Nco Kuv Niam Ua Luaj

Ua cas yuav nco kuv niam ua luaj,
Lub siab quaj lub kua muag poob,
Xav tsis thoob yog vim licas,
Muab xav mas leej niam zoo tshaj,
Pw saum txaj los muaj niam puag,
Muaj suab luag twb vim niam xwb,
Tsis mob hlwb vim muaj niam pab,
Me mos ab yog niam txoj sia,
Hlub tiag tiag yeej tsis cem li,
Hlub hnia ntshis yeej tsis paub dhuav,
Tsis tsw quav tsw zis tsw qaub,
Niam thiaj paub niam me ab zoo,
Lub hauv ncoo yog niam txhais npab,
Niam me ab thiaj pw tsaug zog,
Tsheej tag hmo pw tsim dhuj dheev,
Txiv tsis seev vim twb muaj niam lawm,
Lub hnub tawm niam sawv ua ntej,
Mus nqa dej los ua tshais noj,
Ib pliag zoj twb tag ib xyoos,
Ua neej zoo tsis nco txhawj li,
Ib pliag ntsis lub neej twb laus,
Twb caum tau tej laus lawm,
Cas lub sijhawm yuav nrawm ua luaj li,
Ib pliag ntshis twb yuav tag ib txhis...,

Kuv niam...e..., cas yuav nco koj ua luaj,
Lub ncauj tsis hais tawm los lub siab twb quaj,

Zoo li pheej ntxov ntxov lub siab tsis paub nyob,
Lub ncauj tsis hais los lub kua muag twb pib nrog,

Nco txog thaum tseem muaj koj qhia kuv ua pajntaub,
Lub ncauj tsis hais los lub siab seev yees rau lub suab saub,

Tej thaum kuv nco nco koj ua rau kuv hais tsis taus lus,
Tabsis tej thaum kuv nco nco koj ua rau kuv xav ua ntu zus,