Mam ua ib siab ncaim nej mus mas...

Subject: Mam ua ib siab ncaim nej mus mas... Wed Dec 29, 2010 1:04 pm

First topic message reminder :

kuv tuaj heev heev
txhua tus tsis nyiam seev
kuv ib leeg niaj hnub tuaj
nej nim cia kuv ib leeg zaum quaj
ces kuv mam ua ib siab
mus nyob ib leeg nrog kuv txoj kev tsis kiab
nco nej npaum cas los mam ua ib siab mus
ua lub siab tsis tus
los puam chawj li tiag
vim nej tsis nco kuv nej twb tsis hais ib los rau kuv li kiag
tus siab tsis tuaj lawm os cov me phooj ywg a... Sad

Subject: Re: Mam ua ib siab ncaim nej mus mas... Wed Dec 29, 2010 2:41 pm

Niamhluas,

Heheehe...koj tseem nco tau lo lus koj thiab lov?

Kuv nco tau kawg ma

Nws tsis yog sau li koj sau os
Nws sau li no kuv thiaj nyeem tsis tawm li na..."Nkuv Maum Nees"

Thaum pib kuv nyeem li cas los tsis tawm li
Kuv thiaj xav tias pab cas nws thiab kuv wb twb sib tham txhua hnub
Cas nws tseem hu kuv li niag muam nees ne...hehehee"

Kuv xav tau ob peb hnub xav mus xav los nyeem mus nyeem los. Kuv nyeem tsis tawm li.

Muaj ib hnub kuv mam nyeem tawm ma kuv thiaj luag tsis tau li na....heheehe

Koj tseem nco tau zoo kawg li os.
Koj ua rau kuv rov xav txog lub sijhawm ntawv.
Lub sijhawm ntawv peb lom zem kawg li yom.

Ua rau kuv nco koj heev rov tuaj lawm thiab os...hehehe

Subject: Re: Mam ua ib siab ncaim nej mus mas... Wed Dec 29, 2010 2:45 pm

yog mas, thaum kuv chim chim na, kuv nco txoj lub sij hawm peb ua si na, ces kuv nco dheev txog lo lus ko ces kuv lub suab luag tuaj dab ros nrov nrov na, kuv mas haj yam nco nej ib leeg dhau ib leeg li os
hahahaha, koj puas paub tias kuv luag luag kua muag txias tas li lawm na hahaha

Subject: Re: Mam ua ib siab ncaim nej mus mas... Wed Dec 29, 2010 2:57 pm

Niamhluas Nkaujhnubqub

Thaum ntawv
Koj ncaim mus ntev
Kuv lub siab nyob tsaus ntuj nti
Kuv twb xav tias ntse kuv yuav tsis tau ntsib koj li

Thaum koj ploj lawm
Kuv lub siab nyob mluas mlos
Kuv tuaj ua si los lub siab tsis kiab
Tham lus los twb tsis nrov

Txij hnub rov pom koj tuaj
Kuv lub siab thiaj rov nquag
Kuv lub siab thiaj rov kaj dua

Kuv ntshai rwg tsam ib hnub koj rov ploj
Kuv tsis tau qhia koj
Hnub no kuv yuav qhia kom tag
Tsam xyoo tshiab
Sijhawm txawv
Wb kev sib tham yuav tsis ntxaws
Kuv thiaj yuav tau piav ua l us paj paws

Yog yuav muab cov qub lus los piav dua
Peb tau ua si lom zem yav nram ntej ub
Ces kuv tseem nco nco koj lub siab tseem mob kub kub..os...

Subject: Re: Mam ua ib siab ncaim nej mus mas... Wed Dec 29, 2010 3:04 pm

Niam laus e, cas sij neej no
Koj ib leeg thiaj hais tau li ko
Kuv lub neej nyob ntiaj teb
Kuv txav ti luag ces luag feb

Twb tu tu kuv lub siab kawg
Kuv nrog tau leej twg ces kuv yeej ncawg ncawg
Los luag twb tsis nyiam li
Luag pom yus ntshe luag twb sib ntxhi

Koj ua rau kuv quaj lub kua muag nrog
Rau txoj kev tu siab yav dhau mog
Zaum no kuv muaj koj txhawb
Kuv twb muaj koj tawb

Kuv nco koj thaum twg
Ces kuv mam tuaj nrhiab koj xwb os me phooj ywg
Kuv Ua tsaug koj thiaj pom kuv muaj nuj nqis
Kuv yuav nco nco koj tsis xav ncaim koj ib txhis

Subject: Re: Mam ua ib siab ncaim nej mus mas... Wed Dec 29, 2010 8:55 pm

Me niamhluas

Kuv cov lus
Muaj ntau nyob hauv nruab nrog
Twb xav tias txhob hais tawm los
Los nws yeej tawm nws los

Kuv cov lus
Muaj ntau nyob hauv nruab ce
Twb xav tias txhob seev
Los nws cia li hais tau lawm thiab ne

Tsis yog lus dag
Yuav ntxias kom koj lub siab puas tsuaj tag
Tsis yog lus cuav
Yuav dag kom koj puas siab ntsws ntsuj ntsuav
Yog cov lus hauv kuv nruab plawv
Vim nco koj tej sis zawv
Tos nco twb tawm los hais rau koj hnov lawm

Yog ho ua tau rau koj quaj
Ces twb yog ib lo lus hauv tshuaj zoo
Kho tau koj nplooj siab nyob ruaj mus ib txhiab
Yog ho ua tau rau koj nyob luag ntxhi tiag
Ces twb yog ib cov lus zoo tshuaj rau koj nyob tau kaj nrig

» Pojniam vs Txivneej
» Hnub no mloog nkauj tsi kho siab li...Nws tu siab xwb...
» ~KHO SIAB~
» Puag Yog Hlub?
» ~LOS NAG HAUV LUB SIAB~