Los Qhia Koj Txoj Kev Nco Hmongheaven

Subject: Los Qhia Koj Txoj Kev Nco Hmongheaven Fri Mar 11, 2011 1:14 pm

First topic message reminder :

Kuv tsis xav kom tshem los yog muab Hmongheaven los pib dua thiab
Vim txhua yam peb tau ua thiab tsim
Yog los ntawm peb lub peev txwm thiab tswv yim
Txhua lo lus hais tawm
Yog los hauv peb nruab siab tuaj hauv peb nruab plawv
Tsis yog lam tuaj seev kom ploj pawv
Yog tsis yog zoo phoojywg
Yeej tsis lam hais tau lus zoo nrog nroo
Yog tsis yog tus swm neeg rau yus
Yus tej lus yeej tsis lam hais rau kom nws lub siab tus

Yog yuav muab lub site no tsim dua tshiab
Ntse yuav zoo yam li thaum peb khiav rog
Kuv pom kuv niam thiab txiv lawv lub kua muag iab nrog
Ntse peb txhua tus yuas los lub kua muab tawv tos
Ces peb sawv daws nyias yuav nyob nyias mluas mlos

Tus neeg siab phem txawm tuaj muab peb cov topic tshem tag
Txawm peb chim thiab mob siab npaum cas
Los thov peb sawv daws rov tuaj sib hawm
Tuaj peb rov sib tham kom siab kaj
Peb mam tsim dua tshiab nrhiav khoom los eb dua

Yog peb muab lub site no kaw los yog tsim dua tshiab
Tus neeg siab phem yuav luag sis nia
Tias peb yog neeg siab muag neeg tais caus
Ntse nws yuav luag tsis tau
Nws yuav nyob ob cab nyos thiab luag hawv hiv
Tias nws ma tshaj tshaj lij
Peb ma zoo zoo rau nws rov tuaj tshem rov tuaj tsuj

Los peb tuav tes rov pib dua
Kom nws rov tuaj pom
Hmongheaven rov ci iab thiaj yuav mob nws siab
Thov peb sawv daws los koom tes
Yam koj paub koj nqa tuaj nrog peb ntsaub
Yam kuv pom kuv li nqa los tso thiab kho
Kom peb lub forum no rov qab nrov npe hlo

Los peb tuav tes sib kho os nawb
Kuv cov me phoojywg thiab vivncaus txhua tus

Subject: Re: Los Qhia Koj Txoj Kev Nco Hmongheaven Fri Mar 11, 2011 3:20 pm

THOV ADMIN. CIA PEB NYOB LI QUB

Kuv lub siab tsis khuv yuav ncaim nej mus li no
Vim nej yog kuv tsev neeg kuv hlub thiab nco
Kuv lub siab mob tham hnov dheev tej lus moo cua
Ua rau kuv lub siab mob cua li raug neeg chua

Nim xav zoj tias tsis xav tawm lus cheem cia
Los lub me siab nim mob chob cuag riam ntsia
Nim xav zoj tias kavliam ces nws ploj mus
Los lub me siab nim mob cuag dej kub yus

Kuv thiaj rov tuaj cheem Admin ob peb los tiag
Tabsis zoo li nws lub siab tsis xyiv fab kiag
Kuv thiaj xav tias cia tos kom nws siab tus tso
Mam rov qab tawm tuaj nrog nws txhim kho

Tabsis hnub no kuv ob niamhluas ho koom siab tuaj ua ntej
Kuv zoo siab heev thiaj tawm rov tuaj tham qhia rau nej
Yog nej txhua tug pom zoo li peb thiab no ces tawm suab
Los peb sib koom siab hais lus sib txhawb ua tswvcuab

Peb yuav rov txhim kho lub ntuj no kom tawg paj tshiab
Leej twg rov tuaj pom los kom lawv nyob kaj siab
Peb yuav rov txhim kho lub ntuj no kom ci nra paug
Leej twg rov tuaj pom los kom lawv nrog peb xauj

Vim tej lus zoo peb tau muab hais tag sau ua pajhuam
Zoo li tsob paj yog muab txiav lawm nws yuav tuag
Yuav tsis rov tuaj dua kom zoo li tsob paj qub
Tej lus hlub tshiab txawm hais dua los tsis zoo li thaum ub

Yog li thov nej los peb koom siab thov Admin
Kom nws hlub peb thiam nws txhob muab tshem
Yog tshem lawm yuav mob peb lub siab heev
Vim peb yuav tu ncu txoj kev tuaj sib tw seev mog

Subject: Re: Los Qhia Koj Txoj Kev Nco Hmongheaven Fri Mar 11, 2011 3:23 pm

yog li peb txhob sib ncaimli nawb niam laus npaujnpaim a.... Smile

Subject: Re: Los Qhia Koj Txoj Kev Nco Hmongheaven Fri Mar 11, 2011 3:25 pm

hAHAHAHAA, NEB TSIS POM KUV TWB VWM TAG LI LAWM LOD????

Subject: Re: Los Qhia Koj Txoj Kev Nco Hmongheaven Fri Mar 11, 2011 3:30 pm

koj vwm tas li cas nab? affraid

Subject: Re: Los Qhia Koj Txoj Kev Nco Hmongheaven Fri Mar 11, 2011 3:36 pm

yus txoj kev hlub muaj zog
leej twg rub los yus yuav tsis ntog
yus txoj kev hlub muaj tseeb
leej twg los ntshaw lawv thiaj xav txeeb

yug yog neeg siab ncaj
yus hais lus rau sawv daws siab thiaj kaj
yus muaj txoj kev hlub tiag
leej twg los thiaj li xav nyiag

ua koj lub siab kom ruaj
txhob cia tawm tuaj
tuav rawv lub kua muag
tsis txhob cia nws ntub rau luag

» Qhia Seb Koj Xav Li Cas
» Tojxeem! Hmongheaven Zoo Siab Txais Tos Koj
» WOW! Siabcobxub tuaj lem hmongheaven...
» Thov Qhia Npauj Npaim
» Qhia Koj Tso Video Saib