Cawmsiab

Subject: Cawmsiab Mon May 10, 2010 12:53 am

First topic message reminder :

Nyob zoo cov phooj ywg Nkauj muam Nraug nus sawv daws,

Hnub no kuv muaj lus tshwj xeeb zoo siab tau tuaj ncig txog nej lub zos Hmongheaven Forum, tuaj pom nej sawv daws nyob lom zem xauv npo li lub zos Hmongza thiab zos Hmoob tshav ntuj. Kuv nyob ntuj qub qab qub teb qub chaw uas peb cov phooj ywg nkauj muam nraug nus muaj hnub nyoog li 35 xyoo tawm rov sauv uas tseem muaj tsho tsuj tsho npuag nyob ntuj qub qab es kuv nyob deb puag ib ntxee ntuj ya dav hlau tuaj ib hnub ob tog tsaus thiaj yuav tuaj txog nej .

Peb txawm tsis sib pom tsis tau tuav tes los lub quag ntuj tshiab no yooj yim rau peb kev sib tham sib pauv tswv yim hauv Forum lawm muaj dab tsi peb sib cog qhia sib cog kawm kom paub koj paub kuv es peb mam sib pauv tswv yim mus rau qhov zoo thiaj yuav ua rau peb hmoob vam meej mus rau yav pem suab.

Subject: Re: Cawmsiab Wed Dec 15, 2010 7:35 pm

NkaujNyiag wrote:: Leej nus Hmoob Ntuj Qub Qab,

Tso nws cov lus "Txoj kev txawjsib pab ciaj vaj" rau nov peb thiaj tau mloog ma.
Lawv ma cas yuav txawj hais tau ib co lus zoo kawg li
Yog leej twg txawj mloog txawj khaw
Ces twb khaws tau coj mus ua neej tau zoo os leej nus
Kuv mloog tag ob daim ua ntej xwb
Lawv cov lus zoo kawg li os
Ib tsam kuv khoom kuv mam rov tuaj mloog dua

Ua tsaug rau nws cov video zoo lus kawg li

Nyob zoo me leej muam Nkauj Nyiag

tus me neeg txawj tham tus me zoo zam
Yog lawm mas, Zaj txawj sib pab ciaj vaj
yog tus txawj mloog thiab txawj khaws
coj mus khaws cia yuav zoo rau nws mus ib txhiab nas me hmoob
tus me cev tsiag lias muaj kab lia...

Subject: Re: Cawmsiab Thu Dec 16, 2010 12:31 am

Nyob zoo tijlaug hmoobntujqubqab thiab nkaujnyiag
Neb ob tug ntawm neb mas keej tiag tiag
Cas kuv tuaj tsis ncav neb lub sij hawm
Thaum kuv muaj lub caij ces tuaj txog twb lig lawm

Tu siab ua luaj li
Cas tsis pom tsis tau nrog neb ua si
Lam tso cov lus no tseg rau neb
Thaum neb tshwm ces kuv twb mus nyob deb

Yog kuv lam txia tau ua me noog ya nruab ntug
Ntshe kuv yuav ya ya tuaj mus nrhiav neb ob tug
Yua ya luj li tuaj mus nrhiav kom tau neb
Kuv yuav tuaj saib neb tej chaws sawv neb tej teb

Yog kuv muaj hwj huaj
Ntshe yuav muab lub ntuj tig kom muaj
Peb tseem me me
Kom peb rov tau ua si ua ke

Lub ntuj ntshiab si
Los tsis muaj nej li
Hauv kuv siab thiaj pos huab nti
Thiaj nyob twj ywm tsis paub ua dab tsi

Subject: Re: Cawmsiab Thu Dec 16, 2010 9:34 pm

nkaujhnubqub wrote:: Nyob zoo tijlaug hmoobntujqubqab thiab nkaujnyiag
Neb ob tug ntawm neb mas keej tiag tiag
Cas kuv tuaj tsis ncav neb lub sij hawm
Thaum kuv muaj lub caij ces tuaj txog twb lig lawm

Tu siab ua luaj li
Cas tsis pom tsis tau nrog neb ua si
Lam tso cov lus no tseg rau neb
Thaum neb tshwm ces kuv twb mus nyob deb

Yog kuv lam txia tau ua me noog ya nruab ntug
Ntshe kuv yuav ya ya tuaj mus nrhiav neb ob tug
Yua ya luj li tuaj mus nrhiav kom tau neb
Kuv yuav tuaj saib neb tej chaws sawv neb tej teb

Yog kuv muaj hwj huaj
Ntshe yuav muab lub ntuj tig kom muaj
Peb tseem me me
Kom peb rov tau ua si ua ke

Lub ntuj ntshiab si
Los tsis muaj nej li
Hauv kuv siab thiaj pos huab nti
Thiaj nyob twj ywm tsis paub ua dab tsi

Nyob zoo nkaujhnubqub

nws tuaj nrog leej muam Nkauj Nyiag wb txuas lus kom peb thiaj txawj hais lus tus
leej muam Nkauj Nyiag nws hais lus zoo txhua leej thiaj xav poog
leej muam Nkauj Nyiag nws txawj hais lus ncaj txhua leej thiaj tias nws zoo tshaj
wb yuav tau kawm kev hais lus ntawm leej muam Nkauj Nyiag wb lub siab thiaj nyob kaj liag
yuav tau yoog tus neeg txawj thiaj yuav tsis txhawj
ua yam twg los zoo txhua tsav los muaj hmoo
nas nkaujhnubqub tus neeg ntxim hlub

Subject: Re: Cawmsiab Fri Dec 17, 2010 9:29 pm

Nyob zoo os leej nus Hmoob Ntuj Qub Qab

Cas ob peb hnub no
Leej muam lub sijhawm yuav tsawg ua ua luaj
Xav nrog leej nus txuas lus los cas sijhawm tsis txaus
Xav nrog leej nus tham thiab nyob ib pliag
Los cas sijhawm tsis ti nkaus
Hais tsis tau ib los lus zoo ntxim raug nws plawv
Vam tias leej nus yuav tsis chim tsis hais lus tshawv
Sijhawm ceev ceev ces lam hais tom ntej rau tom qab
Vam tias leej nus yuav tsis xav li cas
Leej nus tseem yuav rov tuaj tsham nug moo hav tshooj cab sab
Vim nco nco leej nus ces qee sijhawm tuaj hais lus ob peb kab
Kom hnov nws ib lo lus kab ntsab
Rov mus lawm los lub siab thiaj nyob kaj
Thiaj xav ua num txhua txhia fab
Leej nus cov video sib pab ciaj vaj
Yog ib co lus nyiaj los lus kub
Yog leej twg txawj mloog txawj khaw
Ces yuav coj tau mus ua neej muaj koob nto npe
Yuav kawm tau coj mus ua zoo ib tug niam tsev txiv tsev
Lawm yav tom ntej mus ib sim neej
Nas yuam leej nus Hmoob Ntuj qub Qab

Mloog nkauj xyoo tshiab os leej nus
Thiab ua tsaug rau leej nus lub paj
Zoo nkauj tshaj saib tag lub siab twb kaj