Seev Qhia Koj Paub

Subject: Seev Qhia Koj Paub Sun Aug 31, 2014 10:39 am

First topic message reminder :

Xyaum Sau Pajhuam
Hauv Txoj Kev Nco Xwb..Sau tau tsis zoo los txhov thuam

Ncaim ntev loo.............xav tias txhob nco
Lub ntuj no.............ua siab tso mus
Mob siab ncu.............vim paub koj zoo
Me neeg zoo.............txawj tham txawj qhub

Nram ntej ub.............koj yog tus pib
Kuv tsis yib.............xav kom lom zem
Thaum tauv pem.............tso dag ua si
Wb sib ntsib............tham ua ntus zus

Wb tej lus.............rais ua zoo phoojywg
Thiaj xav poog.............nrog txoj kev nco
Tham tsheej hmo.............tsis nco tshaib plab
Tham tsheej hnub.............sijhawm khiav ceeb kawg

Pib sib ncawg.............haujlwm quas kev tham
Thiaj tau plam.............kev sib ntsib lawm
Koj ncaim lawm.............kuv lub siab mluas
Txoj kev tshua.............Cia li tsuag tag

Xav tsis tag.............vim nco koj heev
Rov tuaj seev..........kom ntsib koj dua
Tus neeg tshua............thov rov tuaj dua
Hauv huab cua.............kom rov sib pom

Zaj pajhuam no muab rau Npaujnpaim thiab Nkaujhnubqub nkawv
Ob tug kuv xub paub kuv thiaj cia li vwm tuaj ua si hauv internet lawm
thiab ntau tus phoojywg ua kuv tau nrog tso dag hauv internet no
Txawm tuav tsis txog nej lub npe los txhob tu siab
Yog koj yeej tau nrog kuv txuas lus ua ntus zus internet lawm koj yog ib tug thiab

Nkaujhnubqub tiag ma kuv yuav los teb rau hauv koj chav koj sau rau Npaujnpaim
Tab sis kuv los nkag tsis tau rau hauv es kuv thiaj los tso lub topic tshiab no

Subject: Re: Seev Qhia Koj Paub Thu Oct 09, 2014 9:47 pm

Nyob zoo os niamhluas,

Kuv kho tsis tau kuv lub computer lawm os....kuv mus yuav dua ib lub tshiab lawm tag sis zaum no kuv yuav lub laptop lawm xwb. Thiaj yoom yim rau kuv tus ntxhais nqa mus ua nws cov ntawv os. Tej hmo nws nqa lawm ces kuv tuaj tsis tau nrog nej tham lawm xwb.

Subject: Re: Seev Qhia Koj Paub Fri Oct 10, 2014 1:44 pm

Nej tsis paub kuv yog leej twg vim kuv tsis tau yog nej li phooj ywg

Thov nej txhob cem thiab yws cia kuv xyau nrog nej seev lus dho

Kuv mam kawm hais kom mos zam lus ntxhib thiab lus ntsawv siab

Nyob rau txheej tshoj tshiab lus zoo hais txuam nrog zoo tswv yim

Qhia kev tsim nuj cai tsim nqi txujci taw qhia pom kev vam meej

peb sib qhia txheej dhau txheej yog tsis xyeej kuv mam tuaj thuv

Tuaj nrog nej xyaum hais zoo lus tom ntej mus saib puas yoog tau nej

Kuv puas koom tau 1 txoj kev nrog nej ua ke zoo li nej tej viv ncaus

Txawm lub neej muaj kev tsaus hauv lub siab kom tuas muaj kev kaj

Vim kev zoo txoj cai ncaj peb thiaj koom tau txoj kev haumxeeb

Tej tub ki ua neej thaj yeeb lub neej tseeb neeg txoj kev ntshaw

Ntuj ceebtsheej nyob ntawm taw txoj kev hlub yog cwj cawm seej

Nco kom meej coj nyias lub neej Yajceebtshiab thov xyuam meej txhua leej.

Subject: Re: Seev Qhia Koj Paub Fri Oct 10, 2014 4:55 pm

Yajceebtshiab wrote:: Nej tsis paub kuv yog leej twg    vim kuv tsis tau yog nej li phooj ywg
Thov nej txhob cem thiab yws cia kuv xyau nrog nej seev lus dho
Kuv mam kawm hais kom mos   zam lus ntxhib thiab lus ntsawv siab
Nyob rau txheej tshoj tshiab        lus zoo hais txuam nrog zoo tswv yim
Qhia kev tsim nuj cai tsim nqi        txujci taw qhia pom kev vam meej
peb sib qhia txheej dhau txheej       yog tsis xyeej kuv mam tuaj thuv
Tuaj nrog nej xyaum hais zoo lus    tom ntej mus saib puas yoog tau nej
Kuv puas koom tau 1 txoj kev           nrog nej ua ke zoo li nej tej viv ncaus
Txawm lub neej muaj kev tsaus     hauv lub siab kom tuas muaj kev kaj
Vim kev zoo txoj cai ncaj                peb thiaj koom tau txoj kev haumxeeb
Tej tub ki ua neej thaj yeeb            lub neej tseeb neeg txoj kev ntshaw
Ntuj ceebtsheej nyob ntawm taw       txoj kev hlub yog cwj cawm seej
Nco kom meej coj nyias lub neej   Yajceebtshiab thov xyuam meej txhua leej.

Yaj ceeb tshiab………koj muaj zoo tswvyim

Hais lus ntxim……..tus neeg zoo lus

Peb txhua tus……..zoo siab txhais koj

Tsis paub koj…….yog leej twg tiag

Puas kam qhia…….koj yog leej nus

Los yog tus…….viv ncaus nyob twg?

Xav ua phoojywg…..kom paub koj tseeb

Yog tsis xyeej……..tuaj nrog peb txuas lus

Ib ntus mus……kev phoojywg yuav loj

Txoj kev nco…..yuav nyob ruaj khov

tej lus dho…..txawm tsis paub sau

Los lam seev…….ua phoojyowg sib haum xeeb

Tham qhov tseeb…..yuav ua tau phoojywg zoo xwb ma nawb…

Subject: Re: Seev Qhia Koj Paub Fri Oct 17, 2014 3:59 pm

Ua tsaug,leej muam Nkauj Dala....Cia kuv qhia rau nej ncaj

Kuv yog Hmoob xeem Yaj....lub npe tag yog Yajceebtshiab

Kuv ib txwm tsis txawj hnav tiab....tabsis kuv xyaum hnav ris

Ntshai qhov yog ces hu kuv ua tij....los kuv yeej kam los mas

Chaw nyob tsis dhau hauv menisota....tab sis tsis yog nroog txaib

Yog ua zoo nug nrhaiv raw txoj cai....ntawm cagku lijchoj

Yeej paub tseeb tshaj li hais no....qhia me ntsis rau nej xwb mog

Hais txog xeebceem thiab kev coj....Kuv nyiam koom npoj phooj ywg

Hauv siab ntsws thiab lub hlwb....Kuv nyiam zoo lus muaj txheej ntsim

Ntawm sab lajfab li tswvyim....kuj muaj txaus siv fim tej phooj ywg

Kuv yog neeg muaj kev cam hwm...saib txhua tus neeg tseemceeb

Kuv yog neeg nyiam kev thajyeeb....Kuv tsis nyiam kev quab yuam

kuv hwm tus laus hlub tus hluas....txhawb pojniam txivneej sib txig

Thov nthuav me ntsis ua kev siv fim....mam ho sib ntsib tawm tswv8

Subject: Re: Seev Qhia Koj Paub Sun Mar 22, 2015 7:07 pm

Yajceebtshiab

Kuv zoo siab txaus tos koj txhua lub sihawm

Kuv los yeej nyiam zoo xav poog nrog txhua tus phoojywg

Txawm koj yog ib leeg nus los kuv zoo siab txais tos ua tus zoo phoojywg

Thaum muaj kev nyuaj siab los thia tau tham daws kom kaj siab

Txoj kev phoojywg nrhiav tsis yoom yim vim nyias muaj nyias ib lub tswv yim

Tej tug kuj hais lus raug yus tej tug kuj hais lus tsis thwb yus

Li cas los cia peb mam sib thaum ua ntuj zus

Ib hnub nyaj lub siab lub tswv yim yuav sib xwb

» Koj puas xav paub???
» Leej Twg Paub
» Qhia Seb Koj Xav Li Cas
» Rau tus neeg tsis tau paub tiag
» Seev Kwv Txhiaj