"Wb Txoj Kev Hlub"

Wb txoj kev hlub..., yog pib lawm yeej tsis muaj tso,
Wb txoj kev hlub..., yog pib lawm yuav hlub kom tsimnyog,

Wb txoj kev hlub..., yog pib lawm yeej tsis xav kom muaj puas,
Wb txoj kev hlub..., yog pib lawm yuav hlub kom txog hnub laus tuag,

Nyobzoo os, me niamhluas,

Ua tsaug koj tseem nco ntsoov nug kuv moo tsis tu,
Kuv tuaj tsawg lwm los koj yeej nco ntsoov hu,

Ua tsaug koj tseem nco ntsoov wb kev vivncaus,
Kuv tuaj tsawg lwm los koj yeej tseem zeem tau,

Kuv los twb nco nco koj ib yam thiab os me niamhluas,
Tuaj ntsib koj lawm ces ua rau kuv zoo siab zog tuaj,

Kuv twb rovqab tuaj lawm mas, me niam hluas,
Vim tias koj yog tus kuv nco dua,
Kuv twb rovqab tuaj lawm vim tseg tsis taus nej kiag,
Vim li kuv thiaj rovqab tuaj saib nej dua lawm thiab,

Ua tsaug koj tseem nyob tos kuv li qub,
Kuv mus lawm los koj tseem niaj hnub tuaj hu,
Ua tsaug koj tseem nyob tos kuv rovqab tuaj thiab,
Twb yog vim muaj nej coob tus tos kuv lub siab thiaj li kiab,

Kuv tuaj lawm yuav nrog koj nyob ob peb hnub ntxiv,
Yog thaum kuv ho tau ploj lawm tiag los thov koj nyob luag ntxhi,
Kuv tuaj lawm yuav nrog koj nyob ob peb hnub ntxiv dua mog,
Yog thaum kuv ploj dua lawm ces thov ua siab ntev nyob tos dua os.