kuv tuaj piav kuv zaj lawm nawb tab sis nws ntev dua neb zaj na tos kuv piav lig zog na. qhia los seb neb xav li cas rau kuv zaj kev hlub na... Kuv zaj no tsuas yog hlub ib txhis xwb na, lwm hnub mam piav zaj plam os. hehehe
Tiam dhau los
Kuv tau muaj ib tus hlub kuv tos
Vim txoj hmoov tsis muaj
Kuv tau raug kev quaj
Nws tau tso kuv tseg
Nws txawm veg
Mus yug dua rau tiam no
Kuv thiaj tseem nco nco
Nrhiav nws, kuv nyob tom qab
Nco nws txhais npab
Txoj kev hlub kuv tsis tau tso
Thiaj tuag nthi yug los tshwm sim tiam no
Hauv lub siab thiaj tseem ncia
Nco nws kawg txoj sia
Thiaj nrhiav nws thoob ntuj
Tsis tau nws tus ntsuj
Nrhiav tsis pom
Thiaj fawb thiaj maj mam tsom
Muaj ib hnub kuv mam hnov leej twg
Qhia tias nws yog tus phooj ywg
Twb muaj ib tus hlub lawm
Wb txoj kev hlub thiaj li cawm
Tuaj rau nruab siab
Txij hnub ntawv los kuv thiaj hnov kiab
Thiaj tsis paub seev kev nco ntxiv
Thiaj li saib neb tsis paub rua ncauj hais lus thiaj tsuas luag huj hiv
Hehehe, nws tias, nws nrhiav kuv tau ntau xyoo
Tsis hnov kuv moo
Nws thiaj mus yuav poj niam
Kuv los nyob ib rab teb thiaj mus yuav tus kuv nyiam
Wb nyias muaj nyias neej
Wb cog siab rov sib tos hlub lwm tiam dua kom tsheej
Neb ntseeg puas tau tias muaj tiag
Lub neej txhua tiam sib hlub li wb ob tus plig tseem los sib npliag
Kuv qhia nws hais tias, kuv txawm txia ua kab ua ntsaum ua dab
Los kuv txoj kev hlub yeej yog nws li nyob nraim hauv nws ob sab npab
Tsawg tiam los kuv yeej tseem tos nws tas li
Nws tias hauv nws lub siab thiab tus ntsuj plig yuav nrog kuv nyob zov rawv kuv ntxhi
Tos kom txog lwm tiam ntxiv thiab no
Nws yuav tsis kam muab kuv tso
Luag txawm txeeb kuv los nws tsis kam
Nws yeej tsis pub wb rov plam
Yog muaj dab tuav kuv npab
Nws yuav mus caum kom tau kuv qab
Ces nws ua li tiag lawm
Ces kuv lub siab hlub nws cia li rov tawm
Ces zoo siab ntseeg nws nyob luag ntxhi
Lub kua muag hlub thiaj tawm los tawb nws nkuj nki
Vim kuv hnov nws hlub kuv heev li na
Tsis ntev ces wb ob tus ntsuj plig yuav sib puag ya
Mus ua ke rau ntuj ceeb tsheej chaw
Vim nws thiab kuv tsuas yog ib lub plaw
Nws txoj sia txoj pa
Nws tias tso tseg rau kuv tuav kuv nqa
Tiam no wb txhob ua txhaum
Lwm tiam ntuj thiaj pub wb mus sib hlub thiaj tsis khaum
Sib hlub mus ib sim neej kom laus nkoos tag wb txoj sia
Txoj kev sib hlub ntawm wb wb ob leeg tseem tuav rawv ruaj siab khaw cia
Puas yog tus kuv hlub e.......
kuv thiab nws yog Hlub ib leeg tag nrho siab ntsws ob tus ntsuj plig tseem nyob ua ke
hivhivhiv!!! li no xwb kuv zaj kev hlub txhua tiam na
Oops!..... Nco ntsoov tias kuv tsuas piav qhia neb xwb nawb, neb hais tawm ces suav hnov suav hlais nplaig laiv nrua hnov nruas to qhov laiv
Home 
Calendar
