Seev Qhia Koj Paub

Subject: Seev Qhia Koj Paub Sun Aug 31, 2014 10:39 am

First topic message reminder :

Xyaum Sau Pajhuam
Hauv Txoj Kev Nco Xwb..Sau tau tsis zoo los txhov thuam

Ncaim ntev loo.............xav tias txhob nco
Lub ntuj no.............ua siab tso mus
Mob siab ncu.............vim paub koj zoo
Me neeg zoo.............txawj tham txawj qhub

Nram ntej ub.............koj yog tus pib
Kuv tsis yib.............xav kom lom zem
Thaum tauv pem.............tso dag ua si
Wb sib ntsib............tham ua ntus zus

Wb tej lus.............rais ua zoo phoojywg
Thiaj xav poog.............nrog txoj kev nco
Tham tsheej hmo.............tsis nco tshaib plab
Tham tsheej hnub.............sijhawm khiav ceeb kawg

Pib sib ncawg.............haujlwm quas kev tham
Thiaj tau plam.............kev sib ntsib lawm
Koj ncaim lawm.............kuv lub siab mluas
Txoj kev tshua.............Cia li tsuag tag

Xav tsis tag.............vim nco koj heev
Rov tuaj seev..........kom ntsib koj dua
Tus neeg tshua............thov rov tuaj dua
Hauv huab cua.............kom rov sib pom

Zaj pajhuam no muab rau Npaujnpaim thiab Nkaujhnubqub nkawv
Ob tug kuv xub paub kuv thiaj cia li vwm tuaj ua si hauv internet lawm
thiab ntau tus phoojywg ua kuv tau nrog tso dag hauv internet no
Txawm tuav tsis txog nej lub npe los txhob tu siab
Yog koj yeej tau nrog kuv txuas lus ua ntus zus internet lawm koj yog ib tug thiab

Nkaujhnubqub tiag ma kuv yuav los teb rau hauv koj chav koj sau rau Npaujnpaim
Tab sis kuv los nkag tsis tau rau hauv es kuv thiaj los tso lub topic tshiab no

Subject: Re: Seev Qhia Koj Paub Tue Sep 02, 2014 4:12 am

Kuv los teb koj lawm os Nkaujhmoob

Me Nkaujhmoo------------ tus zoo lus aw
Txoj kev ntshaw---------- lus txhawb zog
Ces yeej nrog------------ yus nyob nraim
Tsis xav ncaim---------------- ib me pliag

Lo lus npliag--------------- yus khaws cia
Cawm tau sia-------------- thiab me siab
Thiaj nyob kiab------------ nrog lub neej
Kuv nco meej------------ tias tshuav koj

Wb sib coj--------------- cog sib qhia no
Kuv tseem nco------------ koj tsis ploj li
Ntuj tsaus nti--------- tseem sib tos nov
Yog xav hnov------------ koj lo lus tawb

Hnov koj txhawb----- koj lub suab luag
Tuaj sib cuag -------tas li xwb mas mog
Nim tias yog---- koj nyob deb ncua ntev
Wb txoj kev--------- tsis ntsib tsis cuag

Lub kua muag-------- thiaj li nrog poob
Me Nkaujhmoob------ kuv yeej nco koj
Yeej tsis ploj------ hauv kuv siab ntsws
Thaum kev tws----- ces xav hu koj pab

Los ua nyab ------nyob tsis sib ze kiag
Thiaj nrhiav liag------ tsis tau koj xwb
Thaum mob hlwb--- ces quaj twj ywm
Tsis paub tshwm-- nrog leej twg li tiag

Subject: Re: Seev Qhia Koj Paub Wed Sep 17, 2014 9:45 pm

Niamhluas Nkaujhnubqub

Koj ma keej.........keej heev tuaj lawm os

Tej lus mos........koj hais txhob zog

Ces yeej nrog........yus mus ib txhis

los lus ntxhi........koj qhub pliag lias

Yuav nco cia.......hauv nruab siab mog

Kuv muaj zog........loj ciaj sia mus

Vim me Nkaujhnubqub....hais zoo lus qhia

Thiaj nrhiav lias........txhua txoj kev cuag

Me niam hluas..........tej lus qab zib

Tsis hais ntxhib.........rau leej twg li

Luag ntxhaw ntxhi....rau peb dawv daws

nws yeej daws........tau txhua tus nploojsiab

Nyob kaj siab......thov yawm saub vajtswv

Tsom kwm nws....mus ib txhia ib txhis......

Subject: Re: Seev Qhia Koj Paub Wed Sep 17, 2014 9:55 pm

Me nraug hmoob..........wb tsis sib tau
Lub xyoo dhau...........mus lawm ntau xyoo
Koj nyob zoo...........los nyob mluas mlos
Txoj kev nco...........tsis tau hnov qab

Kuv ua nyab...........tsis yog khiav koj
Yog luag zoj...........tuaj nqis tsev hais
Niam txiv txais...........luag nyiaj tshoob kos
Tsis kam los...........niam txiv yuam mus

Ncaim koj mus...........ua luag nyab lawm
Mus muaj nkawm...........tu luag tus kis
Lub cuab yig...........yuav tau txhim kho
Txoj kev nco...........yuav tau tso mus

Me leej nus...........wb kev nkauj nraug
Ntawv tsis raug...........thiaj tsis sib tau
Koj txhob npau...........mus npaj lub neej
Txhob tug nkeeg...........lub neej thiaj zoo

Ua neeg zoo...........hlub tus koj tau
Kev nkauj nraug...........txhob khaw nco lawm
kev txij nkawm...........tsuas zoo thawj tug
Neej kaj lug...........yog txawj sib hlub

Tus kuv hlub...........tsis yog koj lawm
Kuv tus nkawm...........yog kuv txoj sia
Yuav tsis khiav...........rov qab los dua
Txoj kev tshua...........ntawm wb tso mus

Tej neej nus...........thiaj muaj kev vam
Tej neej tsa...........kwv tij sawv daws
Thiaj pab txhawb......lub neej thiaj tsheej

Subject: Re: Seev Qhia Koj Paub Thu Sep 18, 2014 5:06 am

Nkauj_Dala wrote:: Niamhluas Nkaujhnubqub

Koj ma keej.........keej heev tuaj lawm os
Tej lus mos........koj hais txhob zog
Ces yeej nrog........yus mus ib txhis
los lus ntxhi........koj qhub pliag lias
Yuav nco cia.......hauv nruab siab mog
Kuv muaj zog........loj ciaj sia mus
Vim me Nkaujhnubqub....hais zoo lus qhia
Thiaj nrhiav lias........txhua txoj kev cuag
Me niam hluas..........tej lus qab zib
Tsis hais ntxhib.........rau leej twg li
Luag ntxhaw ntxhi....rau peb dawv daws
nws yeej daws........tau txhua tus nploojsiab
Nyob kaj siab......thov yawm saub vajtswv
Tsom kwm nws....mus ib txhia ib txhis......

Nev nev koj twb txawj nqee txawj qhub kawg li lawm ne...
Kuv zoo siab tshaj li lawm os pom koj me hneev tes na Very Happy

Me niam laus e -------------------kuv ces twb tsis paub
Tsuas hais saub ------------------tawm hauv siab tuaj
Vim tib neeg ----------------------twb tsis tuaj coob
Thiaj hu hmoob-------------------thiab koj kom tshwm

Nyob tsis tswm--------------------vim laj tos koj tuaj
Vim koj muaj-----------------------lo lus txhawb kuv
Thiaj li thuv-------------------------tuaj zaum tos koj
Kom koj coj-------------------------kuv mus ncig ua si

Nco koj kawg li----------------------kuv paub lo no
Qhia tias nco------------------------nco tas los nco thiab

Subject: Re: Seev Qhia Koj Paub Thu Sep 18, 2014 8:32 pm

nkaujhnubqub wrote:: Nev nev koj twb txawj nqee txawj qhub kawg li lawm ne...
Kuv zoo siab tshaj li lawm os pom koj me hneev tes na

Me niam laus e -------------------kuv ces twb tsis paub
Tsuas hais saub ------------------tawm hauv siab tuaj
Vim tib neeg ----------------------twb tsis tuaj coob
Thiaj hu hmoob-------------------thiab koj kom tshwm

Nyob tsis tswm--------------------vim laj tos koj tuaj
Vim koj muaj-----------------------lo lus txhawb kuv
Thiaj li thuv-------------------------tuaj zaum tos koj
Kom koj coj-------------------------kuv mus ncig ua si

Nco koj kawg li----------------------kuv paub lo no
Qhia tias nco------------------------nco tas los nco thiab

Me niam hluas...........los lus qhub qhia
Kuv paub tiag...........seev los lus dho
Kuv tseem qog...........li me nyuam ab
Hais tsis tshab..........lus dho tsis ntxaws

Kuv tseem kawm...........hais tsis zoo li
Koj lam ntxhi...........kom kuv zog loj
Mus ua noj...........thiaj tsis nco nkees
Vim koj kheev...........tham luag ntxhi es

Nyaj tsis ntev...........kuv cov lus dho
Muaj lub zog...........yuav ua koj nco
Tham txhua hmo...........koj yuav tsis nkees
Wb mam plees...........li thuam ub yom

Me niamhluas mos...........koj yog vivncaus zoo
Txoj hmoov zoo...........ntsib koj tiam no
Hais lus nco...........txhua hnub txhuaj sijhhawm
Yog hmoov sawm..........thiaj tau sib ntsib

Xav ua si...........nce roob nqis hav
Kuv yeej xav...........nrog koj txhua zaus
Tsuav koj txaus...........siab thiaj muaj caij
Koj tsis taij...........kuv yeej paub kawg

» Koj puas xav paub???
» Leej Twg Paub
» Qhia Seb Koj Xav Li Cas
» Rau tus neeg tsis tau paub tiag
» Seev Kwv Txhiaj