Xa Xov Rau Pajzoo

Subject: Xa Xov Rau Pajzoo Thu Jul 22, 2010 7:13 pm

First topic message reminder :

Pajzoo........ Muaj ib hnub kuv tau ntsib koj ib pliag
zoo tam li tus dab ntub npau suav uas cia li tsim los
lawm ua cas thiaj tsis pom koj tawm qhov twg li?
Thov tuaj ncig nrog kuv ua si, koj tsis paub tias kuv nco
nco ib tug neeg lub siab quaj dhawv dhi lawm los???

Subject: Re: Xa Xov Rau Pajzoo Tue Aug 17, 2010 3:01 pm

Nkauj Nyiag.....

Ua tsaug rau nws txoj kev txhawj mog

ntsuj plig yog me kab npauj npaim
ya sawv nraim nkauj nyiag nruab siab
xav nco thiab xav hlub nkauj nyiag
cas ib pliag twb ho yuav dhau
twb tsis tau puag hauv npau suav
ho tsis tau yuav hauv dab ntub
yog muaj hnub tswv ntuj pub
ntshe yuav hlub nkauj nyiag kom txog lwm tiam...os mog...

Subject: Re: Xa Xov Rau Pajzoo Tue Aug 17, 2010 8:38 pm

Ntsujplig

Koj yog zoo phoojywg
Kuv thiaj txhawj thiaj tau nroo
Koj yog phoojywg zoo
Txoj kev txhawj yuav nyob nraum hauv nruab siab
Yog tsis pom koj tuaj ces twb tsis zoo kuv lub nplooj siab
Yog tsis muaj koj lawm ces kuv twb tsis xav tuaj thiab
Xav kom kuv yog lub paj ua tsw qab tshaj
Tus me npaujnpaim thiaj ya luj les los tsaws ib sab
Xav kom kuv yog lub paj tawg tau zoo dua ntais
Tus me kab muv thiaj ya los ntxias zib ntab
Cev kuv twb tsis muaj qhov nco nco koj nplooj siab dawb siab zoo
Kuv thiaj yuav tsis lam tos txhog lwm tiam na hmoob

Subject: Re: Xa Xov Rau Pajzoo Wed Aug 18, 2010 5:41 pm

Nkauj Nyiag....

Zaum no kuv tuaj nyob tau 4 hnub ntawm koj tog tsev sab tiag li cas tsis pab ntim ib qho mov
tuaj pub kuv noj li ma? Koj mas... puas paub tias kuv muab nruab hnub ua hmo ntuj muab hmo ntuj
ua nruab hnub. Kuv mas yuav luag los tsis txog tsev li os, yog zaum no los tsis txog tsev lawm no
koj puas hlub thiab puas nco lawm na??

Subject: Re: Xa Xov Rau Pajzoo Fri Aug 20, 2010 2:32 pm

Me nus Ntsuplig

Koj tuaj txog kuv twb hu koj los noj mov
Koj tsuas nros yig ntuj yig teb
Koj tuaj txog kuv twb hu koj los tsev
Koj tsuas nros txaj muag
Kuv hu hu koj kuv zog qaug tag
Ces koj yuav tias yog kuv tsis ntim su rau koj ntag

Kuv me nus Ntsujplig
Yog nws tuaj nyob ntev lawm
Nws yuav rov mus tsev
Cia kuv li ntim nws su
Rau nws coj mus tsam txog tog kev nws tshaib plab
Nws thiaj tau noj nco wb kev nkauj muam kev phooj xab

Nws tuaj nyob tau ntau hnub
Nws yuav rov mus
Cia nws leej muam mam ntim mov rau nws
Ntim su rau nws nqa mus tsem kev deb
Nws tshaib plab nws thiaj tau noj kom nws lub zog loj
Muaj ib hnub nws leej muaj tuaj txog nws zej nws zos
Nws thiaj yuav qhua hu thiab txias tos

wb txoj kev nkaujmuam nrau nus thiaj yuav nyob mus li tsis ploj
thiaj tsis muaj kev tu siab loj
Yim nyob mus kev phoojywg yim loj yim zoo mus ua npoj..