Los peb hais, "Kwvtxhiaj"

First topic message reminder :

Nijyai..., cas teeb txheej hov txawb txhaim es luj yig hov txhaim tshaj..., ntauj taws sua yeev tuaj txog xav tsa lub ncauj nrog lawm nej hais los ntshai tib ruj rwg tsam peb tus me sab sij huam laij puas nyab lawm nej zaj,

Nijyai..., cas teeb txheej hov txawb txhaim es luj yig hov txhaim txheeb..., ntauj taws sua yeev tuaj txog xav tsa lub ncauj los nrog lawm nej hais los ntshai tib ruj rwg tsam peb tus me sab sij huam laij puas nyab lawm nej xeeb,

Ces ntshe nim yuav chim laj tsis chim xeeb, chim lub laj xeeb xaus xi tuaj rau zos hmongheaven, ceeb tsheej ntuj, zaj no ces hais tuaj cob nkaus rau me nraug hmoob Tsimnuj.

Nim yes..........,

Ntiav ntaub npauj ntiaj ntos zuag txeej qaws zuag mos txeej laug sawv npuaj ntaub, ntaub txog ntaub luj lias tuaj tsis nce txeej plees nkauj nraum zoo luaj no daj dee tsis tau ces kuv leej tub yuam roj sua hneev dua ntshe yuav tag nrho ib sim neej.

Ntiav ntaub npauj ntiaj ntos zuag txeej qaws zuag mos txeej laug sawv npuaj ntaub, ntaub txog ntaub luj lias tuaj tsis nce npoo plees nkauj nraum zoo luaj no daj dee tsis tau ces kuv leej tub yuam roj sua hneev dua ntshe yuav tag nrho lub niaj thawm lub xyoo.

Ces chim siab ua luaj no

Nyob zoo sis Lubpajzoo,

Kuv tsis txawj hais kwvtxhiaj li e...ces kuv los saib nej hais xwb laub yom...hehehe

Nyob zoo os vivncaus Lubpajzoo....kuv tsis taukhoom tuaj nrog nej tso dag lawm es vam tias nyaj koj yuav noj qab nyob zoo thiab. Hnub no sijhawm tsawg tsawg xwb ces los hais nyob zoo rau koj xwb. Nco koj os.....hehehehe

los kuv hais kwv txhiaj rau koj mloog os niam laus Lubpajzoo

niaj ye, txiv leej tub kev khaub plees nkauj nraum zoo luaj no cas tuaj txoj rab teb tuam rooj ntug no yuav tsis pom tus tsim nuj dab tsi yuav pom tau tus me noog lob laig dhia luj luas saum khaub, cas niam leej ntxhais nco txiv leej tub los txiv leej tub twb tsis paub

niaj ye, txiv leej tub kev khaub plees nkauj nraum zoo luaj no cas tuaj txoj rab teb tuam rooj ntug no yuav tsis pom tus tsim nuj dab tsi yuav pom tau tus me noog lob laig dhia luj luas saum tsuag, cas niam leej ntxhais nco txiv leej tub los txiv leej tub twb tsis pom niam leej ntxhais lub kua muag.


nij ye..... txiv leej tub kev khaub plees nkauj nraum zoo luaj no es niam leej ntxhais tuaj txog rab teb rooj ntuj no yuav pom tau kob me nag tshauv nag ntxiaj ntxaum yuav ntxaum txias lub mus tsho dub, cas niam leej ntxhais yuav xav yuj yees tias yog muaj kuv txiv leej tub nyob ib sab ces ntshe nws twb yuav cev txhais me tes mos nyuj nyoo los hlub.

nij ye..... txiv leej tub kev khaub plees nkauj nraum zoo luaj no es niam leej ntxhais tuaj txog rab teb rooj ntuj no yuav pom tau kob me nag tshauv nag ntxiaj ntxaum yuav ntxaum txias lub me lws, cas niam leej ntxhais xav yaum yuj yees tias yog muaj kuv txiv leej tub nyob ib sab ces ntshe nws twb yuav cev txhais me tes mos nyuj nyoo los plhws.

nij ye..... txiv leej tub kev khaub plees nkauj nraum zoo luaj no nim yog muaj tus me dej ntuj lawm dej hiav txwv loj, niam leej ntxhais nco nco txiv leej tub los thiaj tuaj cuag tsis tau koj.
nij ye..... txiv leej tub kev khaub plees nkauj nraum zoo luaj no nim yog muaj tus me dej ntuj lawm dej hiav txwv dav, niam leej ntxhais nco nco txiv leej tub los thiaj tuaj cuag tsis tau txiv leej tub lawm li lub siab xav.

cia xaus xis daim nplooj tshuaj
cia nyob muaj ib hnub niam leej ntxhais mam rov tuaj

hehehe niam laus kuv lam sim sau ua si xwb os kuv twb tsis tau hais ib zaug kwb txhiaj li os kuv lam sau li kuv cov paj huam kuv sau sau xwb na

nej sib hlub khwv txhiaj ntau kawg lawm.....nej pua tau me ntsi kua kabtsib thiab naj hehehehe

Wow............Vimhlubthiajmob

Koj hais kwv txhiaj zoo kawg li, kheev lam yog hais rau kuv mas yuam???

Niam yes......... Rab teb rooj ntug no kooj ziag tuaj tuag nruab xub kab zaug tuaj pw nrua qho kheev muaj tas txoj hmoo ho daj dee los sib tau mam cia koj los ua kuv poj rau kuv ib leeg hlub cia kuv mam ua koj txiv rau koj ib leeg nco. Muaj hnub cev ntaj tuag tas koj qaim qho kuv tes lawm tej sib ntxhub los cia kuv mam nthuav nyog lub kaus yaj sib txeeg roos tas koj ib ncuas tshav ntuj kub mus lub ntuj no ces ntshe twb tshav tas koj thiab kuv ib cim ntuj sib nrig mus ua neej rau ntuj ceeb tsheej lub mus ntuj no.

hahaaa............Puas kam nrog kuv ua neej hauv ntiaj teb tiam no thiab mus ua neej rau ceeb tsheej lwm tiam thiab na...Vimhlubthiajob??