Seev Kwv Txhiaj

Subject: Seev Kwv Txhiaj Mon Oct 22, 2012 10:36 am

Kwv txhiaj qhib rooj rau ib tsoom phooj ywg nkauj muam nraug nus s/d tuaj laug sib hawm ua si...........

Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txawm, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus thuav ntawv.
Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txais, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus sib hais.

Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis nroj, kuv xav nrog koj hais tuj tiag ces kuv cev zoj lawm niaj ib sob lus tuaj rau koj.
Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis suv, koj xav nrog kuv hais tuj tiag ces koj cev zoj lawm niaj ib sob lus tuaj rau koj.

Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab rwb txiv nraug txawg txawj txawg ces yuav txawg lis zoj tuaj rau nruab paig, tus me paj ntsha lus taum ces tsis yog niam nkauj txawg yuav hais kom txiv nraug txawg tais.
Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab paig txiv nraug txawg txawj txawg ces yuav txawg lis zoj tuaj rau nruab rwb, tus me paj ntsha lus taum ces tsis yog txiv nraug txawg yuav hais kom niam nkauj txawg swb.

Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ntsuas, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib cuag.
Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ib, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib ntsib.

Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav twm, peb ib tsoom me plees nkauj nraum hais tus paj ntsha lus taus ces yuav hais raws li kev sib swm.
Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav zaub, peb ib tsoom me plees nkauj nraum hais tus paj ntsha lus taus ces yuav hais raws li kev sib paub.

Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib niab, peb yuav hais tus paj ntsha lus taum raws li peb txoj kev mus kaj siab.
Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib zawv, peb yuav hais tus paj ntsha lus taum raws li peb txoj kev mus kaj plawv.

Yuav zoo lub laj xeeb tis ua xais, ntaus ntiag peb tsoom phooj ywg nkauj muam nraug nus no lub suab hais.

Subject: Re: Seev Kwv Txhiaj Mon Oct 22, 2012 10:36 am

Ntuj teb yuas ib tsoom phooj ywg lub niag ntuj qhua nyob mus txog nrab ntuj no twb yuav rov tawm tuaj txog 99 tsav nkauj seev txhij tag 88 tsav nraug twb seev mus txhua tshuav tau lawm YwjSuab seev xiv lis laws tuaj sawm lub ntsis ciab, xyoo no zoo nyiaj mus tsiv xyoo es zoo lawm YwjSuab siab ces yuav tawm rooj plaws nplooj siab yuav ntaus ntiag nplooj ntsws yuj li plaws xav mus nrog niam nkauj hmongheaven seev txog txoj kev mus dai siab.
Ntuj teb yuas ib tsoom phooj ywg lub niag ntuj qhua nyob mus txog nrab ntuj no twb yuav rov tawm tuaj txog 99 tsav nkauj seev txhij tag 88 tsav nraug twb seev mus txhua tshuav tau lawm YwjSuab seev xiv lis laws tuaj sawm lub ntsis rawv, xyoo no zoo nyiaj mus tsiv xyoo es kho lawm YwjSuab siab ces yuav tawm rooj plaws nplooj siab yuav ntaus ntiag nplooj ntsws yuj li plaws xav mus nrog niam nkauj hmongheaven seev txog txoj kev mus dai plawv.

Ntuj teb yuas ib tsoom phooj ywg ua tsav twg los lub ncauj seev tsis tseg hais tsav twg los lub hlwb nrauj tsis tu, kheev lam YwjSuab txawj yaj los txawj txia yuav txia li ntshis ua lawm me kab me noog tuaj zov rawv nkauj hmongheaven tej me kev mus noj su.
Ntuj teb yuas ib tsoom phooj ywg ua tsav twg los lub ncauj seev tsis tu hais tsav twg los lub hlwb nrauj tsis tseg, kheev lam YwjSuab txawj yaj los txawj txia yuav txia li ntshis ua lawm me kab me noog tuaj zov rawv nkauj hmongheaven tej me kev teb npleg.

Ntuj teb yuas ib tsoom phooj ywg xav zaj twg los tsis tawm hais zaj twg los tsis poob es thiaj li yuav deev tau lawm nkauj hmongheaven lub me ncauj, es thiaj li txav tau ze seev nrog tau rau cov niam nkauj hmongheaven cov me zoo nkauj.
Ntuj teb yuas ib tsoom phooj ywg xav zaj twg los tsis tawm hais zaj twg los tsis poob es thiaj li yuav deev tau lawm nkauj hmongheaven lub me siab, es thiaj li txav tau ze seev nrog tau rau cov niam nkauj hmongheaven cov me plhu tshiab.

Ces nim zoo lawm lub laj xeeb xaus li xi rau cov niam nkauj hmongheaven, puas yuav muaj hnub nej ntoj taws li yeev tuaj txog tuaj nrog nyeem.

Guest

Tos lawv hais tias "life is not fair" no os Very Happy

thaum i wb pov pob es cas koj ho tsis kam hais rau kuv mloog no? tso dag xwb os Very Happy

ntu no koj nyob li cas lawm xwb?

Guest

Plees nkauj nraum zoo luaj no tsis tau, muaj ib hnub niam leej ntxhais li kuv no cev ntaj ntsug tuag tas nrho, yuav nce zoj txog li ntua nyuj kab yig teem ib lub roob xyoob dag, niam leej txhais mam txia ntsis ua dab poj ntxoog rov los txo koj txoj pa....hehehehe.

Wb nim plees nkauj nraum hais zoo luaj no tsis tau, muaj ib hnub twg niam leej ntxhais li kuv no cev ntaj ntsug tuag tas nrho, yuav nce zoj txog li ntua nyuj kab yig teem ib lub roob txhia, niam leej ntxhais mam txia ntsis ua dab poj ntxoog rov los txo koj txoj sia.... lol!

Subject: Re: Seev Kwv Txhiaj Mon Oct 22, 2012 2:24 pm

Cia kuv sim hais seb nawb

Nij ye .........;Peb ib me tsoom nkauj muam nraug nus nyob hmoob ceeb tsheej teb, Cas xyoo no yuav yog niam dab tsi xyoo thiaj muaj tau Ywjsuab tuaj qhib topic kwv txhiaj pab qhia rau peb.
Nij ye .........;Peb ib me tsoom nkauj muam nraug nus nyob hmoob ceeb tsheej chaw, Cas xyoo no yuav yog niam dab tsi xyoo thiaj muaj tau Ywjsuab tuaj qhib topic kwv txhiaj pab qhia rau peb sawv daws om.

Peb ib tsoom me phooj ywg hmoob, cas mab teb ces luag yuav kawm muaj zoo txuj mus nrog ci, hmoob ceeb tsheej teb ces peb tsis muaj txawj tsis muaj ntse ces lam tuaj sau lus dho nyob ua si.
Peb ib tsoom me phooj ywg hmoob, cas mab teb ces luag yuav kawm muaj zoo tci mus nrog txuj, hmoob ceeb tsheej teb ces peb tsis muaj txawj tsis muaj ntse ces lam tuaj sau lus dho nyob ua muj.

Niaj ye..... peb me nkauj muam nraug nus zoo e... cas qab tsua twb txawm tas me zaub hlav mos nyuj nyoos zoo de hau, qaum tsua ces ntshe muaj tas niam liab miv cuam kau. Cas xyoo no ntshe nim yuav yog xyoo zoo, peb thiaj ntauj siab tuaj sau paj huam tuaj nyob sib nroo.
Niaj ye..... peb me nkauj muam nraug nus zoo e... cas qab tsua twb txawm tas me zaub hlav mos nyuj nyoos zoo de noj, qaum tsua ces ntshe muaj tas niam liab miv cuam dhia sib coj. Cas xyoo no ntshe nim yuav yog xyoo zoo lawm tej sib tiag, peb thiaj ntauj siab tuaj sau paj huam tuaj nyob sib nroo lawm sib npliag.

Cas xyoo no yog lawm xyoo muaj hmoo nkaujhnubqub tsis txawj paj ntsha lus taum los lam tuaj hais luj luas kom tshav ntuj, seb puas yuav tau lawm ib tus me nraug hmoob ceeb tsheej no tuav tes ua ib zaug muj.
Cas xyoo no yog lawm xyoo muaj hmoo nkaujhnubqub tsis txawj paj ntsha lus taum los lam tuaj hais luj luas kom tshav kub, seb puas yuav tau lawm ib tus me nraug hmoob ceeb tsheej no tuav tes ua ib zaug hlub.

Ces niam zoo laj xeeb xaus li xis lub me ntsis thuv, Kheev lam muaj zoo ib leej me nraug hmoob tuaj nyob tos kuv om..

lol!

seb puas yog sau li no nawb Ywjsuab a thiab cov viv ncaus aw... Nej tsis tuaj nrog kuv hais kwv txhiaj ces kuv kawm lawm laiv... tsis yog no mas qhia ntxiv kom kuv txawj nawb.

» TXHIAJ TXHAIS
» Mloog Kwv Txhiaj
» Lub chaw mloog kwv txhiaj
» Los peb hais, "Kwvtxhiaj"
» NkaujnagTshia Lub Chaw Seev Lus