Peb Hmoob-Meskas Noj Peb Caug Lub 9 Hli Ntuj Mus Ti Nkaus Lub 12 Hlis Ntuj

Guest

Ib tsoom phooj ywg Hmoob sawv daws, nej cov tsis paub hais tias vim li cas peb Hmoob-Meskas thiaj li noj peb caug lub 9 hli ntuj mus ti nkaus lub 12 hlis ntuj?

Peb Hmoob-Meskas noj peb caug puag thaum lub 9 hli ntuj mus ti nkaus lub 12 hlis ntuj xaus tsis yog peb xav xav mus noj ntau lub peb caug kom zoo li tej me muv (bee) es ya nrov vwg rau qhov tag ho ya nrov vwg rau qhov li nej hais nawb vim peb nyias lub zej lub zos yuav noj ib lub peb caug mas sawv daws yeej sib tham muaj tham txaus lawm peb Hmoob thiaj li teem caij teem nyoog tias ib xyoo muaj ib zaug xwb ces peb txawm yuav noj peb caug rau lub hli twg los yeej yog noj 30 rau nyias lub zos lawm vim lub teb chaws Misliskas tsis muaj limit rau koj thiab kuv txoj kev ntseeg uas nyias yuav noj dab tsi lub caij twg los tau tag nrho period.

Vim tias nyob rau lub teb chaws vam meej Misliskas teb nws muaj 4 lub seasons mas lub cuaj hli ntuj xaus xwb nplooj hmab nplooj ntoos yav qaum teb hauv lub teb chaws Misliskas twb daj zuj zus lawm ces twb txog lub caij sau qoob sau loo lawm ces luag lub teb chaws no yeej pib noj labor day puag thaum lub cuaj hli ntuj, noj lub Halloween puag thaum lub kaum hli ntuj xaus, noj lub Thanksgiving puag thaum lub kaum ib hlis ntuj nrab xaus, noj lub Christmas puag thaum kaum ob hlis ntuj nrab xaus, thiab noj lub xyoo tshiab thaum lub xyoo tshiab nqes los txog kiag.

Mas yog li ntawm, peb Hmoob txawm yuav noj peb caug puag thaum lub 9 hli ntuj mus ti nkaus lub 12 hlis ntuj xaus los yeej yog caij yog nyoog rau nyias lub zej lub zos txoj kev xav thiab tsim nyog ua koob tsheej txais tos nyias lub xyoo tshiab kawg li lawm es peb yuav tsis siv lwm lub lav txoj cai los pov puag lwm lub lav lub zej lub zos txoj cai vim peb nyob rau lub teb chaws Misliskas loj li loj thiab dav li dav mas peb yuav tsum ua mus raws li nyias lub zos cov pej xeem pom zoo xwb thiaj li yog kev ncaj ncees rau peb Hmoob tej koob tsheej nyob rau lub teb chaws vam meej txoj kev ntseeg tsis muaj limit rau noob neej nawb mog.

Ib qho teeb meem loj tshaj plaws rau cov zos me uas muaj Hmoob nyob yog tias lub zos Hmoob ntawm nyob rau yav qaum teb Misliskas teb ces yog lawv noj peb caug puag thaum lub 12 hlis ntuj nrab xaus ces yuav los snow loj heev rau qhov txhia chaw ces tsis zoo rau pej xeem Hmoob yuav thauj tsheej tsheb neeg mus rau ub rau no thaum kev nplua li nplua ces yog leej twg lub tsheb raug teeb meem lawm los yuav tsis muaj leej twg nrog lees paub mas tsis yooj yim li peb cov neeg Hmoob txawj ntse uas nej hnub zaum hauv lawv lub rooj ntaub rooj ntawv saib lawv daim chart lub siab nyiam thiab txoj kev xav hais li nawb mog.

Piv txwv li peb Hmoob Minnesota kiag peb twb tsis muaj cuab kav yuav noj peb caug thaum lub 12 hlis ntuj nrab xaus es peb ho yuav kom lwm lub zos Hmoob nyob lub zos twg txhob noj peb caug thaum lub caij nplooj hmab nplooj ntoos tseem ntsuab xwb xiab mas peb yuav tsum kho lub zos ntawm thiab nrhiav kev taug rau lub zos ntawm ua ntej xwb hos yuav kom peb cov neeg txawj ntse sawv los ua saub kho lawv daim chart thiab kho neeg lub neej mas tsis yooj yim li mog.

Piv txwv li peb Hmoob Fresno, CA luag lub nroog kiag luag noj peb caug the right time (fixed time) kiag xya hnub xya hmo ua li cas peb ho tsis muaj leej twg qhuas lawv li mas peb Hmoob yuav tsum pom tej no mas yog peb yuav noj peb caug fixed time ces sawv daws yuav tsum following peb Hmoob Fresno lub peb caug xwb thiaj li yog qhov tseeb mog.

Lub noog koj tus paub cai tias yog cuaj los koj yuav kom Hmoob hloov kaum los koj yuav kom Hmoob hloov ne, ua li koj yuav kom Hmoob cov qub nom qub tswv los tsim tsa Hmoob cov peb caug, cov tub kawm ntawm qib siab los tsim tsa Hmoob cov peb caug, los yog koj yuav kom Hmoob 18 Xeem los tsim tsa Hmoob cov peb caug?

Nom Tswv Hmoob Los Tsim Tsa Hmoob Lub Peb Caug = Siv Lub Peev Xwm, Lub Zog, thiab As Naj.

Cov Doctors Hmoob Los Tsim Tsa Hmoob Lub Peb Caug = Siv Meej Mom thiab Lub Hlwb Yuam Cai.

Hmoob 18 Xeem Los Tsim Tsa Hmoob Lub Peb Caug = Siv Cov Nres Xeem Raws Li Poj Ua Cia Yawm Ua Tseg.

Koom Haum Hmoob Los Tsim Tsa Hmoob Lub Peb Caug = Siv Lub Zeem Muag Ua Raws Li Nyias Lub Zej Lub Zos Txoj Kev Ntshaw thiab Kev Vam Meej.

Hmoob yuav tsum noj peb caug mus tib seem li cas?

Hmoob yuav tsum noj peb caug sau Hmoob daim logo mus tib seem li cas?

Hmoob puas tseem siv maum lam los ua Hmoob txuj ci tug txais tos lub xyoo tshiab li yav tag thiab?

Hmoob mus qhib lub rooj vaj txais tos lub xyoo tshiab yuav tsum haus cawv qaub, cawv qab zib, los yog cawv 100% xwb ne yog Hmoob paub thiab pib los ntawm leej twg tiag thiab cov cawv yuav tsum qhib haus tam sim es tsis txhob yog hliv rau hauv khob txawb pawg lug rau ntawm tej rooj li yuav lom neeg haus cawv?

Hmoob sib tw ntxhais nkauj ntsuab ne yuav tsum muaj permission txij lub nroog twg thiab lub lav twg xwb?

Hehehehehehe...., kuv ces lam ua zab tuaj nqus ceg dev sau lus khav theeb rau sawv daws nyeem xwb es yog yam lus twg kuv sau tsis yog lus lawm los thov nej cov tuaj nrog nyeem kuv cov lus ho ua siab ntev mog.

Guest

Guest

Hehehehehe......, zoo siab rau peb Hmoob lub neej nyob Misliskas teb vim peb muaj cov neeg txawj ntse thiab kawm ntawv qib siab coob zuj zus, peb muaj cov kawm txog qib doctor coob zuj zus, peb muaj cov nom tswv Hmoob pej xeem neeg Meskas lub suab xaiv tsa tau lawv los ua hauj nyob rau hauv nroog thiab capital city ntau leej, peb muaj cov qub nom qub ntswv thiab cov thawj coj koom haum coob zuj zus, peb muaj cov tub lag tub luam coob zuj zus, thiab peb Hmoob cov pej xeem Hmoob los kuj ua lub neej caum cuag lub ntiaj lawm tiag ces peb tsuas tshuav qhov hais tias peb yug los ua ib tsav neeg Hmoob-Meskas es peb puas yuav muaj pes tsawg lub zoo zeem muag los pov puag tsav neeg Hmoob kom nrog luag muaj teej tug thiab muaj neej ua nyob rooj teb no ua me cav lwj nyob sib ib li tej laus ib txhis coj noj coj ua mas peb yuav tau soj ntsuam ntau yam xws li nram nov:

koom haum Hmoob yog lub kaus nroos pej xeem Hmoob-Meskas kom nrog luag ua neeg zoo thiab muaj nqis rau lub teb chaws Misliskas.
lag luam yog cov tuaj txhawb koom haum thiab ua txhua yam rau tsav neeg Hmoob-Meskas txoj kev ntshaw kom thaum pej xeem xyeej sij hawm los thiaj li muaj lub chaw mus siv nyiaj txiag txhawb Hmoob tej lag luam thiab koom haum li qhov pej xeem ua tau.
koom haum yog cov nrhiav pej xeem tuaj txhawb lag luag thiab txhawb koom haum kom noj taus nyob taus ua ib co zoo thawj coj thiab muaj meej mom coj Hmoob mus rau lub neej pem suab kom nrog luag neeg ntiaj teb muaj keeb kwm Hmoob yuav nyob mus tsis tag tsis kawg.
koom haum yuav tsum muaj ntau yam koob tsheej ua thiaj li muaj nqis rau koom haum vim Hmoob yeej hlub thiab txhawb Hmoob tau lawm tiag.
kev lom zem thiab kev ua si (sports) yeej muaj ntau yam zoo rau Hmoob thiab muaj nqis rau Hmoob xws li ntau npa, ncaws npas, txhom football, ntaus tuj lub, sib tw niam nkauj ntsuab, sib tw competition hu nkauj, sib tw competition dance yog Hmoob li kev txhawb nqa tub txhais txoj kev cia siab.

Cov nqe lus li hais los lawm saum nov yeej muaj yam zoo rau koom haum Hmoob ntau yam es peb thov qhuas peb txhua pab txhua pawg thawj coj Hmoob vim muaj nej peb Hmoob thiaj li tseem nrog luag muaj hnub no yuav nyob mus tsis tag tsis kawg mog.

Guest

Ab....., cas yav ntuj thaum ub tsuas hnov tej laus tham tias peb Hmoob tej nom tej tswv mas thaum lawv mus ua rog mas tus nai nthe nqho xwb nws cov tub rog yeej khiav nkag kaws mus rau lub qhov tws, tab sis cas peb Hmoob tuaj nyob lub teb chaws vam meej lawm es thaum peb Hmoob tsa muaj ib tug nom muaj ib tswv los coj Hmoob cas tus thawj coj ntawm pheej yog tus xub khiav mus nkag qhov tws es yog tim li cas lawm lau.

Thov kom peb Hmoob ho tig los mloog peb cov tub txhawj thiab ntxhais ntse hais thiab qhuab qhia sawv daws thiab tej laus ho tso hauj lwm rau cov hluas los coj peb Hmoob mus rau yav neej pem suab seb peb lub neej Hmoob nyob rooj teb no ho yuav zoo li mus cas mog.

Thawj Coj Hmoob Muaj Ntau Yam Thawj Coj Xws Li Nov:

thawj coj nom tswv kav yog tsa los ntawm pej xeem lub suab xaiv tsa los tuav hauj lwm nyob rau hauv nroog thiab tsev dawb mus raws li luag txoj cai kav teb chaws nyob rau hauv daim av yug nyias loj hlob los ua ib tug zoo pej xeem.
thawj coj koom haum yog tsa los ntawm nyias pab pawg txoj kev sib hlub nyob koom zej koom zos.
thawj coj koom haum yog tsa los ntawm nyias pab pawg ntseeg yog kev teev ntuj.
thawj coj koom haum yog tsa los ntawm nyias xeem yog kev coj noj coj ua rau nyias tsev neeg kom tseem sib nco tau txheej dhau txheej tis dhau tis tias sawv daws tsem yog kwv tij.
thawj coj koom haum Hmoob 18 Xeem yog tsa los ntawm Hmoob kev neej kev tsav txoj kev sib hlub ib xeem yuav tsum muaj ib tug sawv cev Hmoob lub koom haum 18 Xeem yog Hmoob neej Hmoob tshav thiab Hmoob hlub Hmoob es txawm yog tus neeg qaug qeb los ua sawv cev tau.
thawj coj koom haum los ntawm Hmoob kev txawj ntse thiab sib koom siab yog cov neeg paub qab paub hau tsim tsa cov neeg txawj ntse hais ib lo lus txhais tau ntau yam hauv Hmoob lub neej los sib koom siab kho Hmoob lub neej nyob rooj teb no kom Hmoob nrog luab peem tsheej lub neej Hmoob rais ua ib co neeg zoo pej xeem Hmoob-Meskas yuav hlub lub teb chaws Meskas mus tsis tag tsis kawg.
thawj coj koom haum koom haiv yog yam Hmoob muaj kev ntau phooj ywg nrog Hmoob lwm teb chaws kom Hmoob rov sib paub thiab sib hlub li Hmoob tseem yog Hmoob tib tug.

Note: Hehehehehe.....True or False, kuv cov lus sau tsuas lus update page xwb es yog yam twg kuv sau tsis yog lus lawm los thov nej cov tuaj nrog nyeem kuv tej lus ho ua siab ntev mog.

» Nraug Hmoob-Meskas
» Tseem Hmoob-Meskas
» Nkauj Hmoob Meskas Noj Fawm Puas Yog Tiag Ne
» Paj Nqeeb Laim Pom Dheev Nraug Hmoob Meskas
» Hmoob Kev Nrhiav Txij Nrhiav Nkawm Nyob Yav Ntuj Qub Qab Thiab Nyob Rooj Teb No Zoo Li Cas