Seev Kwv Txhiaj

Subject: Seev Kwv Txhiaj Mon Oct 22, 2012 10:36 am

First topic message reminder :

Kwv txhiaj qhib rooj rau ib tsoom phooj ywg nkauj muam nraug nus s/d tuaj laug sib hawm ua si...........

Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txawm, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus thuav ntawv.
Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txais, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus sib hais.

Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis nroj, kuv xav nrog koj hais tuj tiag ces kuv cev zoj lawm niaj ib sob lus tuaj rau koj.
Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis suv, koj xav nrog kuv hais tuj tiag ces koj cev zoj lawm niaj ib sob lus tuaj rau koj.

Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab rwb txiv nraug txawg txawj txawg ces yuav txawg lis zoj tuaj rau nruab paig, tus me paj ntsha lus taum ces tsis yog niam nkauj txawg yuav hais kom txiv nraug txawg tais.
Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab paig txiv nraug txawg txawj txawg ces yuav txawg lis zoj tuaj rau nruab rwb, tus me paj ntsha lus taum ces tsis yog txiv nraug txawg yuav hais kom niam nkauj txawg swb.

Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ntsuas, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib cuag.
Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ib, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib ntsib.

Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav twm, peb ib tsoom me plees nkauj nraum hais tus paj ntsha lus taus ces yuav hais raws li kev sib swm.
Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav zaub, peb ib tsoom me plees nkauj nraum hais tus paj ntsha lus taus ces yuav hais raws li kev sib paub.

Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib niab, peb yuav hais tus paj ntsha lus taum raws li peb txoj kev mus kaj siab.
Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib zawv, peb yuav hais tus paj ntsha lus taum raws li peb txoj kev mus kaj plawv.

Yuav zoo lub laj xeeb tis ua xais, ntaus ntiag peb tsoom phooj ywg nkauj muam nraug nus no lub suab hais.

Subject: Re: Seev Kwv Txhiaj Mon Nov 19, 2012 4:52 am

nkaujhnubqub wrote:: zaj kwv txhiaj na, lawv cov laus hais qhia kuv tias yog yus hais kwv txhiaj yuav tsum hais kom muaj 3 txwm no na
nyuam qhuav ib txwm xwb na

koj ma sislem txawj tham ua luaj ua kuv tuaj dab ros heev koj tsis paub i laugh laugh u es i kua muag los sab tom ub no lawm u tsis pom i xwb ma los tsawg txwm los ok ma xab maim no tsis ua cas li os Laughing

Subject: Re: Seev Kwv Txhiaj Mon Nov 19, 2012 4:58 am

hais tau txwm ob lawm ne ... txhob luag luag ma... Very Happy

tsam kuv plab to hais lus tsis meej lawm laiv niam hluas a! Embarassed

niam hluas kuv twb seev tas lawm os kuv yuav xyaum seev ib zaj kwb txhiaj ntsuag li koj hais na...cia seev tau no mam tuaj tso rau hauv no peb nyeem os.

Subject: Re: Seev Kwv Txhiaj Tue Nov 20, 2012 7:11 am

nkaujhnubqub wrote:: nij yais... txiv leej tub, ntshe me noog lus txawj ya tsis txawj tsaws, yuav tsaws ntua leej niam leej txi lub mus ru tsev, Wb daj dee plees nkauj nraum zoo luaj no es puas yuav muaj hnub txiv leej tub nraug Ywjsuab li koj yuav tuav niam leej ntxhais nkaujhnubqub mus ua lawm koj ib leeg sev

nij yais... txiv leej tub, ntshe me noog lus txawj ya tsis txawj tsaws, yuav tsaws ntua leej niam leej txi tus me yees nthab, Wb daj dee plees nkauj nraum zoo luaj no es puas yuav muaj hnub txiv leej tub nraug Ywjsuab li koj yuav tuav niam leej ntxhais nkaujhnubqub mus ua lawm koj ib leeg nyab.

nij yais... txiv leej tub, ntshe me nkaujnoog yuav tos kom tau nrog me launoog, nkawv yuav ya mus lawm qaum ntuj tawg, ntshe yuav mus ua lawm lub neej nyob kaj siab lawm tej sib plaws.

leej tub, ntshe me nkaujnoog yuav tos kom tau nrog me launoog, nkawv yuav ya mus lawm qaum ntuj ntsuab, ntshe yuav mus ua lawm lub neej nyob kaj siab lawm txawj sib npuab.

Niam yais txiv leej tub, khaub plees nkauj nraum zoo luaj no, koj nim tsa lub ncauj hais zoo luaj no tiag es koj hais daj los hais dub, tsis txhob lam daj dee niam nkaujhnubqub mus zov lawm ntuj cub.
txiv leej tub, khaub plees nkauj nraum zoo luaj no, koj nim tsa lub ncauj hais zoo luaj no tiag es koj hais tiag los hais cuav, tsis txhob lam daj dee niam nkaujhnubqub mus zov lawm koj tawv quav.

Cas nim yuav xau xis daim me nplooj xyoob, yog txiv tub tsis daj lom deev tiag ces niam nkaujhnubqub yuav zov tsis leej tub hnub tawm mus kom txog hnub poob.

Niaj yai.....cas tus me noog nkauj hnub qub twb txawj ya es tsis txawj tsaws thiaj li ya tuaj mus tsaws tsis ncaj rau lawm ywj suab ntsis ciab, niam leej txhais li koj nim hais zoo lawm luaj no los txiv leej tub ntshai lawm ruj rwg tias koj twb muab tag lawm tus zoo xab xeeb xyuam zoo ywg koj ncauj lam daj siab tsis deev es daj dag kom txiv li tub li kuv no nyob mus dai siab ni.

Cas tus me noog nkauj hnub qub twb txawj ya es tsis txawj tsaws thiaj li ya tuaj mus tsaws tsis ncaj rau lawm ywj suab ntsis rawv, niam leej txhais li koj nim hais zoo lawm luaj no los txiv leej tub ntshai lawm ruj rwg tias koj twb muab tag lawm tus zoo xab xeeb xyuam zoo ywg koj ncauj lam daj siab tsis deev es daj dag kom txiv li tub li kuv no nyob mus dai plawv yuas.

Niaj yai.....me niam leej ntxhais nkauj hnub qub cas ceeb tsheej vaj paj yuav txawj tawg paj mus ua ntshua es txi txiv mus ua khub, niam leej ntxhais nkauj hnub qub cas koj yuav hais zoo lawm luaj no yog kuv txiv leej tub muaj txoj hmoo daj deev tau koj los ua kuv tus niam tsev ntshe txiv leej tub yuav tsis nco ntshaw lawm lwm tws txoj kev hlub ni.

Me niam leej ntxhais nkauj hnub qub cas ceeb tsheej vaj paj yuav txawj tawg paj mus ua ntshua es txi txiv mus ua nthua, niam leej ntxhais nkauj hnub qub cas koj yuav hais zoo lawm luaj no yog kuv txiv leej tub muaj txoj hmoo daj deev tau koj los ua kuv tus niam tsev ntshe txiv leej tub yuav tsis nco ntshaw lawm lwm tws txoj kev tshua yuas.

Niaj yai.....hmoob tej ntxhais cas qab tsua txawm tau lawm daim nplooj tsawb txho qaum tsua li txawm muaj tau lawm daim mus nplooj tsawb liab, txiv leej tub li kuv no yeej daj tiag seev tseeb yuav tsis daj dag kom koj niam leej ntxhai nkauj hnub qub nyob mus dai siab tos kuv ntsuj ntsoov rau lub ntuj nag tawm rau ntuj tshiab ni.

Hmoob tej ntxhais cas qab tsua txawm tau lawm daim nplooj tsawb liab qaum tsua li txawm muaj tau lawm daim mus nplooj tsawb txho, txiv leej tub li kuv no yeej daj tiag seev tseeb yuav tsis daj dag kom koj niam leej ntxhai nkauj hnub qub nyob mus dai siab tos kuv ntsuj ntsoov rau lub ntuj sov tawm rau ntuj no yuas.

Ces yuav zoo lawm lub laj xeeb xaus xi rau me nkauj hmoob, txiv leej tub yuav tuav lawm koj tes ruj raws mus zaum saib lub me hnub poob.

Subject: Re: Seev Kwv Txhiaj Tue Nov 20, 2012 8:02 am

YwjSuab wrote:: Niaj yai.....cas tus me noog nkauj hnub qub twb txawj ya es tsis txawj tsaws thiaj li ya tuaj mus tsaws tsis ncaj rau lawm ywj suab ntsis ciab, niam leej txhais li koj nim hais zoo lawm luaj no los txiv leej tub ntshai lawm ruj rwg tias koj twb muab tag lawm tus zoo xab xeeb xyuam zoo ywg koj ncauj lam daj siab tsis deev es daj dag kom txiv li tub li kuv no nyob mus dai siab ni.

Cas tus me noog nkauj hnub qub twb txawj ya es tsis txawj tsaws thiaj li ya tuaj mus tsaws tsis ncaj rau lawm ywj suab ntsis rawv, niam leej txhais li koj nim hais zoo lawm luaj no los txiv leej tub ntshai lawm ruj rwg tias koj twb muab tag lawm tus zoo xab xeeb xyuam zoo ywg koj ncauj lam daj siab tsis deev es daj dag kom txiv li tub li kuv no nyob mus dai plawv yuas.

Niaj yai.....me niam leej ntxhais nkauj hnub qub cas ceeb tsheej vaj paj yuav txawj tawg paj mus ua ntshua es txi txiv mus ua khub, niam leej ntxhais nkauj hnub qub cas koj yuav hais zoo lawm luaj no yog kuv txiv leej tub muaj txoj hmoo daj deev tau koj los ua kuv tus niam tsev ntshe txiv leej tub yuav tsis nco ntshaw lawm lwm tws txoj kev hlub ni.

Me niam leej ntxhais nkauj hnub qub cas ceeb tsheej vaj paj yuav txawj tawg paj mus ua ntshua es txi txiv mus ua nthua, niam leej ntxhais nkauj hnub qub cas koj yuav hais zoo lawm luaj no yog kuv txiv leej tub muaj txoj hmoo daj deev tau koj los ua kuv tus niam tsev ntshe txiv leej tub yuav tsis nco ntshaw lawm lwm tws txoj kev tshua yuas.

Niaj yai.....hmoob tej ntxhais cas qab tsua txawm tau lawm daim nplooj tsawb txho qaum tsua li txawm muaj tau lawm daim mus nplooj tsawb liab, txiv leej tub li kuv no yeej daj tiag seev tseeb yuav tsis daj dag kom koj niam leej ntxhai nkauj hnub qub nyob mus dai siab tos kuv ntsuj ntsoov rau lub ntuj nag tawm rau ntuj tshiab ni.

Hmoob tej ntxhais cas qab tsua txawm tau lawm daim nplooj tsawb liab qaum tsua li txawm muaj tau lawm daim mus nplooj tsawb txho, txiv leej tub li kuv no yeej daj tiag seev tseeb yuav tsis daj dag kom koj niam leej ntxhai nkauj hnub qub nyob mus dai siab tos kuv ntsuj ntsoov rau lub ntuj sov tawm rau ntuj no yuas.

Ces yuav zoo lawm lub laj xeeb xaus xi rau me nkauj hmoob, txiv leej tub yuav tuav lawm koj tes ruj raws mus zaum saib lub me hnub poob.

Niaj yais...txiv leej tub, saum ntuj muaj lawm huab dawb nrog lawm hnub ci, ntiaj teb ces ntshe yuav muaj lawm nkaujhnubqub thiab nraug Ywjsuab luag li ntxhi, ntshe yuav tuav tes ruj rawv mus ncig yuj yeev lub mi ntuj ceeb tsheej lawm tej mus sib tiag, ntshe yuav ua nkauj ua nraug nyob nrog lawm huab thiab nrog lawm cua ya tej mus sib liag.

niaj yais...txiv leej tub, saum ntuj muaj lawm huab dawb nrog lawm kaj hnub , ntiaj teb ces ntshe yuav muaj lawm nkaujhnubqub thiab nraug Ywjsuab luag li ntxhub, ntshe yuav tuav tes ruj rawv mus ncig yuj yeev lub mi ntuj ceeb tsheej lawm tej mus sib zawv, ntshe yuav ua nkauj ua nraug nyob nrog lawm huab thiab nrog lawm cua ya tej mus sib ntxhawv.

nij yais txiv leej tub, ntiaj teb ces muaj lawm me nas dhia, saum ntuj ces yuav muaj lawm me noog luv yuj, yuav yuj lias tuaj mus poo ua npoj, txiv leej tub nraug Ywjsuav txawj hais lus qab zib tag npaum li koj. Ntshe yuav cia tus nab raj pw saum yaj, es tus mi nas kos lam pw nruab dej, ntshe kuv niam leej ntxhais nco nco txiv leej tub nraug Ywjsuab los ntshe yuav tsis tau nej.

nij yais txiv leej tub, ntiaj teb ces muaj lawm me nas dhia, saum ntuj ces yuav muaj lawm me noog luv yuj, yuav yuj lias tuaj mus poo ua pawg, txiv leej tub nraug Ywjsuav txawj hais lus qab zibthiaj ua rau kuv niam leej ntxhais ncawg. Ntshe yuav cia tus nab raj pw saum yaj, es tus mi nas kos lam pw nruab a, ntshe kuv niam leej ntxhais nco nco txiv leej tub nraug Ywjsuab los ntshe yuav tsis tau lawm nej li na.

Nij yais... txiv leej tub, lub niaj twb tos lub xyoo txog tav ntuj zeeg niam no, twb tsis muaj tshav los ziab, cas xyoo no kuv yuav hnov tas nraug Ywjsuab sau kwv txhiaj tuaj mus daib nkaujhnubqub siab, ntshe me noog liaj twb tos tos menoog luv nrog tuaj ya ua ke, YwbSuab nim hais zoo luaj no los tseem yuav cia tos, los ntshe nkaujhnubqub twb xav yaj ntshi los ua kiag YwjSuab tus me zoo niam tse.

Nij yais... txiv leej tub, lub niaj twb tos lub xyoo txog tav ntuj zeeg niam no, twb tsis muaj tshav los kub, cas xyoo no kuv yuav hnov tas nraug Ywjsuab sau kwv txhiaj tuaj mus dai tas nkaujhnubqub lub me siab hlub, ntshe me noog liaj twb tos tos menoog luv nrog tuaj ya sib ncig, YwbSuab nim hais zoo luaj no los tseem yuav cia tos, los ntshe nkaujhnubqub twb xav yaj ntshi los ua kiag YwjSuab tus me zoo niam tse nrog YwjSuab nyob kom muaj mus ib yig.

Ces yuav xaus li xi mus rau nraughmoo tus muaj txiaj ntshe niam nkaujhnubqub yuav laj muab lub xyoo mus laug tos txog lu niaj. hehehe

Subject: Re: Seev Kwv Txhiaj Wed Nov 21, 2012 8:32 am

nkaujhnubqub wrote:: Niaj yais...txiv leej tub, saum ntuj muaj lawm huab dawb nrog lawm hnub ci, ntiaj teb ces ntshe yuav muaj lawm nkaujhnubqub thiab nraug Ywjsuab luag li ntxhi, ntshe yuav tuav tes ruj rawv mus ncig yuj yeev lub mi ntuj ceeb tsheej lawm tej mus sib tiag, ntshe yuav ua nkauj ua nraug nyob nrog lawm huab thiab nrog lawm cua ya tej mus sib liag.

niaj yais...txiv leej tub, saum ntuj muaj lawm huab dawb nrog lawm kaj hnub , ntiaj teb ces ntshe yuav muaj lawm nkaujhnubqub thiab nraug Ywjsuab luag li ntxhub, ntshe yuav tuav tes ruj rawv mus ncig yuj yeev lub mi ntuj ceeb tsheej lawm tej mus sib zawv, ntshe yuav ua nkauj ua nraug nyob nrog lawm huab thiab nrog lawm cua ya tej mus sib ntxhawv.

nij yais txiv leej tub, ntiaj teb ces muaj lawm me nas dhia, saum ntuj ces yuav muaj lawm me noog luv yuj, yuav yuj lias tuaj mus poo ua npoj, txiv leej tub nraug Ywjsuav txawj hais lus qab zib tag npaum li koj. Ntshe yuav cia tus nab raj pw saum yaj, es tus mi nas kos lam pw nruab dej, ntshe kuv niam leej ntxhais nco nco txiv leej tub nraug Ywjsuab los ntshe yuav tsis tau nej.

nij yais txiv leej tub, ntiaj teb ces muaj lawm me nas dhia, saum ntuj ces yuav muaj lawm me noog luv yuj, yuav yuj lias tuaj mus poo ua pawg, txiv leej tub nraug Ywjsuav txawj hais lus qab zibthiaj ua rau kuv niam leej ntxhais ncawg. Ntshe yuav cia tus nab raj pw saum yaj, es tus mi nas kos lam pw nruab a, ntshe kuv niam leej ntxhais nco nco txiv leej tub nraug Ywjsuab los ntshe yuav tsis tau lawm nej li na.

Nij yais... txiv leej tub, lub niaj twb tos lub xyoo txog tav ntuj zeeg niam no, twb tsis muaj tshav los ziab, cas xyoo no kuv yuav hnov tas nraug Ywjsuab sau kwv txhiaj tuaj mus daib nkaujhnubqub siab, ntshe me noog liaj twb tos tos menoog luv nrog tuaj ya ua ke, YwbSuab nim hais zoo luaj no los tseem yuav cia tos, los ntshe nkaujhnubqub twb xav yaj ntshi los ua kiag YwjSuab tus me zoo niam tse.

Nij yais... txiv leej tub, lub niaj twb tos lub xyoo txog tav ntuj zeeg niam no, twb tsis muaj tshav los kub, cas xyoo no kuv yuav hnov tas nraug Ywjsuab sau kwv txhiaj tuaj mus dai tas nkaujhnubqub lub me siab hlub, ntshe me noog liaj twb tos tos menoog luv nrog tuaj ya sib ncig, YwbSuab nim hais zoo luaj no los tseem yuav cia tos, los ntshe nkaujhnubqub twb xav yaj ntshi los ua kiag YwjSuab tus me zoo niam tse nrog YwjSuab nyob kom muaj mus ib yig.

Ces yuav xaus li xi mus rau nraughmoo tus muaj txiaj ntshe niam nkaujhnubqub yuav laj muab lub xyoo mus laug tos txog lu niaj. hehehe

Niaj yai…niam leej ntxhais Nkaujhnubqub cas es saum ntuj nim muaj lawm noog liaj ya caum me noog luv ya mus puv ntuj, niam leej ntxhais plees nkauj nraug hais zoo lawm luaj no cia lub ntuj ceeb tsheej no muaj lawm niam Nkaujhnubqub thiab txiv nraug Ywjsuab tus me hneev taw tsuj ni.

Niam leej ntxhais Nkaujhnubqub cas es saum ntuj nim muaj lawm noog liaj ya caum me noog luv ya mus puv hav, niam leej ntxhais plees nkauj nraug hais zoo lawm luaj no cia lub ntuj ceeb tsheej no muaj lawm niam Nkaujhnubqub thiab txiv nraug Ywjsuab tus me duab tshav.

Niaj yai…niam leej ntxhais Nkaujhnubqub cas es ntiaj teb no nim txawj txawm tau zee s yuav txawm zoj zeeg tau lawm phab zeb tav, plees nkauj nraug hais zoo ua luaj no lawm ces txiv leej tub li cia niam Nkaujhnubqub ib leeg pw plhws lawm txiv leej tub Ywjsuab lub me xub ntiag luag li nyav ni.

Niaj yai…niam leej ntxhais Nkaujhnubqub cas es ntiaj teb no nim txawj txawm tau zee s yuav txawm zoj zeeg tau lawm phab zeb ti, plees nkauj nraug hais zoo ua luaj no lawm ces txiv leej tub li cia niam Nkaujhnubqub ib leeg pw plhws lawm txiv leej tub Ywjsuab lub me xub ntiag luag li ntxhi yuas.

Niaj yai…niam leej ntxhais Nkaujhnubqub cas es ceeb tsheej ntuj no luag nim muaj lawm zoo khub mus zoo nkawm tuav tev ruj rawv seev yees rau lub ntuj tshiab, ntuj ceeb tsheej no yog niam leej ntxhais li koj hais tiag ces txiv leej tub li kuv no yuav muaj koj niam Nkaujhnubqub tus me muaj xom lees luag li nyav tuav tes tuj rws mus nrog luag kav kiab ni.

Niaj yai…niam leej ntxhais Nkaujhnubqub cas es ceeb tsheej ntuj no luag nim muaj lawm zoo khub mus zoo nkawm tuav tev ruj rawv seev yees rau lub ntuj tsaus, ntuj ceeb tsheej no yog niam leej ntxhais li koj hais tiag ces txiv leej tub li kuv no yuav muaj koj niam Nkaujhnubqub tus me muaj xom lees luag li nyav tuav tes tuj rws mus nrog luag khwv noj khwv haus yuas.

Ces nim yuav zoo lawm lub laj xeeb xau li xi rau tim toj, zaum no nyob ceeb tseej ces Ywjsuab yuav nrog luag muaj poj.

» Mloog Kwv Txhiaj
» TXHIAJ TXHAIS
» Los peb hais, "Kwvtxhiaj"
» Lub chaw mloog kwv txhiaj
» Kuv cov lus seev