MUAJ NUJ NQIS........

Subject: MUAJ NUJ NQIS........ Wed Dec 29, 2010 8:14 am

First topic message reminder :

Twb tias txhob nrhiav
Thiaj tsis mob lub siab
Thiaj tsis tau quaj tau nyiav
Yog tau pom paub ces thiaj nyob tsis kiab

Txoj me kev hlub
Txawm yog tiam thaum ub
Los kuv yeej tsis tau tso
Vim kuv tseem hlub tseem nco

Kuv hlub koj tag kuv lub siab nrho
Kuv thiaj nyob tuag nthi rau txoj kev nco
Koj puas paub tias kuv nco koj ib leeg tshaj
Kuv thiaj muab txoj kev hlub tig ua kev mob ntsaj

Hauv kuv siab tsuas muaj koj ib leeg
Lub ntiaj teb no ntsiag tus dej txawm teeg
Los kuv yuav nrhiav kom tau koj
Vim ntuj yeej tau cawm kuv los ua koj poj

Yug tsawg tiam los kuv yeej yuav tos
Kuv yuav tos kom tau hnov koj lo lus mos
Koj yog kuv tus neeg muaj nuj nqis
Koj yog tus dej hlub txhawv hauv kuv siab mus ib txhis

Subject: Re: MUAJ NUJ NQIS........ Sun Mar 20, 2011 8:24 am

Kuv nco koj kua muag ntws si
Zoo li tus neeg raug luag khi
Lub siab mob mob ua luaj li
Tsis paub sab laj tsis paub ua dab tsi

Koj yog kuv nplooj siab nco
Kuv thiaj nco koj txhua hnub hmo
Kuv lub siab twb tsis nrug koj
Kuv thiaj zoo yam nkaus tsob me nroj

Yog tsis muaj koj nyob ntiaj teb no
Ntshe kuv yuav ua ib siab tseg ntua txoj me kev nco
Cia nco twj ywm nruab siab xwb yuav zais ntshis
Yuav mob lub siab lwj dhi tas li mus ib txhis

Los puam chawj vim tsis muaj koj nrog kuv nyob
Hauv kuv lub siab thiaj li nyuaj thiaj li mob mob
Yuav ua cas kuv thiaj tuaj cuag tau koj os kuv me neeg zoo
Yuav ua li cas kuv lub siab thiaj zoo es txoj kev nco koj mam tseg txhob nroo

Subject: Re: MUAJ NUJ NQIS........ Mon Apr 04, 2011 8:23 pm

Wb txoj kev hlub tseem muaj nuj nqis
Txob maj tag kev cia siab
Khaw koj lub siab cia kom zoo
Kuv tseem nco ntsoov koj tus me neeg zoo
Koj tus duab tseem nyob nraim hauv kuv lub zeem muag tsis tau ploj
Kuv tseem niaj hnub niaj hmo rov tuaj nto
Vim muaj koj kuv lub siab thiaj loj
Vim koj yog neeg zoo
Txawj qhia txhua leej txhua tus hais lus zoo
Kuv lub siab thiaj xav tuaj nrog nej nroo
Wb txoj kev hlub muaj nuj nqis tshaj
Kuv tseem khaw zoo zoo cia tuaj nruab siab
Yuav tsis pub leej twb rhuav tshem tau
Vim koj yog tus neeg txawj qhuas thiab cev lus txuas
Kuv yuav nco ntsoov koj mus ib sim mus txog hnub tuag

Subject: Re: MUAJ NUJ NQIS........ Tue Apr 05, 2011 1:24 pm

Nyobzoo os nkaujhnubqub
tijlaug tuaj saib nws lawm os
nws mus rau qhov twg lawm os nkaujhnubqub
nws puas nyob tsev lawm os

Subject: Re: MUAJ NUJ NQIS........ Tue Apr 05, 2011 2:33 pm

kuv twb tuaj zaum nov tos koj ne tijlaug a.

Subject: Re: MUAJ NUJ NQIS........ Tue Apr 05, 2011 2:38 pm

NkaujNyiag wrote:: Wb txoj kev hlub tseem muaj nuj nqis
Txob maj tag kev cia siab
Khaw koj lub siab cia kom zoo
Kuv tseem nco ntsoov koj tus me neeg zoo
Koj tus duab tseem nyob nraim hauv kuv lub zeem muag tsis tau ploj
Kuv tseem niaj hnub niaj hmo rov tuaj ntoj
Vim muaj koj kuv lub siab thiaj loj
Vim koj yog neeg zoo
Txawj qhia txhua leej txhua tus hais lus zoo
Kuv lub siab thiaj xav tuaj nrog nej nroo
Wb txoj kev hlub muaj nuj nqis tshaj
Kuv tseem khaw zoo zoo cia tuaj nruab siab
Yuav tsis pub leej twb rhuav tshem tau
Vim koj yog tus neeg txawj qhuas thiab cev lus txuas
Kuv yuav nco ntsoov koj mus ib sim mus txog hnub tuag

Kuv me niam laus,
Tus me viv ncaus,
Nws xub noj mov hlob
Txhua yam lus nws paub mob
Zoo li kuv ces tsis paub dab tsi
Tsuav yog lus ces yeej hais yeej ntxhi
Txoj kev hlub muaj nuj nqis
Thiaj xav kom tsua ntiaj teb ib txhis
Yog yam yus ua muaj nuj nqis tiag
Txhua lo lus yeej xav hais los nplig
Kuv leej viv ncaus siab zoo txawj seev
Koj sev ntxim siab ua kuv lub kua muag teev
Koj muaj nuj nqis rau kuv tshaj
Nrog koj nyob ua ke ces kuv siab twb kaj

» Vim tsi muaj tus hlub
» Muaj 105 Xyoo
» Leejtwg Yog Koj Tus #1
» Hmo No Tsis Muaj Koj
» Tsi muaj ib leeg tub