Los peb hais, "Kwvtxhiaj"

First topic message reminder :

Nijyai..., cas teeb txheej hov txawb txhaim es luj yig hov txhaim tshaj..., ntauj taws sua yeev tuaj txog xav tsa lub ncauj nrog lawm nej hais los ntshai tib ruj rwg tsam peb tus me sab sij huam laij puas nyab lawm nej zaj,

Nijyai..., cas teeb txheej hov txawb txhaim es luj yig hov txhaim txheeb..., ntauj taws sua yeev tuaj txog xav tsa lub ncauj los nrog lawm nej hais los ntshai tib ruj rwg tsam peb tus me sab sij huam laij puas nyab lawm nej xeeb,

Ces ntshe nim yuav chim laj tsis chim xeeb, chim lub laj xeeb xaus xi tuaj rau zos hmongheaven, ceeb tsheej ntuj, zaj no ces hais tuaj cob nkaus rau me nraug hmoob Tsimnuj.

Nyobzoo os, Vimhlubthiajmob,

Zoo siab koj tuaj saib kuv os, sis.

Kuv los twb tsis paub hais li thiab os, lam tau lam hais xwb twb tsis muaj txwm li os.

cas kuv ho zais tsis tau kuv lub npe na sister koj qhia kuv mus zais thiab seb

Nijyai..., cas leb dej teev lub lwg es yuav teev yees daim me nplooj hmab..., cas luag muaj vig muaj ncaus es luag tawm rooj plaws yuav sib tuav tes ruj rawv mus ncig kiab..., nyob li Lubpajzoo ces tsis muaj vig muaj ncaus ces yuav de tes nruj nro lawv luag qab,

Nijyai..., cas lub tej teev lub lwg es yuav teev yees daim me nplooj npleg..., cas luag muaj vig muaj ncaus es luag tawm rooj plaws yuav sib tuav tes ruj rawv mus ncig kiab khw..., nyob li Lubpajzoo ces tsis muaj vig muaj ncaus ces yuav de tes nruj nro ua luag ntej,

Ces niam yuav chim lub laj xeeb tsis paub xaus..., sim neej no tsis muaj vig muaj ncaus ces yeeb laj ua lub neej laus mog.

Wow..., niamhluas aj, cas koj yuav seev tau ntxim hlub ua luaj os.

Zoo thiab kho siab heev li os, niamhluas, thov qhuas koj nawd.