Txiv neej ua poj niam qhev los poj niam ua txiv neeg qhev nab

First topic message reminder :

los tham rau kuv mloog seb yog li cas tiag os cov phooj ywg
txiv neej ua poj niam qhev?
Poj niam ua txiv neej qhev?

vim li cas nab?

Txiv neej tus me poj qhev
ib leej sev yog tus niam zoo
tsis txhob nroo ua siab tus yees
yeej tsis nkees hais txog kev hlub
noj sib pub hlub thiaj sib nthe
yuav ua ke nyob plaub hau dawb
yeej xav tawb nruab hnub hmo ntuj
thiaj nqee uj aj tsis xam khib
yog tau pib yuav nrog taug kev
tsis yog qhev vim yog txij nkawm
yuav sib khawm kom txog hnub keeb
yeej hlub tseeb tsis muaj hnub tso
hais lus kho kom peb Hmoob zoo
tsis txhob nroo mas me leej muam

Tham txog lo lus, "qhev" yog tus poj niam los txiv neej uas mus ua hauj lwm tsis them nyiaj ces thiaj li yog ris lub npe qhev. Tab sis, hauv txij nkawm txoj kev sib hlub ces txawm ob leeg ua hauj lwm hauv lub vaj lub tsev tsis them nyiaj los ob leeg yeej yog neeg xwb.

Kuv hnov cov neeg qhev mus ua hauj lwm mas yog luag cov tswv luam tsis them nyiaj zoo rau lawv ces lawv khwv npaum li cas los tsis tau nyiaj ces cov neeg ntawm thiaj li nyob rau lub npe mus ua luag qhev ces yog mus ua zog.

Cov neeg tsis ua qhev mas yog cov neeg lawv ua hauj lwm zaum hauv tuam tshab es tsis tau khwv los ua tau nyiaj ntau los siv seem so ces lawv thiaj li tsis yog neeg qhev.

Hos ob me txij nkawm es tus niam thiab tus txiv nim khwv khwv ceb muag zees los tsis muaj xam khib li vim ob leeg twb tos tsis nyhoo hlub hnub poob qho xwb twb yuav rawm mus ntxias me nyuam pw tsaug zog lawm. Yog li ntawm lub npe txij nkawm thiaj khwv sab npaum twg los tsis muaj nroo thiab xam khib txog lub neej li.

Txij nkawm txoj me kev sib hlub mas ib leeg ntsia ib leeg zoo npaum li lub hnub thiab lub hli ya sib caum saum nruab ntug vim txawm yuav sawv, mus kev, thiab pw los ob leeg yeej mloog tau ob leeg ob lub me plawv dhia ua zem zoog rau nruab siab tias cas ib tug yuav hlub ib tug npaum li ntawm rau sim me neej no es ntshe hmo no los yuav zoo npaum li txhia hmob mus tsis tag tsis kawg.

Quote :

Txiv neej tus me poj qhev
ib leej sev yog tus niam zoo
tsis txhob nroo ua siab tus yees
yeej tsis nkees hais txog kev hlub
noj sib pub hlub thiaj sib nthe
yuav ua ke nyob plaub hau dawb
yeej xav tawb nruab hnub hmo ntuj
thiaj nqee uj aj tsis xam khib
yog tau pib yuav nrog taug kev
tsis yog qhev vim yog txij nkawm
yuav sib khawm kom txog hnub keeb
yeej hlub tseeb tsis muaj hnub tso
hais lus kho kom peb Hmoob zoo
tsis txhob nroo mas me leej muam

Twb yog nkaujhnubqub nyob sauj ntuj
Nws hnov noog yuj noog quaj hais qhia
Tus quaj ncia yog ib tus poj hmoob
Nws nyob pem roob lub kua muag ntws
Vim hnov ib tus txiv neej yws duj daws
Cas ntxim ncaws cia yus ua nws qhev
Cas nws niam tsev tsis xws luag
Cas niaj hnub tuag caws dawb hauv txaj
Tsuas ua qaj tsaug zog tas li
Twb tsis nti tseem cia nws ib leeg khwv
Ntshe yuav tsis chwv nyiaj kub ib zaug
Cas yuav tub qaug nws tsis xav ua poj nom qhev
Puas ntxim tu siab nev lawv tej me hmoob aw...

Nkaujhnubqub,

Hahahahahaha....Peb sawv daws twb tuaj sib ntsib saum ntuj ceeb tsheej tib si es ntshe yog koj pom zaj yeeb yaj kiab nov xwb os.

Ntawm nov lawv tsuas yog ua piv txwv mus raws li qhov lawv tau pom thiab tau paub nkaus xwb. Peb tib neeg li cwj pwm xeeb ceem ces nyias yeej muaj mus txawv nyias yam li, ib hnub no nws yuav muaj txawv mus lawm ntau ntau yam cwj pwm kev coj ua ntawm tib neeg rau sawv daws pom.

Tab sis qhov tseeb tiag ces ntawm tib neeg li qauv zoo ntawm hauv paus ntuj tsim muaj ntawd nws yog nws lawm ib yam uas peb tib neeg tau muab tso pov tseg es tig los mus coj yoog raws li tib neeg lub siab xav siab nyiam lawm xwb, es peb tib neeg thiaj li paub tsis txog ntuj txoj kev zoo thiab tsis pom qab nrhiav taug tau ntuj tus neev taw mus txog ntuj txoj kev zoo tsim txiaj uas yog "Ntuj Ceeb Tsheej" ntawd hlo li lawm.

Cia saib mus seb leej twg yog tus uas yuav los taug tau ntuj tus neev taw mus txog rau "ntuj ceeb tsheej" nawb.