Zaj lus seev tsi muaj muam

Subject: Zaj lus seev tsi muaj muam Wed Oct 27, 2010 3:58 pm

Luag nim muaj nkauj muaj muam es luag nkauj luag muam nim tuaj saib luag ua tsheej kev,
yus nim tsi muaj muam es nim tsi muaj ib tus me nkauj muam nyob qhov twg yuav nkag los hauv yus tsev .. Sad

Subject: Re: Zaj lus seev tsi muaj muam Wed Oct 27, 2010 4:07 pm

Ab...Ntuj yua lawv nis lawv...luag nim muaj nkauj muaj muam es...txog ib cim paj tsiab es luag tej nkauj tej muam nim tuaj saib luag, kuv nim tsi muaj nkauj muaj muamn es kuv nim noj los tsis qab, haus los tsi zoo, kuv nim tsi muaj muam tuaj saib yus es yus lub me kua muag nim si laim yus tej me npoo ncoo.

Luag muaj nkauj muaj muam es luag nkauj luag muam nim nqa nqaij txhiab nqaij cis, mov plej mov plaum tuaj rau luag noj,
Yus es nim tsi muaj nkauj muaj muam ces ib pob su los tsi nrog luag muaj, yus ces zaum tib pob quaj....

tus tus kuv siab es kuv thiaj seev os lawv.....

Subject: Re: Zaj lus seev tsi muaj muam Wed Oct 27, 2010 4:29 pm

Oiy..., tijlaug aj..., cas yuav seev tau ntximhlub ua luaj nas???

Kuv twb yog koj tus muam lawm ned, tsis yog lod???

Txhob tu tu siab mas, vim nyob deb deb ib sab ntuj lawm xwb os,
Yog nyob ze ces ntshe ib hnub kuv tuaj ob peb lwm koj tsis qheb qhov rooj tos,
Txhob tu tu lub siab mas me tijlaug tus neeg txawj xav,
Yog nyob deb lawm xwb, nyob ze ces ntshe kuv twb niaj hnub tuaj lawm nad,

Subject: Re: Zaj lus seev tsi muaj muam Fri Oct 29, 2010 5:01 am

Luag muaj muam es luag nkauj luag muam nim nqa mov plaum txhuag nqaij txhiab,
yus tsi muaj muam ces tu tu yus siab...

Npaujnpaim...koj puas kam ua tijlaug ib tus muam maj..?
yog li ces tijlaug mam li zoosiab es seb lub hnub puas yuav tawm tuaj,
lub hli puas yuav ci os me Npaujnpaim

Subject: Re: Zaj lus seev tsi muaj muam Sat Oct 30, 2010 5:31 am

Ibzaugntxiv, cas koj yuav
hais tau lub me siab mob ntsuav
kuv me nus koj tsis muaj muam
kuv mam lees los tshuam
koj lub me hauv kev
kuv mam niaj hnub tuaj saib koj lub tsev
tsis txhob tu siab mog
kuv nyob deb los kuv yeej muaj lub siab hlub txog
kuv mam lees hlub koj
kuv mam txhob khiav ncaim npoj
yog nws lub siab mob mob
los kuv yeej tos nrhoo nws tuaj txob
hehehe... Tab sis ntshe
nws ho tsis xav nyob ze
kuv los twb tsis muaj nus coob
thiaj li ntshaw txhua tus hmoob
kom yog kuv leej nus
thiaj zoo siab ua lub neej kaj siab mus
lam txais kuv rau koj nruab tsev
lam nrog kuv taug kev
kuv yeej txawj hais lus kom koj zoo siab
thaum koj nyob tsis kiab
kuv mam tuaj nrog koj mloog nkauj
kuv mam li tuaj xauj
kuv leej nus ziab zoo
mam nrog nws sab laj thiab nroo
zoo siab tau tav koj kab
thov txais kuv nyob koj ib sab
kuv zaum nov tos
txog lub sij hawm koj rov los

Ibzaugntxiv wrote:: Luag nim muaj nkauj muaj muam es luag nkauj luag muam nim tuaj saib luag ua tsheej kev,
yus nim tsi muaj muam es nim tsi muaj ib tus me nkauj muam nyob qhov twg yuav nkag los hauv yus tsev ..

» Kuv cov lus seev
» Muam tub nkeeg
» Seev kev kho siab
» Koj nyiam tus neeg coj tus cwj pwm zoo li cas
» Txuj Pag Seev