Subject: Tsis tuag kev hlub yuav tuag kev nco Tue Mar 13, 2012 6:44 am
First topic message reminder :
Hnov mob kuv taub hau tuaj Zoo li muaj tus kab Mobhlub Yam dej kub nchuav hlab kuv Thiaj mam thuv seev lus cia Kuv txoj sia yuav tu twb tiag Koj lolus npliag uas kuv nqhis Ua kuv xis mus poob deb Cas tsis feb los cawm ntxiv Kuv ua phiv koj qhov twg Yam lub lwg hnub ziab ntau Yuav yaj tau ua huab cua Kuv thiaj tshua koj ua luaj Koj tsis tuaj ntshe yuav ntog Yuav yaj mog tus kuv hlub Tsis txhob ua lub siab me Los nyob ze kuv ib sab Muab txhais npab puag kuv kiag Mov dej txiag pab pub kuv Kom siab puv nrog koj nyob Vim kuv mob yuav tuag nco Kev hlub tso tsis tau koj Siab tsis loj nco koj xwb Thiaj mob hlwb yuav vwm tiag Thov puag kiag kom siab kaj me me ma me hlub e...
Last edited by nkaujxis on Mon Mar 19, 2012 2:04 am; edited 1 time in total
Yog zoo li zaj nkauj saum mas vim tsis tuag hlub los yuav tuag nco ces twb yog lus sib hlub hauv tus npau suav lawm ces yeej nco nrau nruab siab tag li ces thiaj li seev zaj nkauj li ntawm qhia rau tus nco tias tus hlub tseem xav txog tus nco.
Subject: Re: Tsis tuag kev hlub yuav tuag kev nco Wed Oct 17, 2012 12:57 am
Me Nkaujhmoob e koj tsis tuaj ces kuv thiaj seev kev nco Me Nkaujhmoob e kuv nco nco thiaj tuaj tos koj txhua hmo Me Nkaujhmoob e txhua hmo koj ua dab tsis lawm xwb os Kuv tseem nco koj yuav tuag nco thiaj niaj hnub zaum no tos
Lub caij no kuv xav txog koj tus neeg siab zoo siab dawb Kuv nco koj txhua lub sij hawm thaum wb luag ntxhi sib tawb Lub sij hawm no koj mus qhov twg koj puas nco kuv thiab Kuv me viv ncaus tus txawj qhub tus me neeg ua kuv siab kiab
Tsis muaj koj nyob nrog kuv lub caij no Los kuv tseem tuaj tos koj qhia tias tseem nco tsis tau tso Wb txoj kev hlub yav nyob ruaj li qub Kuv tseem khaws koj tej lus thaum i koj thiab kuv wb tau sib qhub
Subject: Re: Tsis tuag kev hlub yuav tuag kev nco Wed Oct 17, 2012 1:03 am
Ua tsaug os tijlaug 8tos8nco Ywjsuab twb tsis xav sau nrog kuv ces kuv thiaj sau me me lawm xwb os es koj lam nyeem ua dab muag cov kuv sau tau cia hauv no nawb. Kuv pom koj yeej txawj heev li lawm na...txawj lawm no nrog kuv sau kom kuv txawj li koj thiab nawb, kuv nrhiav tsis tau lus li ces dho tsis zpp heev thiaj sau tsis ntau lawm xwb os.
8tos8nco wrote:
Nkaujhnubqub,
Kuv ces lam seev paj huam xwb xyov kuv cov lus paj huam puas sib dhos li cas thiab kuv xav nyeem koj thiab Ywjsuab sau paj huam kom ntau zog seb kuv puas xyaum tau ntxiv os.
Xyov kuv cov niag lus puas tuag hlub los tuag nco vim kuv tseem xyaum xwb. Kuv xav kom kuv txawj sau paj huam ntshe kuv yuav mus nrhiav cov neeg hu nkauj tuaj seev rau peb mloog.......hahahahahahahaha.
Txawm li cas los kuv twb nkag siab zog yav thaum i kuv tseem tsis tau paub txog peb Hmoob seev paj huam li nim nov mas kuv ib nyuag tshaj lij thiab to taub txog qhov peb Hmoob seev paj huam lawm vim kuv mus nyeem Hmoob Tojsiab cov lus sau qhia es kuv thiaj li txawj seev paj huam me ntsis lawm........hahahahahahahaha.
Hos tham txog sau kwv txhiaj sib dhos mas kuv tseem tsis tau paub li lau......cia seb puas muaj hnub paub tso mam li xyaum sau kwv txhiaj thiab os.