Ncaim zaum no Yuav ntev mam rov tuaj Vim lub siab txob txob
Ncaim zau no Ntse yuav tuaj tsawg zuj zus Vim muaj num ntau
Phoojywg txhua tus Mam lomzem nej mog Lub siab yuav mob ua ntus zus Vim yuav nco nco nej txhua tus
Yog tsis pom kuv rov tuaj Nej mam li tuaj taug kuv tej hneev taws Ua nej lub chaw nco Ho kuv ces yuav nco ntsoov nej hauv nruab siab Ua dab tsi los ntse lub siab yuav tsis kiab Yog yuav zoo lub siab ces kawg rov tuaj saib nej xwb
Last edited by NkaujNyiag on Mon Dec 13, 2010 6:45 pm; edited 5 times in total
Subject: Re: Yuav Sib Ncaim Mon Nov 29, 2010 8:18 am
Ntsujplig,
Kuv mus vacation nrog kuv family xwb na Vim nco nco nej thiaj tau seev Kom lub siab kaj Mus lawm los lub siab thiaj nyob tus Vim thaum ncaim lawm yeej nco nco nej txhua tus Lub cev ncaim lub siab twb cia tseg rau koj tuav Koj nyob cas koj tseem yws duj dhuam Lub cev mus los twb cia kuv plawv rau koj ua tus saib Koj nyob cas koj phej nroo ua sab ua sua Nco ntsoov tias kuv xwb thiaj yog koj ib leeg li ib leeg tus Koj yuav tau tswj koj lub siab kom tus....hehehee
Ntsuj_plig wrote:
Nkauj Nyiag..............
Ncaim zaum no yog koj tsis tuaj ntshe yuav ua rau Ntsuj Plig lub siab quaj Ncaim zaum no yog yuav tsis muaj hnub ntsib ntshe yuav ua rau Ntsuj Plig lub siab khib os mog.
Thov txhob ncaim kuv mus vim kuv nco koj heev muaj xwb thiaj yog tus uas ua cheem tau kuv lub siab seev.
Thov txhob ncaim mus vim kuv nco koj tshaj tsuas yog koj xwb thiaj cheem tau kuv lub siab kaj...os mog, kuv me Nkaujnyiag ntxim hlub...
Subject: Re: Yuav Sib Ncaim Mon Nov 29, 2010 8:33 am
Nyob zoo leej nus Hmoob Ntuj Qub Qab
Leej muam ncaim mus leg haujlwm Leej muam thiaj sau lus tseg kom leej nus lub siab nyob tus Leej muam ncaim mus ua qab num kom tiav Leej muam sau lus cia kom leej nus tuaj pom leej nus lub siab thiaj nyob kaj Muaj haujlwm ntau ces yeej ntxov siab tshaj thiaj yuav tau tshaj Leej nus yog neeg siab tus Hais lus zoo txhawb nqa leej muam lub zog Leej muam yuav nco ntsoov nws cov me txiaj ntsim mus tag ib sim Lub sijhawm leej nus nyob Yog nws nco leej muam nws mam mus taug leej muam wb tej chaw ua si Nws lub siab thiaj lub siab thiaj nyob tau kaj nrig Hnub no tuaj pom leej nus seev tau chim Vim nws nco nco leej muam tus txiaj ntsim Leej muam twb rov tuaj txog Saib cas nws lub ntsej muag twb rov thim rov pom nws tham luag ntxhi
Hnub no tuaj pom leej nus seev tau mluas mlo Vim nws nco nco leej muam wb tej lus tau tham hnub hmo Leej muam twb rov los Saib pom nws luag nyav vim nws twb pom leej muam los lawm sav Tig los wb mam rov tham lus kom nrov ncha Nas me Hmoob Ntuj Qub Qab tus kaj ntsab
Tsam no ces sau pajhuam tsis yog pajhuam Lus los tsis khws lus...leej nus lam nyeem os..heeheh
Hmoob ntuj qub qab wrote:
Nyob zoo os leej muam Nkauj Nyiag
Nws Ncaim zaum no yuav ntev mam rov tuaj vim nws hauj lwm muaj Vim nws lub siab txob txob nws thiaj tsis nyob Ncaim zaum no mus leg nws tej hauj lwm kom tas nrho Ntshe nws yuav tuaj tsawg zuj zus ntshe txhua leej yuav tos tos nws lus Vim nws muaj num ntau kav tsij mob siab rau Phooj ywg txhua tus lub siab yeej tos nws kaj lug Mam lom zem nej mog los peb lub siab yeej nros Lub siab yuav mob ua ntus zus tos tos nws thaum twg hauj lwm li tus Nws tias Vim yuav nco nco nej txhua tus txhua leej los vim nws zoo lus Yog tsis pom nws rov tuaj ntshe peb yuav quaj Nws tias Nej mam li tuaj taug kuv tej hneev taws ntshe peb lub siab yuav yaj plaws nws tias Ua nej lub chaw nco los peb yuav chim siab hlo Nws tias Ho kuv ces yuav nco ntsoov nej hauv nruab siab peb los yeej nco nws mus ib txhiab Ua dab tsi los ntse lub siab yuav tsis kiab peb los yuav nco nws ntxhov ntxhov siab Yog yuav zoo lub siab ces kawg rov tuaj saib nej xwb peb los tos nroov nws ib yam thiab Nas me Nkauj hmoob Nkauj nyiag
Subject: Re: Yuav Sib Ncaim Mon Nov 29, 2010 8:42 am
Kuv ncaim ma Twb tseg cov phoojywg Nyob nrog koj txuas lus Kuv lub cev ncaim Los lub siab nrog koj nyob Koj txhob ua siab deb Nrog cov phoojywg tham Yeej muaj tus nrog koj tsham Koj yog neeg kheev tham Los los twg los ntxaws Yeej yuav muaj tus nyiam Nrog koj tham lus sib xyaws Koj yog neeg siab zoo Phoojywg txhua tus yeej kam nrog koj nroo Koj yog neeg hais lus tus Peb txhua tus thiaj xav nrog koj tham lus ua ntus zus
nkaujhnubqub wrote:
Cas nej ncaim tag cia kuv nyob tsau nag nej ncaim mus deb nej sawv daws feb
cas nej cia kuv nyob ib leeg ua rau kuv lub siab deeg cas nej yuav ncaim ntau hnub ua rau kuv twb tsis paub qhub
hnub no nco nej ua luaj lub niag me siab thiaj tsis ruaj tawm los tos nej siab nco ncuj nchi nyob tos nej nrob lub siab quaj dhi
nej tsis txawj tuaj li nej puas paub tias kuv twb tsis paub nyob li nej tsis txawj tuaj txog kuv twb tsis paub nrog leej twg li mog
nco nej txhua tus tsis xav ncaim mus thiaj zaum nov seev nyob noc saub seb nej puas hnov dheev
Subject: Re: Yuav Sib Ncaim Mon Nov 29, 2010 8:47 am
Kuv twb tuaj Cas koj tsis ntoj Kuv twb los Cas koj tsis tawm los Peb lub sijhawm txawv Kuv sawv koj tseem pw Koj tseem pw kuv twb sawv Peb kev sib tham thiaj ncua ntev Peb yuav tau ua siab ntev Peb kev phoojywg thiaj yuav nyob ntev Koj twb tsis yog neeg npwb Vim yog lub sijhawm tsis sib thwb xwb na me niamhluas e!
nkaujhnubqub wrote:
tsis muaj koj tuaj ua si kuv lam ntoj tsis xav nti koj mus qhov twg lawm ne me phooj ywg tsis pom koj nyob ze xav xav tsis paub tag li thiaj saub xam luag ntxhi los tso tseg rau thaj chaw no xwb kuv veg mus vim kuv ces npwb lawm xwb os lam tos neeg qhuav xwb hehehe
Subject: Re: Yuav Sib Ncaim Mon Nov 29, 2010 8:50 am
tag kis lub sij hawm ntxov uas koj tuaj no kuv mam li tuaj os mam sau paj huam nrog koj os niam laus hnub no sawv ib hnub mob mob kuv duav li kuv mus pw lawm os bye koj nawb yog koj tuaj tau ntxov no kuv thiaj muaj sij hawm ua si nrog koj na