To Nkauj Dalas
Ua tsaug ntau-----koj lub sib hawm
Twb maj rawm---haj tseem tuaj teb
Ua rau peb-----Hmoob txiv leej tub
Lub cev kub-------xav tuaj mus cuag
Xav tuaj puag---qawm lias nwj kiag
Tig xub ntiag--------sib npuab sov so
Ntshe tiam no--yuav zoo tshaj plaws
Txhob npau taws---cem tias kuv liam
Vim poj niam---------zoo nkauj li koj
Lub siab loj-------thiab lub siab dawb
Thiaj xav tawb------xav caum koj kev
Koj lub cev---------thiaj tseem das las
Kuv saib mas------zoo tau dawb paug
Nqos qaub ncaug-----rau koj tas nrho
Zoo li no------------puas yog puas hlwb
Ntshe kuv twb---puas hlwb lawm tiag
Kuv twb nyiag--------muab koj xav tas
Xav npaum cas---------los tsis zoo siab
Koj tus ntxhiab----yim deev kuv plawv
Ntuj os lawv-------Hmoob tej mi ntxais
Cas txawj hais-----------tej lus qab zib
Thov kom ntsib---------tau hlub ib zaug
Hmoob laus nraug----yuav zoo siab hlo
Yuav tsis nco---------qab txog khuv xim
Thov txhob sim------kom kuv muaj siab
Ces koj ntiab----kuv tawm thaum kawg
Ntshe txiv yawg-----yuav tub siab nrho
Yuav nkaus hlo----hauv kuab taw hnyuv
Nqos nrov rhuv-------rau puag qab plab
Kom ciaj dab------------mam los tos koj
Mam los coj---------------koj ua kuv luag
Lub kua muag---------thiaj yuav tsis los
Hais ib hmos------------los ntshe tsis tas
Hmoob das las---------thov xaus tseg no
Tsam koj ho------------cem tias sau ntau
Niag taub hau-------tsis puv 100...no os
Home 
Calendar
