis nrog xav ntshaw tsis raws ntshaw Nkaujnagtshia nyob ntuj tshiaglias me cua haivtxwv txias ti taw Yajceebtshiab tsuas ua npauntub dabnyo nrog Nkaujnagtshia sawv sib ib tuav tes rawv-tsimdheev nruabdabntub hnov tus sab mob sab nchi dheegdaws tuaj nruabplawv. Cas ua nkauj ua nraug nyob ntuj ncua toomkev deb xav tau luaj zeb xu mus lawm luaj teb yuav deev tau Nkaujnagtshia nyob ntujnrag suabpuam haistxwv cua txias zias thoob ib cev Yajceebtshiab tsuas tau ua npausuav toog nrog Nkaujnagtshia sib tawb sib de-tsimnto plaws nruab yogtoog hnov tus sab mob sab ntxhias hauv nruabsiab zoo li lub plawv yuav nres.

Nkauj hlub nraug nco txoj me hmoo muaj tseeb nyob ntiajteb wb yeej yuav tau sib ntsib sib cuag mog-yog txojhmoo tsis nyob nruabsiab hos tsuas nyob nrog huab ya nrog cua peb kev hlub kev tshua yuav ua mob ua ntshaj lubqawv rau nruabplawv ceeblaj ntoog txog hnub koj laus qaug kuv laus dua saib puas yuav tshuav txoj me hmoo plawv tsis kam lwj siab tsis kam qhuav mam ncoj wb me ntsujplig taug nraim kev hlub kev tshua nrog xyw hlub uas tseem nyob khosiab khuav sawv rov los sib nrhiav sib cuag xwb od nkauj hmoob tus me neeg daisiab ntxim hlub ntxim tshua....uatsaug nws me lus hmov lus sov siab nawb lod!

Subject: Re: Yuam Kev Nyob Hauv Koj Nruab Siab Mon Nov 21, 2016 6:31 am

Ntuj nis yuam yajceebtshiab .Nim tsav hais zoo ua luaj li no .Yog tsis hlub tsis nyiam los tseg .muaj tseeb li sau ces tooj xo muab koob los wb haus ntshav tes.Hmoob tej tub tus lus zoo.yog tsis muaj siab los cia li.nim tsav hais dai siab ua luaj li ces tooj xo zias nqa koob tuaj wb haus ntshav si"

YajCeebTshiab tiam no twb hais zoo ua luaj no.txawm tau daj xwb tsis tau deev.Cia lwm tiam muaj tiag nkaujnagtshia nq ntawv lis zia los thawj dua thiab mam caum koj qab raws koj hneev"Tiam no txawm tau daj xwb tsis tau puag" los lwm tiam muaj tiag nkaujnagtshia mam nqa ntawv li zias los caum koj qab nrhiav kom tau koj yuav .YajCeebThsiab ua tsaug tej me lus dai siab lus txhawb zog.mam khaw cia ua 1 zaj dab neeg nawb"

Subject: Re: Yuam Kev Nyob Hauv Koj Nruab Siab Mon Nov 21, 2016 7:18 am

Ntsuj_Plig wrote:

Txoj Kev Hlub Uas Ib Txwm Muaj

Txoj kev hlub uas ib txwm muaj
Thiab nyob ruaj rau thaj chaw no
Koj puas nco tias tshuav leej twg
Qub phooj ywg yav ntuj dhau los
Kuv tseem tos koj thaj qub chaw
Tus hneev taw uas koj tsuj cia
Yuav khaws qhia txhua leej txhua tus
Kuv leej nus ua neej dai siav
Thiaj muab piav coj los qhia koj
Tias ho ploj mus dua twg lawm
Tsis pom tawm hauv tus npau suav
Los kuv tuav koj tes wb mus
Ze zuj zus lub caij snow
Kev hlub faus tuaj rau nruab siab
Lub neej tshiab nco koj ib leeg
Txhob mus ntseeg tus ub tus no
Txhob lam tso kuv li tiam tas
Tsam rov plam dua ib tiam tshiab nawb..mog!!

Nyob zoo os NtsujPLig "Thiab nkaujdala zoo siab uas hnub no nagtshia los ntsib neb 2 leeg nyob ntawm no es zoo zoo nkaujnagtshia siab kawg nkaus li nawb"

Ntuj nis ntsujplig tus me qub swm hlub"NkaujNagTshia tseem nco tau yav puag thaum ub"Ntuj nis yuam ntsujplig tus me qub swm nco"NkaujNagTshia yeej tseem nco wb tej me hneev tsuj yav puag dhau los"vim lub ntuj los vim txoj hmoo"Cas tiam no nagtshia nim los ntsib ntsujplig lig lawm ntau xyoo"Ntuj nis yuam ntsujplig.Vim txoj hmoo los vim lub ntuj"Tiam no es nkaujnagtshia thiaj tsua los pom ntsujplig me lw tsuj.

NkaujNagTshia tseem nco ntsooj plig ntsuj ntsoov"Nkaujnagtshia lub siab nco ntsujplig tseem tsis tau hloov"Ntuj yuam ntsujplig"NkaujNagTshia tseem nco ntsujplig li qub"NkaujNagTshia yeej tseem khaws ntsoov ntsujplig txoj me kev hlub"NtsijPlig nagtshia tsis keej ces lam seev 2/3 los li no hais yam tseeb xwb thov zam txim os lov.Vam tias ntsujplig yuav noj qab nyob zoo li yav dhau los thiab no os ntsujplig ""

» ~LOS NAG HAUV LUB SIAB~
» ~ZOONKAUJ HAUV LUB SIAB~
» Tsis muaj neeg tuaj nrog kuv nyob ces kuv tsis xav nyob li os lawv
» LUB NEEJ NRUAB DAB NTUB
» Pojniam vs Txivneej