NkaujnagTshia Lub Chaw Seev Lus

kuv twb maj nyeem lawm na koj mas...
nyob zoo os nkaujnagtshia

Kuv los maj nyeem NkaujNagTshia cov lus seev kawg li thiab os.

Seb puas yog seev paj huam, lus taum, kwv txhiaj, los yog qwv nplooj xwb.

ab.....cas nim muaj koj muaj kuv es hos tsis maj li
xav nrog koj zaum ua ke seb puas hnov koj lub suab luag txhwb ntxhi

ab.....cas nim muaj kuv muaj koj es ho tsis ntsib
xav nrog koj sawv ua ke seb puas hnov koj lub suab dib

NkaujNagTshia wrote:

Vim kuv ntseeg kojdhau .kev mob siab thiaj caum tau
Vim kuv hlub koj heev zig nokuv thiaj khaws tau kev seev
Cas koj tsis hlub tsis qhia thaumntxov,Cia kuv ho tig kuv lub siab
rov.Cas koj tsis hlub tsis hais qhiathaum e.Cia kuv ho muab kuv nplooj plaw tig
rov fee.zaum no kuv pib nco kojZiag no koj ho yuav ncaim mus ploj
Ziag no kuv pib nco koj lawm Koj ho muab wb me kev hlub tshem tawm
Hauv koj lub siab puas muaj ntsav.Puas yog hauv koj nruab plaw tsis muaj
dej tsis muaj ntshav kav,Puas yog hauv kojlub siab tsis muaj ntshav tsis muaj roj
Puas yog hauv koj lub siab tsis txawj ntilub plawv tsis txawj ntoj

Sis zoo kuv tsis keej sau es xyaum sau me me aiv xwb thiab kuv saib zoo li txawv txawv kuv tsis paub li na

NkaujNagTsia.....koj txawj seev es seev tau zoo kawv kuv taug kev ncaj lam los cuag tshua koj los txhob xav li cas nawb.



Wb txoj kev hlub kev mob siab thiaj caum tau koj.....los kev mob plawv twb nrog kuv nyob tsis ploj

Kev hlub ua rau koj taug tau txoj kev seev.....twb ua rau kuv nplooj siab ntshws nrog nplooj xyoob nplooj ntoos sib tw ntxeev

Txoj kev hlub yeej tsis paub yav pem suab.....yog paub ces wb yeej tsis raug mob zoo yam li tus pom khuab

Kuv yeej tsis paub yav ntuj nram ntej nram i.....kuv tsuas paub tias xav pom koj lub suab luag li ntxhi

Ziag no koj txawm nco kuv khuam siab khuav.....ntawm kuv los twb tuav rawv koj tus duab saib tsis dhuav

Tej zaum tiam no wb tiam tau ntawv hlub tsis tiam ntawv yuav.....wb txoj kev hlub thiaj li tau raug wb txoj hmoo dhuav

Hauv kuv nplooj siab yeej ib txwm teev muaj ntshav.....niaj hnub no koj tus xyw thiaj tseem yog tus kav

Kev hlub nrog koj zaum no tau mob qhuav siab qhawv.....koj tsis paub tias kuv twb ciaj tag lawm tus neeg mob plawv



YwjSuab

YwjSuab koj Txawj seev tiag tiag li ,Ntshe kuv yuav seev tsis phim koj tab sis lam seev pauj kom lub tsev sov nawb yom .YwjSuab Yav thaum ub kuv tias cia koj dua koj kab.Vim yog koj rub zog kuv npab

vim koj tej lus qab zib.ua rau kuv qaug hlub koj tag nrho thawj zaug ntsibKoj tej lus zoo yam muaj hlau npaum.Ua rau kuv nkajnag nco koj ua caij ua thaum vim kuv ntseeg koj tej lus hais.ziag no kuv thiaj poob lub kua muag mob lub siab yam raug ntsev ntxais,hauv koj lub siab yuav nyob kaj lug.Tab sis NkaujNag nyob kho siab khuav tsis nrog luag muaj tug,

.Hauv kuv lub siab nim nco nco koj mob qhuav qhawv.zaum no kuv yog 1 tug neeg mob siab,koj thiaj dhau mus ua tus neeg mob plawv,Zaum no kuv plam koj lawm tiag.Cai kuv mam ua lub siab ntev ntoog tus mob ntxia.Txawm kuv yav nco koj los nyaj lub plawv yuav tsis tau nres,mam ua lub siab ntev tos 1

hnub twg koj li paub txog lub siab mob tsheej zag cuag mag khawb nuv ntses.........YwjSuab kuv tseem yuav tuaj xyaum ntev ntshe teej yuav seev tau zoo li koj mogZam txim ov...

lam tso zaj nkauj no los phim zaj lus seev xwb txhob xav li cas nawb .....


NagTshia.......