Tseg Tsis Taus

Ntsuj_Plig wrote:

Npauj Npaim.....

Kuv los twb tseg tsis taus nej li thiab yog vim dab tsi thiaj hloov tsis tau lub siab
Kuv los twb ncaim tsis tau nej mus yuav ua li cas thiab li hloov tau kuv tej lus
Yuav thaum twg koj mam li rov tuaj tsis txhob cia kuv tos niaj hnub quaj
Yuav thaum twg koj mam li rov los tsis txhob cia kuv niaj hnub quaj tos...mog

Ntsuj Plig..., ua cas nim seev me lus qabzib tuav nkaus Npauj Npaim lub me npe,
Nim tham seev yees tej me lus hlub kom Npauj Npaim lub me siab mob tej niag rhe,
Ntsuj Plig..., ua cas nim seev me lus qabzib tuav nkaus Npauj Npaim lub me npe cia,
Nim tham seev yees tej me lus hlub kom Npauj Npaim lub me plawv dhia dhia,

Ntsuj Plig..., Npauj Npaim twb rovqab tuaj lawm es koj puas tseem tos,
Yog koj tseem tos ces los ntawm no Npauj Npaim mam so koj lub kua muag nrog,
Ntsuj Plig..., Npauj Npaim twb rovqab tuaj lawm es koj puas tseem tos kuv ni,
Yog koj tseem tos ces los ntawm no Npauj Npaim mam so koj teev kua muag si,

Ntsuj Plig..., Npauj Npaim twb tuaj lawm es nws tsis txhob quaj lawm os mog,
Muaj lus ntsim siab los ciali los tham tuj taws qhia rau kuv mloog os,
Ntsuj Plig..., Npauj Npaim twb tuaj lawm es nws tsis txhob tu lub siab,
Muaj lus ntsim siab los ciali los tham tuj taws qhia rau kuv mloog thiab,

Nujqiam wrote:

Tseg tsis tau koj lub suab qab zib ua zaj twg los xav ntsib
tseg tsis tau koj lub suab luag ua zaj twg los xav puag
tseg tsis tau koj lo lus mos ua zaj twg los nco
tseg tsis tau koj tej lus seev ua zaj twg los lub siab tsis kheev

Hahahahahahahahaha........kuv tas lauv xwb vim tsis txhawj sau paj huam es nyuam qhuav tuaj kawm tau me ntsi ntawm sawv daws. Tab sis, muab nyeem mus nyeem los cas zoo li yog kwv txhiaj. Tab sis, kwv txhiaj mas haiv ntev ntev pob cas cov lus kuv sau nov es luv ua luaj li.

Wsm..., cas yuav hais tau zoo ua luaj li ne, haahaa, kheev lam yog hais rau Npauj Npaim xwb lau yom?

yeebtsim wrote:

Kuv lub qhov qhia kuv tias kom kuv txhob nco koj
Kuv txhais caj npab qhia tias kom kuv tsis txhob ncav tes tuaj
Tabsis yog kuv lub siab qhia kuv lub cev kom ua li cas lawm
Es kuv yuav ua cas tias tsis nco rau koj

Dej num ntau npaum twg los yeej xav txog koj ruj rwg
Kuv yeej paub koj mus mus los los
Yog hnub ntawd los txog tiag li kuv ntshaw
Kuv yuav qi muag thiab yuav zoo siab hlo pw koj ib sab

Txawm kuv ho pw tsis tsaug zog los kuv tseem npau suav pom koj
Kuv yuav tsis dag kuv tus kheej txawm kuv pws tsis tsaug zog
Qhov npau suav yog qhov kuv tseem vam tom ntej
Yog li kuv yuav cheem li cas tias yuav tsis kam pw ntawm koj ib sab
Kuv twb tseg tsis tau lawm

Hmmm..., Yeebtsim, koj hais pajlug los yog hais npausuav ne?
Cas yuav seev tau dai siab ua luaj li thiab lau...,