TUAJ PEB SAU PAJ HUAM

Npauj Npaim.......

Ntsuj Plig xav nrog Npaum Npaim nyob los ntshais tsam Npauj Npaim puag Npauj Npaim tus ces mob Ntsuj Plig lub siab mob cuag pos kaus ntsaj chob

Ntsuj Plig xav ua Npauj Npaim luag los ntshai tsam Npauj Npaim puag Npauj Npaim tus ntshe yuav mob Ntsuj Plig lub siab cuag xob tua.

Ntsuj Plig xav tias mam ua ib siab mus thawj thiab los nco nco Npauj Npaim lub siab quaj dhi lub ntsws lwj tas tej sib naib

Ntsuj Plig xav tias mam ua ib siab mus thawj thw los nco nco Npauj Npaim lub siab quaj dhi xav los zov Npauj Npaim tej chaw pw xwb tiag....

Zoo siab yuav nrog koj tham ua kev phoojywg
Muaj koj tuaj nrog peb tham ces peb txoj kev phoohjywg yuav loj hlob tuaj
Muaj koj ces lub zos no yuav nyob tau kaj siab
Muaj koj tuaj lawm ces lub zos no yuav nyog tau zov zo
Tuaj txog los lub siab thiaj nyob luaj ntxhi
tham lus los lub ncauj thiaj xav tham zaj tag zaj tuaj
Muaj koj tuaj ces lub zos no yuav loj zem
Tuaj txog thiaj tsis xav rov mus tsev
Thiaj xav hais pajhuam cuam tshuam
Seb peb kev phoojywg puas yuav loj hlob
Seb peb kev phoojywg puas yuav nyob ntev ntev mus ib sim

Ntsuj_Plig wrote:

NTAWM NO MUS YOG LUS PAJ HUAM
HAIS CUAM TSHUAM TXOg RAU NTSUJ PLIG
XAV TUAJ NCIG NROG NEJ UA SI
TSIS TAS LI XAV NTAUS PHOOJ YWG
TXAWM LEEJ TWG LOS THOV TXHOB NTXUB
PEB SIB HLUB UA PHOOJ UA YWG
NYOB QHOV TWG TUAJ PEB SIB THAM
NYOB IB TSAM NQHIS MOV TSHAIB PLAB
MUS NRAM LAB PEB HMOOB BUFFET
NOJ TAS CES UA PLAB TSAU NPO
HO ROV LOS SIB THAM UA SI
LOS SIB NTSHI HAIS LUS TAUM HUAM
TSHAIS IB RUAM LUB NEEJ TOM NTEJ
PEB HMOOB NEJ PUAS TSEEM NCO QAB
LOS NROG PAB KUV SAU DAB NEEG
NEJ PUAS NTSEEG TSAM NTIAJ TEB KAWG
PEB HMOOB TAWG CES YUAV PLOJ MUS...LAWM XWB TIAG!!!




I Love You
" border="0" alt=""/>

Ntsuj_Plig wrote:

" NYOB TOS KOJ "

Lub caij twg koj thiaj yuav tuaj
los koj muaj dua tus hlub tshiab
tshav ci iab lub dej lwg poob
xav tsis thoob nco koj ib leeg
koj puas ntseeg os kuv luv cev
koj mus ntev lub siab puas kaj
thaum tuaj ncaj ho puas nco kuv
niaj hnub thuv txhua txhia qhov chaw
kuv tseem ntshaw koj lo lus zoo
yog muaj hmoo wb ho sib ntsib
cia mam pib dua lub neej tshiab
mus nco thiab ho hlub tshua txog
yuav mov mog tuaj sib faib noj
kuv nco koj thaum pw xub ntiag
txawm ib pliag yog tseem zoo dua
muab koj tshua mus tas ib tiam
thiaj li nyiam koj lawm xwb tiag........!!!

Tus koj tos puas yog kuv na,
Lub ntuj kaj cua tuaj txias zias,
Lub plawv dhia vim nco txog koj,
Thiaj sawv zoj tsa hlo suab hu,
Lub suab tu tsis muaj suab sab,
Tig rovqab kua muag poob nrog,
Vim tsis yog tsis muaj nws lawm,
Kev txij nkawm thiaj tsis muaj ntxiv,
Lub siab chis thiaj tu siab nrho,
Kua muag nrog vim tsis muaj nws lawm xwb tiag.