Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: ~VAJTSWV TXOJLUS~ Thu Feb 18, 2010 12:25 pm
First topic message reminder :
Author
Message
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: ~VAJTSWV TXOJLUS~ Fri Mar 05, 2010 2:46 pm
Lub Vaj Edees:
Thaum tus Tswv uas yog Vajtswv, nws tsim lub Ntuj thiab lub Ntiajteb no, lub Ntiajteb tseem tsis tau muaj nroj tsuag, xyoob ntoo, thiab tsis muaj ibyam noob tuaj taus kaus li, rau qhov nws tseem tsis tau tso nag los thiab tseem tsis tau muaj neeg tawm mus ua liaj ua teb, tiamsis dej ciali txia hauv nruab tivtxwv tuaj ntxaum daim av Ntiajteb noo zaws thoob plaws lub qab ntuj no.
Tus Tswv uas yog Vajtswv, nws tsim tau ib lub vaj nyob rau sab hnub tuaj, hauv Edees, thiab nws tsim tau ib puas yam tsav tsiaj, nroj tsuag, xyoob ntoo, thiab muab lub vaj no cais tau zoonkauj heev. Nws thiaj xav tias nws yuavtsum tsim ibtug neeg los saib xyuas lub vajloog no. Nws txawm mus muab av los puab tau ibtug txivneej, thiab tshuab siav tshuab pa rau tus txivneej ntawd lub qhovntswg, ces tus txivneej ntawd txawm ciaj sia lawm. Vajtswv thiaj tso tus neeg uas nws tsim ntawd los nyob hauv lub vaj uas nws twb cog muaj txhua yam zoonkauj kawg li lawm. Nyob rau hauv plawv vaj, muaj ib tsob ntoo uas cawm txojsia thiab muaj ib tsob ntoo uas ua rau paub qhov phem thiab qhov zoo.
Vajtswv coj tus txivneej uas nws tsim nyob hauv lub vaj Edees, kom nws zov thiab tu lub vaj ntawd. Vajtswv hais rau nws tias, “Kuv pub koj noj txhuayam txiv ntoo uas nyob hauv lub vaj no, tiamsis kuv tsis pub koj noj tsob txiv ntoo uas ua rau paub qhov phem thiab qhov zoo xwb. Koj yuavtsum tsis txhob noj tsob ntoo ntawd cov txiv; yog koj noj hnubtwg, koj yuav tuag hnub ntawd.”
Thaum Vajtswv cia tus txivneej no mus nyob nrog cov tsiaj txhuayam uas Vajtswv tsim, Vajtswv cia tus neeg no los tis npe rau cov tsiaj no huvsi li. Txawm tias tus txivneej no muab tej me nas me noog, tej tsiaj nyeg thiab tsiaj qus tsis hais tus loj rau tus me los nws muab lawv tis npe tag huvsi, tabsis tsis muaj ibtug zoo li nws yuav los nrog nws ua tau txijnkawm li. tau li. Vajtswv thiaj haistias, “Tsis tsimnyog cia tus txivneej no nyob ibleeg. Kuv yuav tsim dua ibtug los nrog nws nyob ua txij ua nkawm, pab nws.”
Yog li ntawd, thaum uas tus txivneej ntawd tsaugzog lawm, Vajtswv thiaj ua rau tus txivneej ntawd tsaugzog heev li. Vajtswv txawm muab tus txivneej ntawd ibtug txha tav rho tawm los thiab muab lub qhov nqaij ntawd foob nqawm rov zoo li qub lawm. Vajtswv muab tus tav ntawd los tsim ua ibtug pojniam thiab coj tus pojniam ntawd mus cob rau tus txivneej. Ces tus txiv neej ntawd haistias, “Nimno, muaj ibtug zoo li kuv lawm thiab lauj, tus no tej txha yog kuv txha, thiab tej nqaij yog kuv nqaij. Nws lub npe hu ua pojniam rau qhov yog rho nws tawm ntawm txivneej los.”
Nkawd muaj npe hu tias, “Adam thiab Eve,” nkawd thiaj los ua neej nyob rau hauv lub vaj Edees no nrog rau txhuayam tsiaj yam kajsiab lug tsis paub txob tsis paub txhawj abtsi li, rau lub sijhawm ntawd.
Subject: Re: ~VAJTSWV TXOJLUS~ Sun Mar 07, 2010 11:18 pm
Nyob zoo Npauj Npaim,
Yog muaj XF tuaj nrog peb tham mas yuav lom zem thiab nws yuav qhia tau tej yam peb tsis paub zoo os. Tab sis, qhov ntawm ces yuav yog xav xwb vim xyov puas yuav muaj chance es luag tuaj koom nrog peb hauv nov li cas.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: ~VAJTSWV TXOJLUS~ Mon Mar 08, 2010 10:57 am
Nyobzoo, Nujqiam,
Uatsaug koj tseem siv sijhawm los saib lub tsev no thiab.
Koj puas nco tau yav tag los kuv twb teb ib zaug rau koj lawm tias kom txhob rawm tag kev cia siab?
Yog li kuv yuav rovqab hais dua ib zaug ntxiv rau koj tias koj txhob rawm tag kev cia siab tias ntshe yuav tsis muaj hnub uas muaj ibtug xibfwb tuaj qhia txog Vajtswv Txojlus rau peb kawm no mas los.