SUAB HMONG NEWS: Kong Family's Press Conference on United Hmong Family terminated Richard Kong

Peb Hmoob yuav tsum xyaum nrog luag ua nom ua tswv thiab paub txo hwj chim thaum tus thawj coj rho leej twg tawm hauj lwm los yuav tau tawm twj ywm li qhov luag tsis pom zoo rau nyias ua ntxiv mus thiaj li yog ib txoj kev ncaj ncees thiab kev tsis piam sij rau tsav neeg Hmoob txoj kev sib cib nyeej vim li ntawm mas peb Hmoob yuav tau paub txog cov lus hais tias, "Keeb Kwm Hmoob" los yog, "Dab Neeg Hmoob" yog dab tsi tiag tiag mas peb thiaj li yuav paub nrog luag kho paus rau paus ntsis rau ntsis es kom peb Hmoob tej nom tej tswv txoj kev sib hlub thiaj li yuav loj hlob taus ces yog nce qib las mas.

Keeb Kwm thiab Dab Neeg Hmoob qhia rau sawv daws paub tias nws yog txhua yam xwm txheej uas yog peb Hmoob txoj kev taug los mus txog rau lub neej tam sim nov seb zoo li cas mas tej xwm txheej ntawm yuav tig tsis tau rov qab lawm.  Tab sis, lub neej pem suab peb Hmoob zaj keeb kwm thiab dab neeg yuav ua rau peb Hmoob txoj kev kawm hais tias nyob rau lub neej dhau mus lawm peb Hmoob tuaj txog rooj teb no ne peb muaj pes tsawg tus thawj coj Hmoob ua tau nyias yam dab tsi rau Hmoob nyob rau nyias lub zej lub zos ces Hmoob yuav tau ua kom zoo tshaj qub es kom Hmoob lub neej nyob rooj teb no muaj kev nce qib rau nyias lub zej lub zos los yog lub lav ces yog leej twg raug tawm hauj lwm hauv koom haum lawm los yuav tau mus ntsiag to es nyias mam li mus ua nyias txoj hauj lwm hauv vaj hauv tsev lawm xwb los sawv daws yeej tseem yog Hmoob li qub es tsis txhob hais tias nyias raug tawm hauj lawm hauv koom haum lawm ces nyias ho yuav mus ua kub ua ntxhov qhia rau lub ntiaj teb li ub li no hais txog Hmoob lub koom haum tus policy ua tsis ncaj ncees ces thaum kawg Hmoob poob ciav qhev los yog tim Hmoob tsis txawj hlub Hmoob mas peb Hmoob yuav tau ua siab ntev es yog yam twg luag tsis pom zoo rau leej twg nrog luag tuav hauj lwm ntxiv lawm los yuav tau los so es ho cia rau lwm leej lwm tus mus ua hauj lwm rau koom haum Hmoob los tau.

Tsis tag li ntawm xwb, kom leej twg ho tau mus ua tus nrog tuav hauj lwm rau koom haum lub peb caug thiab lub July los yuav tsum txhob toob tib hais tias khwv heev li vim kev ua hauj lwm rau tag nrho txhiab txhiab tus pej xeem Hmoob tuaj nquam paj nquam nruas rau kev lom zem mas nws tsis zoo li tig neeg mus yuav lottery es raug leb xwb nawb mas kom sawv daws nco ntsoov hais tias yog leej twg raug los ua tus pab Hmoob lawm ces tus neeg ntawm yuav tau pab dawb paug raws li tus thawj coj tus policy nqee tseg kom nyias khiav nyias txoj hauj lwm ua tau txij twg ces tus neeg yuav tsum ua txij ntawm xwb hos yuav kom ib tug neeg paub paub tab cia li mus tuav luag txoj hauj lwm es yus ua raws li qhov yus nyiam thiab yus paub ces nws tsis yog luag tus policy lawm mas nco ntsoov li ntawm es sawv daws thiaj li pab tau peb Hmoob cov thawj coj tes dej num kom tiav log rau luag thiab luag muaj ntaub ntawv ntiag tug (privacy) los yuav tsum nrog luag ceev kom zoo rau chaw siab es yam twg luag hais tias yuav qhia rau pej xeem paub los mam li qhia xwb thiaj li ua tsis txhaum luag txoj cai.

Hnub twg koom haum cov board of directors lawv tsuas tuaj ua hauj lwm txij hauv lawv lub chaw sib ntsib xwb, cov neeg leg ntaub ntawv rau fab ceev nyiaj txiag los lawv tsuas tuaj ua hauj lwm khaws kiag cov nyiaj txiag cia rau ntaub ntawv thiab tuam tshab lawm xwb, es lawv yeej muaj lawv ib pab neeg hauv lub zej lub zos uas luag nyob muaj koom haum tuaj khwv nyiaj txiag thiab leg dej num rau lub koom haum loj tes dej num lawm mas thaum ntawm peb Hmoob muaj ib lub koob tsheej ua los peb thiaj li yuav tsis pom peb tej nom tswv qib siab khiav tshwm nplawv npliv rau ub rau no ces lawv yuav tsum sab li sab ces dej los tsis tau haus li los muaj mas yog li ntawm hais txog ua koob tsheej mas txhua yam dej num yuav tsum qee pub rau txhua lub koom haum ua es tau me ntsis nyiaj los ho muab qee me ntsis rau txhua lub koom haum tau coj mus ua peev es lub koom haum loj tsuas tos khaws kiag lawv pob nyiaj txiag paws xees uas yuav coj mus zwm cia rau tuam tshab lawm xwb mas thaum ntawm peb Hmoob cov nom tswv leej twg los ua cov ntaus thawj saib pej xeem cov koob tsheej los thiaj li yuav tsis hnov lawv nroo hlob nroo yau hais tias lawv mas khwv li khwv mov tsis tau nrog luag noj thiab dej los tsis tau nrog luag haus li yav tag lawm.



Ab...., nej twb hais tias Kong Family mus nrog Lao Family Foundation ua hauj lwm no es cas ho tsis pom Kong lawv tsev neeg ib daim duab tshwm hauv nov los yog nyob qhov twg li es puas yog muaj tiag li hais mas nej yuav tsum muaj pov thawj ua ib qho duab kom pom Kong tsev neeg nrog Lao Family Foundation ua hauj lwm txij tog txij pes kom peb paub hais tias nej tham dab tsi ua li puas muaj tiag pob.

Hais lus tas tas lauv ua si las mas, yog leej twg xav ua hauj sam Hmoob kom luag nqa nyiaj txiag tuaj los nrog luag pom ces yuav tau npaj (organize) lub foundation kom qoos qoos es kom muaj neeg tuaj pab peb cov thawj coj txaus txaus ces lawv thiaj li tsis khwv khwv es lawv thiaj li muaj sij hawm mus zaum rooj sab laj hnav ris tsho kom khws nom khws tswv debate txog lawv tej dej num xwb thiaj li tsim nyog ua ib tug member rau lub trustee ces thaum lub khoom haum npluaj nuj lawm ces lawv yuav tau them nyiaj sab laj rau cov neeg tuaj ua trustee sib tham ib zaug twg seb ib tus neeg yuav tsum tau nyiaj pes tsawg kis mas thiaj li yog nom tswv kav pej xeem tiag tiag nawb hos yog sawv daws tuaj ua hauj lwm rau lub trustee es tuaj khwv li khwv es mov los tsis tau nrog luag noj thiab dej los tsis tau nrog luag haus tsheej hnub li ces thaum kawg leej twg los yeej ntshav siab ces yuav yws yws thiab laiv vim pob nyiaj txiag khwv tau los yog pej xeem tug xwb tsis yog lub trustee tug ces lawv siv tsis tau thiab ne lov.

Tham lus ua si xwb peb yeej salute thiab hlub peb ib tsoom thawj coj Hmoob txhua leej txhua tus vim yog txoj niag kev ywj pheej ntawm txoj niag kev hais lus dawb (freedom of free speech)  xwb es nej yuav tsum rau rau siab nrhiav kev npluaj nuj rau peb tsav neeg Hmoob taug es lawv thiaj li nqa nyiaj txiag tuaj txhawb peb Hmong lub foundation vim peb Hmoob twb yog ib tsav neeg nplua nuj lawm ces nej yuav tsum txawj ua zaj ua ntxeev kom nej muab lub chaw thov khawv ces pej xeem Hmoob-Meskas yuav nqa nyiaj txiag tuaj rau nej tau khaws thiav siv rau pej xeem Hmoob-Meskas lub vision thiab txoj kev cia siab rau yav neej pem suab seb tiam twg peb Hmoob cov thawj coj thiaj li yuav ua tau ib yam dab tsi rau Hmoob li GVP lub neej dhau mus lawm nawb mog.

Note:  True or False, peb tej lus tham pem lus tso ya xwb es thov nej cov tuaj nrog nyeem peb tej lus ho ua siab ntev mog.