Tsis tuag kev hlub yuav tuag kev nco

Subject: Tsis tuag kev hlub yuav tuag kev nco Tue Mar 13, 2012 6:44 am

First topic message reminder :

Hnov mob kuv taub hau tuaj
Zoo li muaj tus kab Mobhlub
Yam dej kub nchuav hlab kuv
Thiaj mam thuv seev lus cia
Kuv txoj sia yuav tu twb tiag
Koj lolus npliag uas kuv nqhis
Ua kuv xis mus poob deb
Cas tsis feb los cawm ntxiv
Kuv ua phiv koj qhov twg
Yam lub lwg hnub ziab ntau
Yuav yaj tau ua huab cua
Kuv thiaj tshua koj ua luaj
Koj tsis tuaj ntshe yuav ntog
Yuav yaj mog tus kuv hlub
Tsis txhob ua lub siab me
Los nyob ze kuv ib sab
Muab txhais npab puag kuv kiag
Mov dej txiag pab pub kuv
Kom siab puv nrog koj nyob
Vim kuv mob yuav tuag nco
Kev hlub tso tsis tau koj
Siab tsis loj nco koj xwb
Thiaj mob hlwb yuav vwm tiag
Thov puag kiag kom siab kaj me me ma me hlub e...

Subject: Re: Tsis tuag kev hlub yuav tuag kev nco Mon Oct 15, 2012 6:13 am

Ywjsuab, vim kuv tsis yog tus koj xaiv ne
Tsis muaj koj nyob ze thiaj xav tias yuav mus
Thiaj sau lus tso tseg cia
Pom nej tuaj dhia ces nco nej heev
Ua nkaujhnub nco nej duj dheev zoo li ncaim tsis taus li os Ywjsuab e...

YwjSuab wrote:: nkauj hnub qub tus neeg zoo lus
cas yuav mus es tso peb tseg
daim teb npleg ntshe nyob yuav daj
lub vaj paj nyob nphob xub xuav
tej me puav yuav nyob dai taw
nkauj hmoob aw mus zoo koj mog
ho nco txog cov nyob tom qab....thiab mog nkaujhnubqub

Subject: Re: Tsis tuag kev hlub yuav tuag kev nco Mon Oct 15, 2012 6:25 am

YwjSuab wrote:: koj lees twb tsis hnov koj lus
koj leej nus tsis zoo tsav ncauj
koj zoo nkauj tsam koj ho xyeej
tej txiv neej nyob thoob ntiaj teb
zoo li peb ntshe koj lam hais
los mus rais koj txoj kev qhub
nkauj hnub qub tus neeg zoo nkauj
peb puas yauj nej nplooj siab tiag

Luag lwm tus zoo nraug dua,
Los nkaujhnubqub tsuas pom koj ib leeg ntxim tshua
Txiv neeg txawm muaj coob nyob ntiaj teb no
Los nkaujhnub tsuas pom nraug Ywjsuab thiaj yog tud ntxim nkaujhnubqub nco

Ntshe nkaujhnubqub zoo tsis txaus nraug Ywjsuab nco
Nraug Ywjsuab thiaj txiv xav tuaj sau lus rau ntawm hmonghean no
Ntshe nkaujhnubqub tsis txawj sau lus hlub
Nraug Ywjsuab thiaj tsis kam sau lus qab mib pub rau Nkaujhnubqub

Ntshe koj lam sau me me hais
Koj pom dheev kuv xwb koj twb yuav pais
ntshe koj lam sau lus nrog kuv ua si
Hauv koj siab ntse twb tsis xav luag li

Subject: Re: Tsis tuag kev hlub yuav tuag kev nco Mon Oct 15, 2012 6:38 am

YwjSuab wrote:: koj lees twb tsis hnov koj lus
koj leej nus tsis zoo tsav ncauj
koj zoo nkauj tsam koj ho xyeej
tej txiv neej nyob thoob ntiaj teb
zoo li peb ntshe koj lam hais
los mus rais koj txoj kev qhub
nkauj hnub qub tus neeg zoo nkauj
peb puas yauj nej nplooj siab tiag

nkaujhnubqub twb tsis zoo nkauj
nraug Ywjsuab thiaj ntshai xauj
nkaujhnubqub twb tsis zoo ntxim Ywjsuab kiag
Ywjsuab thiaj tsis kam tuaj sau nws tej qab mib npliag

Nraug Ywjsuab thiaj txawj sau lub hlub
Nkaujhnubqub thiaj xav muaj nraug Ywjsuab qhub
Nraug Ywjsuab txawj sau lus kaj siab
Me Nkaujhnubqub thiaj raws nws ncuj nciab Smile

Ywjsuab koj mus twg
Cas kuv ho nrhiav tsis tau koj ma phoojywg?
Koj cia kuv tos koj ntev ntev
Ntshe kuv yuav rov mus tsev...

Subject: Re: Tsis tuag kev hlub yuav tuag kev nco Mon Oct 15, 2012 6:49 am

8Tos8nco koj keej muab lus los sau ua paj huam kawg li sav... ua tsau rau koj cov lus cheem kuv os ,tsis txhob sau tu tu siab ma, kuv twb tuaj lawm ne.

Subject: Re: Tsis tuag kev hlub yuav tuag kev nco Mon Oct 15, 2012 2:12 pm