Yog Sijhawm Tig Tau Rovqab

Yog sij hawm tig tau rov qab,
Tsis ua nyab yuav nyob ib leeg,
Yuav tsis ntseeg tsis mloog luag haub,
Thiaj tsis saub tsis nyuaj lub siab,
Tawm ntuj tshiab thiaj tsis kho plawv,
Ntuj nas lawv cas tig tsis tau,
Sij hawm dhau thiaj tau muab hais,
Vim leej ntxhais tsis cuag leej tub,
Txoj kev hlub tsis raws siab xav,
Kua muag ntshav thiaj li tau poob,
Me nraug Hmoob koj puas tseem nco,
Lub neej no yog muaj koj nyob,
Twb tsis txob tsis txawj li no,
Vim kev nco thiaj muab hais tawm,
Yog sij hawm tig tau rov tiag,
Mam tham qhia dua rau koj mloog mog.

Me leej nus tus neeg kuv nco
sij hawm no koj ua dab tsi
nyob luag ntxhi los nyob licas
hos kuv mas xav ntsoov txog koj
mov tsis noj vim nco koj dhau
thiaj tuaj sau ua lus pajhuam
hais cuam tshuam wb tsoj kev hlub
yav thaum ub wb tau hais cia
yog muaj tiag wb mam sib hlub
koj mam pub kuv muaj li luag
cia koj puag kuv rau xub ntiag
rub los hnia tsis pub tu siab
puas muaj tiag yog tig tau rov
puas yuav hnov koj lolus tseeb
puas txaus ntseeg tias muaj tiag os me hlub.

Ib hnub lub cev laus zuj zus
tsis xav mus los cheem tsis tau
lub siab npau vim tshua txog koj
mov tsis noj vim mob lub siab
siab tsis kiab thiaj rov qab los
vim nco txog ib tug neeg zoo
thiaj nug moo seb nyob li cas
yog siab ras thiab nco txog kuv
ho los nug kuv ib ntsug moo
zoo caij nyoog wb mam sib ntsib
li hnub ib wb tau sib paub mog