KUV COV PAJ HUAM

Subject: KUV COV PAJ HUAM Thu Nov 15, 2012 12:29 pm

First topic message reminder :

KUV COV PAJ HUAM

Ntsuj Plig - Lus Tshaj Tawm

Ntawm no mus yog lus paj huam
hais cuam tshuam rau txoj kev hlub
nkauj hnub qub yog tus niam tsev
ua siab ntev cia tij laug tham
nkauj tshia nag tus uas kuv nco
kuv hais no nws yeej muaj tiag
tshuav nkauj nyiag tus uas nyob deb
tus ncaim peb ces yog npauj npaim
butterfly ya puag pem roob
me nkauj hmoob koj yog leej twg
qub phooj ywg kuv me pajzoo
tau ntau xyoo uas tsis sib ntsib
kuv thov qhib tham lus txuas ntxiv
npawg admin yog kuv hais dhau
los txhob npau 8tos8nco
kuv hais no xav tuaj txhawb nej
yav nram ntej kuv tuaj ua si
nws zoo li muaj neeg coob heev
sib tw seev mas lom zem kawg
tiag leej npawg cas zaum no tuaj
ho tsis muaj lawv mus twg tas
kuv mam ras yog lawv tuaj kawm
thaum lawv txawj mus qhib site tshiab
tshuav tus ntxhiab tso rau heaven
tsuas yog seem peb ob - peb tug
los lam lug nyob li kauv plis
nyaj ib ntsis yuav muaj neeg tuaj ntxiv os.....Mog!!!

Subject: Re: KUV COV PAJ HUAM Sun Feb 23, 2014 7:03 am

8tos8nco.....

Ua tsaug qhov koj tseem muab sij hawm los nyeem kuv cov paj huam thiab os
txawm yog tias Nkauj Hnub Qub yuav tsis tuaj lawm los tshuav peb tsawg tus
peb mam sib ua luag nyob mas.

Subject: Re: KUV COV PAJ HUAM Sun Feb 23, 2014 7:19 am

Kab Noog.......

Ntev kawg uas tsis pom lub npe Kab Noog li lawm twb xav tias ntshe
yuav tag tiam no tsis ntsib lawm no cas hnub no tseem rov ua rau
kuv rov nco txog thawj hnub tau ntsib Kab Noog thiab os.

Kaj ntug txoog hnov Kab Noog quaj
nco ua luaj yuav ua cas nyob
lub siab mob npaum nkaus xob tua
nplooj siab cua ya yuj txhua qhov
hu tsis hnov Kab Noog suab teb
ncua kev deb leeg nyob sab ntuj
qhov muag yuj taw tsuj tsis txog
ntuj tag hmo tseem ua yog toog
puag Kab Noog rau nruab dab ntub
caij nruab hnub tseem ua npau suav
tias tau tuav Kab Noog txhais tes
rua muag ces snow dawb vog
rov xav txog thaum ntsib Kab Noog
kaj ntug txoog qhov muag tsis ntxuav
sawv nrov khuav xuas computer
lub sij hawm nkag tau tojsiab
yeej cia siab yuav ntsib Kab Noog
tsa ntsej mloog txawm hnov suab ntxhi
tias honey koj tuaj lawm los
zoo siab hlo tig los sib puag
wb zoo cuag nkauj hnub nraug hli
nyob ib txhis tsis muaj hnub ploj
ua cas koj thiaj li hloov siab
nriav tus tshiab muab kuv tso cia
xuas kev dhia mus puag luag lawm
pom kuv tawm ua txoj tsis paub
yam tej aub tseem cav zim kaus
ua khws nkaus tsis tau sib pom....puas yog na???

Subject: Re: KUV COV PAJ HUAM Mon Feb 24, 2014 2:24 pm

Ntuj nis Kuv me nraug noog tus ntxim hlub,Nyiaj thiab kub yeej pauv tsis tau wb yav thaum nyob zos toj siab,Nkauj hnub tuaj ziab, suab nas noog quaj xi nqiab,Kho kuv lub siab yuav tuaj cuag koj,Mov twb tsis tau nojtwb mus nrhiav koj ua ntej.Yeem haus dej yoo los tsis tshaib.Tsuav tau saib pom koj lw tes,Tham sib zes hais lus dai plawv,Mob siab qhuav qhawv cas tsis pom kiag,Tham 1 pliag tsis txaus lub siab thiab li ntsiab xov tooj los hu,Hnov lo lus los zoo siab heev.hais lus seev dai siab tiag tiag,Tham 1 pliag nco koj tshaj qub,Kua muag ntub ntws si ntawm plhu,suab lus tu koj hais tsis teb,Xim xav seb nws yog dab tsi.Suab quaj ntxhi hais lus tsis taus,Vim nco dhau txoj pa yuav yaj,mob siab tshaj hais lus tsis tawm,puas nco lawm koj hais li cas,Kuv nco tas koj tau hais tias,Ua siab txias kuv hlub koj dhau,Txawm ntuj nphau los koj tsis tso,nco luaj no kom kuv txhob quaj koj mam tuaj puag kuv 1 zaug,Kuv tos ntuj tshiab dhau ntuj tsaug , niaj dhau mus ua xyoo ,mob siab puas ntsoog tuav txoj kev nco,Ntawm txhua hmo yeej hais good bye,Mam li pais qhau lub cev pw,Tso tus xyw cuag nyob nrog npau suav,txawm pom cuav tsis yog muaj tseeb,yog nruab yeeb tsis yog saum yaj,Los lub siab twb kaj tias pom lawm tiag,Cas 1 pliag lub ntuj tshav nrig pom huab zig ua iab oo niab muam nkauj dab nkauj tso los yuj tau koj lub siab ,Koj ua neeg tsis meej pem ,Koj los tshem wb txoj kev hlub ,Muab me nkauj dab ntub tso nrog dej tshoob.nws txawm quaj lub kua muag poob los koj tsi kk,Nws quaj nrov les cua nyooj hoom kab tsawb
haha Los koj tsis kam tawb thiab tsis nco nws lawm,Koj khiav tawm ntawm nkauj dab ntub nraug npau suav,Koj muab tsev rhuav ntov vau pig pag,Koj ntag tus me siab dub,ciaj koj lub ntuj kaj ,Cia kuv nyob tsaus hnub los txog tav no,Koj tsis nco yog leej twg pib,li cas los kuv yeej tseem nco koj tsis ploj ma ua tsaug koj zaj paj huam kho siab mog,Kuv tsis txawj paj huam kuv tsuas yog seev xwb kuv cov lus seev no sau ua kev lom zem xwb txhob to taub yuam kev nawb NtsujPlig,Kuv xyaum sau xwb os mog sib ntsib dua mog...

NkaujNagTshia......................

Subject: Re: KUV COV PAJ HUAM Tue Feb 25, 2014 11:06 am

Txoj kev hlub nws zoo nkauj ntsa iab yam lub hnub tuaj ci tshiab tshiab.

Subject: Re: KUV COV PAJ HUAM Thu Feb 27, 2014 5:49 pm

NkaujNagTshia

Ua tsaug koj zaj nkauj thiab koj cov lus os, xav kom hnub no
tseem yog hnub ntawd xwb. Yog sij hawm tig tau rov qab
ntshe yuav muab tig rov mus rau hnub ntawd ib zaug seb
puas zoo yam nkaus tawm ib hnub tshiab os.

» sau paj huam ua si
» Lus Sij Huam
» paj huam ncaim
» Chaw Sau Paj Huam
» Xyaum Sau Paj Huam