Seev Qhia Koj Paub

Subject: Seev Qhia Koj Paub Sun Aug 31, 2014 10:39 am

Xyaum Sau Pajhuam
Hauv Txoj Kev Nco Xwb..Sau tau tsis zoo los txhov thuam

Ncaim ntev loo.............xav tias txhob nco
Lub ntuj no.............ua siab tso mus
Mob siab ncu.............vim paub koj zoo
Me neeg zoo.............txawj tham txawj qhub

Nram ntej ub.............koj yog tus pib
Kuv tsis yib.............xav kom lom zem
Thaum tauv pem.............tso dag ua si
Wb sib ntsib............tham ua ntus zus

Wb tej lus.............rais ua zoo phoojywg
Thiaj xav poog.............nrog txoj kev nco
Tham tsheej hmo.............tsis nco tshaib plab
Tham tsheej hnub.............sijhawm khiav ceeb kawg

Pib sib ncawg.............haujlwm quas kev tham
Thiaj tau plam.............kev sib ntsib lawm
Koj ncaim lawm.............kuv lub siab mluas
Txoj kev tshua.............Cia li tsuag tag

Xav tsis tag.............vim nco koj heev
Rov tuaj seev..........kom ntsib koj dua
Tus neeg tshua............thov rov tuaj dua
Hauv huab cua.............kom rov sib pom

Zaj pajhuam no muab rau Npaujnpaim thiab Nkaujhnubqub nkawv
Ob tug kuv xub paub kuv thiaj cia li vwm tuaj ua si hauv internet lawm
thiab ntau tus phoojywg ua kuv tau nrog tso dag hauv internet no
Txawm tuav tsis txog nej lub npe los txhob tu siab
Yog koj yeej tau nrog kuv txuas lus ua ntus zus internet lawm koj yog ib tug thiab

Nkaujhnubqub tiag ma kuv yuav los teb rau hauv koj chav koj sau rau Npaujnpaim
Tab sis kuv los nkag tsis tau rau hauv es kuv thiaj los tso lub topic tshiab no

Subject: Re: Seev Qhia Koj Paub Sun Aug 31, 2014 10:46 am

Xyaum Sau Pajhuam
Hauv Txoj Kev Nco Xwb..Sau tau tsis zoo los txhob thuam

Ncaim ntev loo.............xav tias txhob nco
[size=16][i] tag kis kuv mam teb koj os me nkaujhmoob, kuv sau tau ib co lus es cia li ploj tas lawm kuv mam rov sau dua nawb tam sim no ces kuv tsis khoom lawm os, nco ntsoov tias kuv nco koj heev thiab no nawb

Ua tsaug rau koj zaj nkauj os

[size=16][i]

Subject: Re: Seev Qhia Koj Paub Sun Aug 31, 2014 11:13 am

Oh...nyob zoo os niamhluas,

Thov txim kuv tseem mus sau ib zaj rau kuv tus niamhluas lawm es kuv tsis pom koj os. Hnub no koj tsis tau khoom los tagkis koj mam rov tuaj sau ma nawb. Khoom thaum twg mam sau os. Peb tseem yuav sib ntsib txhua txhua hnub os.

Subject: Re: Seev Qhia Koj Paub Sun Aug 31, 2014 11:23 am

Txhob tu siab..........me niamhluas tus zoo

Yus coj zoo..........neej thiaj tsis puas

Los lus ntuas..........niamtxiv neej nus qhia

Khaw zoo cia..........ua neeg ncaj ncees

Tus siab kheej..........xav tau ntau tus

Tso nws mus..........raws nws siab nyiam

Luag tsis nyiam..........nws thiaj paub xav

Yog thim xav..........mam rov hlub dua

Txoj kev tshua..........ntawm neb yuav nyob

Txoj kev txhob..........yuav tsis muaj lawm

Txoj kev ncawg..........yuav rov muaj dua

Txoj kev tshua..........yuav nco ib txhis

Txhob maj chim..........hais lus luag ntxhi

Lub cuab yig..........thiaj nyob kaj nrig

Yus tus txiv..........thiaj tsis tus siab

Kev kaj siab..........thiaj muaj ntxiv nawb

Ua siab dawb..........coj lub siab ntev

Tus niam sev.........yog koj lub peevxwm

Txawm siab ntsws.........mob mob tshuav tawg

Hais lus tsawg.........luag ntxhis tas li

Nws tseem chim.........koj tsis muaj txim

Cia ntuj tsim.........cov neeg siab dub

Ua siab hlub.........kom tag tiam no

Tsis txhob tso........neej thiaj tsis ntsoog

Kav tsij yoog.........ib hnub yeej yuav zoo xob mog

Muab zaj no rau tus niamhluas Butterflylover

Kuv twb muab rau nws tom FB lawm thiab

Tab si tov kuv sau tsis tau tag...kuv sau me me nplij nws lub siab xwb

Subject: Re: Seev Qhia Koj Paub Sun Aug 31, 2014 12:33 pm

NkaujHmoob wrote:: Oh...nyob zoo os niamhluas,

Thov txim kuv tseem mus sau ib zaj rau kuv tus niamhluas lawm es kuv tsis pom koj os. Hnub no koj tsis tau khoom los tagkis koj mam rov tuaj sau ma nawb. Khoom thaum twg mam sau os. Peb tseem yuav sib ntsib txhua txhua hnub os.

Twb yog kuv los qhia koj es tag kis koj sawv ntxov ntxov los tos kuv xwb.

» Leej Twg Paub
» Koj puas xav paub???
» Qhia Seb Koj Xav Li Cas
» Rau tus neeg tsis tau paub tiag
» Sib Tw Seev Cev