- Ntsuj_Plig wrote:
Wow........Lubpajzoo koj mas tshaj lij kawg li nawb
Caij ntuj tsaug snow dawb vog
kuv los txog tsis pom koj nyob
lub siab txob tsis ua dab tsi
siab quaj dhi nrhiav koj ib leeg
koj puas ntseeg kuv me koj niam
yog ntawv tiam wb sib yuav tau
txawm ntuj vau los cia kuv txheem
yuav tsis yeem ciaj koj ploj mus
kuv leej nus yuav hlub koj tiag
tus cev yiag thiab lub siab zoo
puas muaj hmoo ho puas tau ntsib
yam tsob dib puas hlav sib sua
tau sib yua muaj tub muaj ki
siab kaj nrig rau wb lub neej
txheej dhau txheej ua neej nto moo
lub neej zoo ces li no tiag.....Qabzib!!!
Wow! Koj los yeej tsis dog dig kiag li os,
Neeg tshajlij li no yeej ceeb laj nrhiav tau,
Tsis hais ntau los koj yeej paub lawm,
Kev txij nkawm yuav tsum nkag siab,
Tej lus iab muab cais pov tseg,
Lub neej ntseg twb yog txawj hais,
Wb tej ntxhais thiab tej me tub,
Muaj kev hlub lub siab puv npo,
Kev sib nco sib hlub tsis ntshaw leejtwg,
Kev phoojywg thiab tej txheeb ze,
Paub koj npe vim koj nto moo,
Lub neej zoo luag yuav nrog ntshaw,
Kev txawj ntaw koj yog tus paub,
Kev ua saub los koj paub txhij,
Tej txuj ci koj ua tus tswv,
Kev sib twv koj npaj txij vog,
Lub neej no koj tau txhua yam,
Kuv yuav pab kom koj muaj npe,
Zoo niam tsev cia kuv pab koj,
Lub pluas noj cia kuv txawj nawv,
Yuav sib txhawb kom wb nto moo,
Ua neej zoo kom tau koob meej,
Hauv lub neej kom wb kajsiab,
Lub ntuj tshiab kom wb siab kaj,
Kom tawg paj txi txiv thoob ntuj,
Kev tsim nuj muaj koob ntoo moo,
Lub neej zoo vim koj siab ntev,
Zoo niam tsev cia kuv ib leeg,
Yuav tau ntseeg kuv tus me txiv,
Nyob luag ntxhi tos nws txhua hnub li os mog.
Home 
Calendar
