~VAJTSWV TXOJLUS~

Subject: ~VAJTSWV TXOJLUS~ Thu Feb 18, 2010 12:25 pm

First topic message reminder :

~VAJTSWV TXOJLUS~ - Page 7 Why%20believe%20the%20holy%20bible

Subject: Re: ~VAJTSWV TXOJLUS~ Thu Feb 25, 2010 2:26 pm

Niamlaus Npaujnpaim,

Ua li ma...mam saib thiab os...muaj dab tsi txawv txav li koj hais no mam delete los yog qhia rau koj os....ua tsaug nawb......

Npauj Npaim wrote:

NkaujNyiag wrote:: Deebsiab a!

Yam 1 ua kuv ntshaw tshaj kuv twb tau tag lawm.....yam 2 ces tau lawm los rov plam lawm....tseem yuav take time to get it back.....heehheee...puas yog li na?

Me niamhluas, thiab DeegSiab,

Ib qhov uas kuv thov los ntawm neb, yog thov kom neb pab tswj lub tsev no kom txhob muaj neeg tuaj tso tej duab liabqab, tso lus phem tawmtsam vajtswv, thiab tuaj hais lus daj lus deev, ua kev plees rau hauv no. Yog leejtwg tuaj ua li ntawd rau kuv tsev no, thov neb pab muab tshem tawm lossis yog neb tsis kam tshem, thov qhia kuv mam tuaj tshem.

Vim kuv xav kom lub tsev no tsuas muaj VAJTSWV TXOJLUS zoo xwb mog.

Uatsaug.

Subject: Re: ~VAJTSWV TXOJLUS~ Thu Feb 25, 2010 3:07 pm

Tsim Ntiajteb Thiab Lub Ntuj:

Thaum chivkeeb, Vajtswv tsim lub NTUJ thiab lub NTIAJTEB. Lub Ntiajteb no tsis tau muaj ibyam dabtsi thiab nyob dodus, tsaus ntuj nti thoob plaws saum nplaim dej hiavtxwv, thiab Vajtswv tus nplujplig yuj mus yuj los saum nplaim dej xwb.

Vajtswv thiaj haistias, "Cia li muaj qhov pomkev," ces txawm pom kev kaj nrig tuaj lawm tiag.
Vajtswv txaus siab heev rau qhov pom kev ntawd ces Vajtswv thiaj muab qhov pomkev cais tawm ntawm qhov tsaus ntuj. Vajtswv tis npe rau qhov pomkev hu ua, "Nruab Hnub," thiab tis npe rau qhov tsaus ntuj hu ua, "Hmo Ntuj."

Muaj caij tsaus ntuj thiab muaj caij kaj ntug, yog hnub IB.

Tomqab ntawd, Vajtswv thiaj hais ntxiv tias, "Ciali muaj lub Ntuj los quas dej thiab muab cais kom nyias nyob muaj nyias chaw," yog li ntawd, Vajtswv thiaj tsim lub Ntuj, thiab muab tej dej nyob hauv qab ntuj thiab tej dej saum nruab ntug cais nyias nyob nyias. Ces txawm muaj li Vajtswv hais. Vajtswv tis npe rau txheej saud hu ua, "NTUJ."

Muaj caij tsaus ntuj thiab muaj caij kaj ntug, yog hnub OB.

Hnubno, Vajtswv tawm tuaj saib lub Ntuj, nws txawm haistias, "Tej dej uas nyob hauv qab ntuj cia li sib sau los nyob ib qhov chaw uake kom av tawm tuaj," ces txawm muaj li Vajtswv hais.
Vajtswv tis npe rau cov av hu ua, "Ntiajteb," thiab cov dej uas los sib sau uake ntawd hu ua, "Hiavtxwv."
Thiab Vajtswv pom tej uas nws tsim tau los ntawd, nws txaus siab heev ces nws haistias, "Lub Ntiajteb ciali tuaj txhuayam nrojtsuag, qoobloo, thiab tej xyoob ntoo, kom tawg paj txi txiv raws li nyias yam," ces txawm muaj raws li Vajtswv hais.

Yog li ntawd lub Ntiajteb thiaj muaj txhuayam xyoob, ntoo, nrojtsuag, thiab qoobloo uas txawj tawg paj txi txiv. Vajtswv pom tej uas nws tsim tau los ntawd, mas nws txaus siab heev.

Muaj caij tsaus ntuj thiab muaj caij kaj ntug, yog hnub PEB.

Vajtswv hais ntxiv tias, "Ciali muaj tej lub ci ci tshwm rau saum Ntuj quas nruab hnub thiab hmo ntuj, thiab quas caij nyoog, hnub, hli, thiab xyoo; tej ntawd yuav ci saum ntuj tuaj rau hauv lub Ntiajteb no kom pom kev," ces txawm muaj raws li Vajtswv hais. Yog li ntawd, Vajtswv thiaj tsim dua ob lub ci ci uas loj dua cov uas nws xub tsim lawm. Nws tsim ib lub ci tshaj los kav nruab hnub thiab ib lub ci tsis heev los kav hmo ntuj; nws tsim tej hnubqub huv tibsi. Vajtswv muab tej lub ci ci ntawd teeb rau saum ntuj kom pom kev ci ntsa iab tuaj rau hauv lub Ntiajteb, kom kav nruab hnub thiab hmo ntuj, thiab muab qhov kaj cais tawm ntawm qhov tsaus. Thiab Vajtswv pom tej uas nws tsim tau los ntawd, nws txaus siab heev.

Muaj caij tsaus ntuj thiab muaj caij kaj ntug, yog hnub PLAUB.

Vajtswv hais ntxiv tias, "Ciali muaj txhuayam tsiaj muaj sia nyob hauv nruab deg, thiab cia li muaj noog ya kom puv saum nruab ntug." Yog li ntawd, Vajtswv thiaj tsim tej tsiaj uas loj tshaj plaws nyob hauv hiavtxwv, thiab tsim txhuayam tsiaj nyob hauv nruab deg, thiab txhuayam noog huv tibsi. Vajtswv pom tej uas nws tsim ntawd, nws txaus siab heev, Vajtswv thiaj foom koobhmoov rau tej tsiaj ntawd thiab hais rau tej tsiaj uas nyob hauv nruab deg kom ciali huajvam mus puv hiavtxwv, thiab nws hais rau tej noog kom huajvam mus puv Ntiajteb.

Muaj caij tsaus ntuj thiab muaj caij kaj ntug, yog hnub TSIB.

Vajtswv hais ntxiv tias, “Ciali muaj txhua yam tsiaj txhu: tsiaj nyeg, tsiaj qus, tsiaj loj, tsiaj me, nab, qav, kab thiab ntsaum raws li nyias yam,” ces txawm muaj raws li Vajtswv hais. Vajtswv pom tej uas nws tsim tau los ntawd, nws txaus isab heev.

Thaum nws tsim tej tsiaj ntawd tag lawm, nws txawm haistias, “Nimno kuv yuav tsim neeg kom muaj yam ntxwv zoo li kuv thiab lawv yuav muaj hwjchim kav tagnrho tej ntses hauv hiavtswv, tej noog saum nruab ntug, tej tsiaj nyeg, tsiaj qus, tsiaj loj, tshiaj me, thiab kav thoob plaws lub Ntiajteb no.”

Yog li ntawd, Vajtswv thiaj tsim neeg, kom lawv muaj yamntxwv zoo li Vajtswv. Nws tsim muaj tus txivneej thiab tus pojniam. Vajtswv foom koobhmoov rau nkawd haistias, “Neb ciali muaj tub muaj ki kom coob, neb tej xeebntxwv yuav huajvam mus nyob thoob plaws txhua qhov chaw kom puv Ntiajteb thiab lawv yuav kav tagnrho lub Ntiajteb. Kuv tsa neb kav tej ntses hauv hiavtxwv, tej noog uas ya saum nruab ntug, thiab txhua tsav yam tsiaj uas nyob hauv Ntiajteb no. Kuv tsim kom muaj txhuayam qoobloo thiab txhuayam txiv ntoo rau nej tau noj, tabsis kuv tsim tej nrojtsuag xyoob ntoo, ua zaub rau tej noog thiab tej tsiaj uas muaj sia nyob hauv lub Ntiajteb no tau noj.”
Ces txawm muaj raws li Vajtswv hais. Vajtswv saib ib puas tsavyam uas nws tsim ntawd muaj raws li nws hais thiab ua rau nws txaus siab heev.

Muaj caij tsaus ntuj thiab muaj caij kaj ntug, yog hnub RAU.

Lub Ntuj thiab lub Ntiajteb, thiab txhuya tsav yam yeej tsim tiav tas lawm. Vajtswv twb tsim ib puas tsav yam tiav tas lawm, hnub xya nws thiaj so thiab tsis ua ibyam haujlwm dabtsi li. Vajtswv foom koobhmoov rau hnub xya thiab teem hnub ntawd ua hnub tseemceeb, rau qhov ib puas tsav yam uas nws tsim twb tiav tas rau hnub ntawd lawm. Nws thiaj so tsis ua haujlwm dabtsi. Vajtswv tsim lub Ntuj thiab lub Ntiajteb raws li tau hais tas los saum no lawm.

Muaj caij tsaus ntuj thiab muaj caij kaj ntug, yog hnub XYA.

Subject: Re: ~VAJTSWV TXOJLUS~ Sat Feb 27, 2010 9:46 am

Npauj Npaim thiab NkaujNyiag,

Zoo siab tias Npauj Npaim sau tau Vajtswv txoj lus zoo kawg li os.

Subject: Re: ~VAJTSWV TXOJLUS~ Mon Mar 01, 2010 1:49 pm

Uatsaug os, tus nus, koj nrhaiv tau cov duab zoo phim cov lus saud kawg li os.

Subject: Re: ~VAJTSWV TXOJLUS~ Mon Mar 01, 2010 3:53 pm

DeegSiab thiab Yeebtsim,

Kuv hnov tias neb paub txog Vajtswv Txojlus thiab no, thov neb tuaj qhia peb thiab os.
Lub tsev no tsis yog kuv tsim rau kuv xwb, kuv tsim rau peb txhua tug tuaj tham na, es txhob xav licas, thov nej txhua tus tuaj pab qhia txog Vajtswv Txoj Moo Zoo pub peb kawm thiab mog.

Uatsaug nawd.