Kuv mus ncig txog qhovtwg los kuv yuav tsis dag tias kuv yog lwm yam neeg. Kuv tsuas qhia tau tias kuv yog neeg Hmoob, thiab yug nyob rau tebchaws Nplog no xwb.
Yog kuv dag tias kuv yog neeg Amiskas, lossis yog neeg Suav, ces yog tias kuv dag thiab txo kuv lub meejmom lawm. Yog thaum kuv dag tias kuv tsis yog Hmoob, ces yog kuv txo kuv lub meejmom poob lawm.
Ib qhov pivtxwv thiab:
Yog kuv yog koj tus Lawyer, kuv txoj haujlwm yog yuav pab koj hais koj rooj plaub, Tabsis thaum kuv nrog koj mus hais koj rooj plaub, kuv tsis ncoqab kuv lub meejmom tiag kuv yog koj tus lawyer lawm, Kuv ciali mus tham kev lomzem nrog tej phoojywg thiab mus haus dej haus cawv, ces txhais tau tias kuv tsis siv kuv lub meejmom, Kuv txo kuv lub meejmom Lawyer lawm,
Kuv tau hnov tias muaj ibtug txivneej Hmoob. Nws twb muaj pojniam menyuam, thiab tej menyuam twb loj tag. Nws kawm tau Doctor Degree ces nws txawm siv nws lub meejmom ntawd los tham luag lwmtus neeg tsis muaj kev txawjntse cov pojniam zoonkauj ntag. Hmmm..., nws muab tham thiab deev huvsi li. Thaum lawv ntes tau nws ces nws lub meejmom kawm ua doctor ntawd poob lawm.
Ib txhia neeg mas nws ntse heev, tabsis nyob ntawm nws hlwb hau, nws muaj ob lub hlwb. Ib lub hlwb yog lawm ibtug tibneeg. Ib sab hlwb ua neeg zoo, ib sab hlwb ua neeg phem. Zoo li tus duab hauv no, nws muaj ob lub ntsejmuag, Ib lub yog neeg siab zoo, thiab muaj meejmom ua nom ua tswv, Ib lub yog neeg phem siab phem thiab siv lus phem los khuj luag lwmtus.
Tej lus pivtxwv li no yog kuv tham me me kom nej paub tias lub MEEJMOM ntawm yus yog tseemceeb npaum licas tiag.
Ib yam li ibtug neeg muaj ob lub ntsejmuag. Ib lub ntsejmuag coj tus yamntxwv zoo hos ib lub ntsejmuag coj tus yamntxwv phem. Kev siv meejmom yuav tau txawj tswj koj tus kheej thiab lub siabntsws tiag koj thiaj yuav dhau tau los ua tau ibtug neeg zoo.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: ~MEEJ MOM~ Wed Feb 24, 2010 10:49 am
Kuv mas..., tham tsis muaj paus muaj ntsis li os, ntshe nej tsis nkagsiab li os yom?
Okay, hnub no kuv mam tham txog ib qhov pivtxwv ntxiv tias vim licas yus thiaj tsis novqab yus lub meejmom lawm no nawd.
Nws yuav tau kawm kev ua noj ua haus, kev hlub niam hlub txiv, hlub txhua tus thiab kawm hais lus zoo ua ntej nws yuav hloov nws lub neej hluas mus ua neej laus.
Thaum nws hlob tiav nkauj, nws yuav tau mus nrhiav txiv yuav. Thaum nws nrhiav tau txiv yuav lawm, yog nws paub siv nws lub meejmom ces lub sijhawm no nws tsis yog tus hluasnkauj lawm. Nws hloov nws lub meejmom hluasnkauj mus ua ibtug nyab lossis ibtug niamtsev lawm.
Tomqab nws yog ibtug nyab, nws lub meejmom, "NYAB" ntawd yuavtsum nyob ua tus nyab rau niampog txivyawm. Yog nws tsis ua tus nyab es nws pheej cav ncauj yuav ua niampog tej haujlwm thiab sawv cev los khoo niampog ua tus coj hauv lub cuabyig ces yuav ua rau niampog ntxub nws.
Yog li nws yuavtsum paub siv nws lub meejmom ua tus NYAB xwb txhob rawm mus ua tus niampog.
Nej puas nkagsiab thiab?
DeegSiab Professional Level Iv
Posts : 426 Points : 546 Reputation : 3 Join date : 2010-02-23 Age : 58 Location : US of A
Subject: Re: ~MEEJ MOM~ Wed Feb 24, 2010 3:52 pm
Bauj Baim,
Koj tau haias koj tsis tuav leejtwg nkaub no tabsis koj twb tuav kiag kuv lub nkaub lawm las as rauqhov kuv hu ua Meejmom no ne... J/k.
Rawsli kuv totaub mas meejmom yog lub title. Kuv yog txiv tsev yog kuv ua dog ua dig ces kuv yuav poob kuv lub meejmom mus ua Txiv dev. Koj yog ib tug zoo niam tsev, yog koj tsis txuag koj lub meejmom ces koj yuav poob mus ua maum dev ...
Wow.......zoo siab heev ua tau nyeem Npauj Npaim thiab Deesiab cov lus hais txog Meej Mom mas neb txawj tham thiab ntxhais tau zoo kawg li os. Kuv ces mus txog twg txhua hnub txhua hmo thiab thaum yus tseem ua pa los kuv yeej xav txog Npauj Npaim lub topic nov tag li xwb vim yus yog ib tug tib neeg lawm ces yus yuav tsum muaj lub meej mom ua neeg nyob xav txog ntawm yus tus kheej thiab ntawm luag lwm tus.
Raws li yus loj tuaj es paub xeev xwm tias ib tug neeg muaj meej mom zoo li cas tiag cas pheej hnov tej laus tham txog lo, "Meej Mom" thaum lawv mus hais lus rau tej neeg coob coob mloog thiab lawv ntuas tej neeg kom paub kev ua neej mas yus thiaj li muab tej laus cov lus nov los ntsuam xyuas seb yog mus li cas tiag. Tab sis, zoo siab heev uas muaj Npauj Npaim koj ho coj ob lo lus nov tuaj rau peb kawm thiab sib pauv tswv yim es zoo siab kawg li os.
Nkauj Npaim thiab Deegsiab, cia kuv mam li txuas ntxiv txog meej mom mas yom......hahahahahahaha. Yav tag los kuv pom yawg loj mus txog twg neeg yeej txais tos nws zoo siab hlo thiab caw nws mus nrog luag koom noj koom haus rau ub rau no ces kuv pheej xav tau tias nws yog peb Hmoob ib tug nom tswv loj uas muaj lub meej mom siab tshaj plaws hauv peb tsav Hmoob vim txhua tsav txhua yam nyob rau hauv nws lub neej yav tag los nws tau ua rau peb Hmoob muaj nqis thiab tsim nuj rau peb Hmoob zaj dab neeg yus los ua Hmoob. Tsis tag li ntawm xwb kuv txiv yeej qhia kuv me ntsis tias nyob rau peb Hmoob zaj dab neeg yav tag los mas tus hluas yuav tsum hwm tus laus, tus kwv yuav tsum hwm tus tij, tus yau yuav tsum hwm tus hlob, me nyuam yuav tsum hwm niam thiab txiv, thiab pej xeem yuav tsum hwm lawv tej nom tej tswv peb thiaj li yuav rais tau ua ib haiv neeg muaj meej mom. Tab sis, tu siab qhov tias cas ntuj tsim teb raug los cas peb Hmoob hos tsis muaj taus ib thoob av hu ua lub npe Hmoob ntshe yog peb poob meej mom tag lawm los ua li cas. Thaum kuv xav tau li nov yus yeej hlub yus haiv Hmoob thiab ua me kua muag teev yees ntawm yus ob sab me kuam muag mas.
Ntxiv mus, thaum lub ntiaj teb hloov mus lawm zuj zus peb i pab Hmoob ho tau tuaj mus nrog luag sib tw ua neej nyob rau cov teb chaws vam meej sawv daws pom kev deb es nyias nim muaj nyias lub zog los tsim nyias lub neej kom nrog luag muaj noj muaj haus thiab nyob tau ua ke hauv nyias lub teb chaws tshiab hu ua nyias tsav neeg es peb thiaj li yoog luag txoj cai kom peb ua neej nyob nrog luag sib haum xeeb peb thiaj li yog ib tsav neeg muaj meem mom nrog luag thiab qhia tau tias peb yog neeg Hmoob los sis neeg tawv daj......hahahahahahahahaha. Lub neej nyiam no tsis hais poj niam los txiv neej sawv daws yug los muaj vaj huam sib luag tsim nyias lub neej thiab nrog luag neeg ntiaj teb sib xeem ua nyias lub neej lawm tiag tiag li es peb thiaj lis nyob raws luag txoj cai hauv kev ua neej tuav peb lub meej mom kom dawb huv thiab tsis raug leej twg qhuab yuam leej twg li cas. Yog yuav tham txog ib khub niam txiv los tib yam yog tias nkawv txawj sib hlub ces yog nkawv tseem tuav nkawv lub meej mom es txawm zoo txawm phem los nkawv yeej ua me cav lwj nyob sib ib vim nkawv hlub nkawv lub meej mom rau lub neej pem suab.
Hahahahahahahaha..........thov txim ntau cas zoo li kuv yuav piav tau ntau li ntau ua luaj li os. Kuv cov lus mas yog yuav mus pw nraum zoov thaum lub hli nra es mus suav cov hnub qub ib hmos thiab tham ib hmos los ntshe yuav tham tsis tag zaj li vim txoj kev xav txog txhua yam li os. Nov yog kuv cov lus xav tawm hauv nruab siab qhia rau sawv daws tias lub sij hawm nov kuv tab tom xav li cas thaum kuv ob lub me ntsiab muag tseem laim txias rau tim daim screen nrog kuv cov me ntiv tes xav es yog yam twg kuv hais tsis yog lawm los nej lam nyeem os.